اليوم دشيت البحر وطول العصر ما كان هناك صيد وصار الصيد المغرب صح مب وايد بس الحمدلله من كل نوع الشعم والصال ام عظيم والهوامير والشعري والاجداد وطبعا الخنان كم واحد.

19 thoughts on “هذا صيد اليوم السبت 30-8-2008”

  1. مرحبا اخوي الخباط
    يزاك الله خير على المرور والمشاركه والخنان كثر ما تصيده ما يخلص من البحر بيخلص السمك الزين وهو ما يخلص

  2. انا الصراحه استغرب من الشباب اللي يفرون الخن وصدقوني لو كل واحد صاد خن يابه وعطاه الهنود اللي عنده واللي حواليه جان ضربنا عصفورين بحجر واحد وهو ان اول شي بنفرح هالهندي وثاني شي بنفتك وبنخفف الخنان اللي في البحر وعلى فكره اللي عنده لومي او منجا في البيت يحفر بعيد عن الشجره بمتر ويدفن الخن ويشوف كيف بتتخبل الشجره وهذي فايده ثالثه من الخن

  3. السلام عليكم ورحمة الله وبركاته

    نوخذانا العود

    يمكن ما يدري انه السمجه ادور

    للمعلومه طبعا نضيف

    تواجد السمك باماكن معينه تحكمه طبيعة القاع / القوعه

    ان كانت نيوه فهي تسير وتي

    ان كانت بمشد فهي فيه لكنها ما تاكل الا باوقات معينه وحسب طبيعتها

    لذا انصح الا تتحرك من المكان الا بعد تجربه اكثر من طريقه وحسب المايه

    بعض الاسماك ترى الخيط لذا يفضل الا يتعدى قياس ال 70 مع مسايرة السمكه الكبيره ومن ثم ترفع

    مشكور على المشاركه وانا الحمد الله عندي خبره في البحر ومنكم نستفيد وانعرف حق البحر وعندي لكل مايه محدق ويوم الكل بيقولون ماشي سمك انا بدش البحر وبيبلك احلا ويوم المايه حمل صيدي فيه كل الانواع الشعم والهامور والشعري واليماه والاجداد والصال واهم شي ما ارجع خالي وحلا الشباب الي في الطراد مجدم على احلايه.والسموحه

  4. هلا صلاح ضعف الصيد امس كان علشان المايه حمل اول الشهر ،علشان جذه ماحصلتو سمك ولا انا غلطان 0

    الحمد الله الصيد كان زين بس السمكه اتاخرت لين قبل المغرب وتم ياخذ لين الساعه سبع ونص وهذي حصيلة الصيد زينه ومقبوله بالنسبه للي طلع في هذا الوقت والمايه حمل ونحنا الحمد الله مب غمريه ونعرف محدقنا زين ما زين ونعرف السمكه الي فيه ولا جان غيرنا المحدق يوم اتاخر علينا السمك.المهم ما ارجع ايد ورى وايد جدام و يبت احلاي واحلى الجماعه في الطراد.والسموحه

Comments are closed.