!!! السلام عليكم ورحمة الله وبركاته ,,, تحيـــة للجميع !!!
أسمحوا لي أخواني المشرفين والأعضاء الكرام بأن أكتب هذا الموضوع لان بصراحة لاحظت الكثير من الاخوان والاخوات
يستفسرون عن أسعار السيارات ,, والبعض يطلب المساعدة في تقييم سيارته !!!!!!!!!!!
ومن منطلق حرصنا لتطوير المنتدى يت على بالي فكرة أن تكون جميع المواضيع المتعلقة بالتقييم والاستفسار عن أسعار
السيارات في مكان واحد ,, لذلك نريد خبراتكم في بيع وشراء السيارات علشان كل واحد يستفيــد ويفيد ,, ولنا ولكم الأجر !!!!!!
ما أطول عليكم بس أرجوا من الجميع المشاركة لتعم الفائدة ,,,
كذلك أرجوا من المشرفين التثبيت إذا كان هناك تفاعل فالموضوع .
نيسان سفاري رقم 1 2009 جير عادي ماشي 30 الف تشييكات وكاله ابيض زنون ومقياس حراره نفس السوبر سفاري بدون دفلووك في شحفه بسيطه ورا البمبر ومصبوغ وليس حادث كم يسوى؟؟؟
ممكن تقيم لي مرسيدس e280 موديل 2008 و 6 سلندر اللون فضي ومن داخل بيج غامق ماشيه 16000 كيلو الموتر خليجي واستخدام حرمه ؟؟؟ كم يوصل ؟؟؟؟
وممكن تقيم لي بعد لاند روفر lr2 لونه ابيض ثلجي ومن داخل اسود موديل 2008 _ 6 سلندر ماشيه تقريبا 35000 كيلو والموتر بعد خليجي واستخدام حرمه ؟؟؟ كم يوصل ؟؟؟؟
طبعا الموترين نظاف وايد وايدوايد
الغالي ممكن تقيملي bmw 2009 740li فوول مواصفات ماشيه 9000
مرحبــا خوي اعتقد بين 20 – 25 حسب النظافة واللون !!!!!!!!!
موفق خيـــــرررررر
كم يسوى كبسوله موديل 92 لونه ابيض قير عادي مكينة كاربيتر والموتر نظيف جدا جدا من كل النواحي المكيف والقير والشاصي والمكينه والدفريشن بس البودي لك عليه شويه فيه شغل معجون ومصبوغ كامل ؟؟؟؟ كم يسوى الحين وفي الشتا كم يوصل ؟؟؟