في البداية كنت أحسب إن الناس في المنتدى إيبالغون في مديح شمسة وطريقة تعاملها لكنها تستاهل أكثر. وقصتي إني طلبت من شمسة دخون العود السايل ودخون الكوكتيل وعطر حرير واتصلت في شركة كونتينينتال كوريور سيرفس عشان ايوصلولي الأغراض. المهم تمت الشركة التعبانة ثلالث أيام تماطل لين ما خذوا الأغراض من شمسة وياريتهم ما خذوها لأنهم بدال ما يتصلون فيني أتصلوا بشخص ثاني يختلف رقمه عن رقمي برقم واحد. الأخ ما صدق استلم الأغراض وتناصف العطر مع ربعه المهم إنه طلع بلا ذمه. المهم اتصلت في شمسه وما قصرت طرشتلي غيرهن ثاني يوم وبصراحة ريحة الدخون روعة لدرجة إنها تامة من البارحة لين اليوم. أما الشركة التعبانة وعدووني أنهم إيحلون الموضوع لكن الشخص مايرد عليهم طبعا متعود على ريحة اللبان والظفور ويوم شم ريحة الدخون الغاوية مب طايع يردها ولا إنه يدفع ثمنها. وبالفعل تقدمت بشكوى للدائرة الإقتصادية بعد ما فقدت الأمل إنهم إيحلون المشكلة. في البداية حسيت إني نحسة بعد ما هذا الموقف لكن بعد إلي سوته شمسة أعتبر نفسي محظوظة إني إتعاملت مع إنسانه بهذا المستوى من الإخلاق في المجال التجاري والإنساني. والله إيزيدج بركة في تجارتج.
29 thoughts on “هذه قصتي مع شمسة المهيري”
Comments are closed.
أنا حطيت قصتي مب على سبيل الدعاية لكن من حسن أخلاق المسلم أنه يذكر المعروف ويشجع على التصرفات الايجابية , يعني لو وحده غيرها بتقولي هذي مشكلتج مع شركة النقل وانت حليها, لكن الحرمة قالتلي خليهم ايولون وأنا بطرشلج غيرهم ولا تصدعين راسج وياهم. والحقيقة رفضت في البداية لكنها أصرت إنها إطرشلي غيرهم , لأن في ناس بس همهم التجارة والربح ولكن إكتشفت انه في ناس مثل شمسة ما يهمهم الربح في المقام الأول قد ما يهمهم المعاملة الطيبة , وفعلا الفلوس تي وتروح لكن الأخلاق الطيبة يدوم ذكرها وتفوح ريحتها الحلوة بين الناس.
شكلة يديد على المنتدى ..
نحن طال عمرك يوم نشتري شي من المنتدى .. نبدي راينا فيه سواءً بالإيجاب أو السلب .. وهذا حق مشروع .. بطلب منك شي احد بس …
أضغط على هذا الرابط وشوف الردود على المواضيع
ان شاء الله مثل ما المدح مسموح
ايكون النقد مسموح
تعاملت مع الأخت شمسة اكثر من مرة. وكل مرة أقتنع ان التعامل معاها مكسب.
ما شاء الله عليها فنانة وتعاملها راقي. وفوق هذا مرات ما أطلب منها شئ معين. بس اذكر لها المناسبة ونبذة عن الشخص اللي راح أهديه. وهي تقترح بروحها الهدية والتغليف وكل شئ. يعني حتى تفكر بدالي!
الله يحفظج يا شمسة ويوفقج.
منقذ
ما اعتقد ان الاخت شمسه محتايه دعاية حد.