السلام عليكم ورحمة الله وبركاته
“محمد” شاب في عائلتنا أصيب بمرض السكري قبل 3 سنوات من اليوم .. وقبل إصابته كان خاطب بنت والكل
يعلم بهذا الشي ..بعد إصابته بسنتين تقدم لها بشكل رسمي “حتى يعقد قرانه عليها” لكن أهل تهربوا .. وقالوا إنها صغيره على الزواج
وقبل شهرين عُقد قران هذه البنت “الصغيره على الزواج” على شخص آخر وزواجها بعد شهر تقريباً !
وأظن عرفتوا السبب اللي خلا أهل البنت يفسخون الخطوبه 
بعد هذي المقدمه الصغيره لصاحبنا الشاب الطيب “محمد” .. سؤالي هو :
هل تقبلين أختي العزيزه الزواج من شخص مصاب بالسكري ؟
وهل تقبل أخي الطيب الزواج من فتاة مصابه بمرض السكري ؟
وأتمنى ذكر السبب إذا كان جوابكم هو “لا “
ومتى يجب على أهل المصاب المصابه بالمرض إخبار الطرف الآخــر ؟
دعـوه للحوار والمناقشه
وأتمنى إن الموضوع ما يكون مكرر 
خواني وخواتي شكراً لكم ع الردود والله يسخر لنا ولكم كل خير وطيب
أخوي متعني ومتصرف أنا ما تضايقت إلا من شي واحد
طريقة اللف والدوران اللي اتبعوها
كان ممكن يتكلمون بكل صراحه وخلاص انتهى الموضوع
من هني يقولون البنت صغيره .. ومن هناك زوجوها ..
فقط هذا الشي اللي ما عجبني في تصرفهم .. لكن مثل ما ذكرت أخوي
لهم الحق في القبول والرفض لأنها عشرة عمر .. وليست حياة يوم أو يومين
شكراً أخوي على مداخلتك الطيبه
بس ما خبرتوني ..
متى يجب أن يُخبر المصاب بالمرض الطرف الآخر ؟
الاخوان قالوا اللي بقوله, فمافي داعي أعيده.
لكن,
حسيت من كلامج إنج متضايقه من فعل أهل البنت. ولذلك حبيت أنوّه لنقطه يمكن تكون خافيه عليج.
البنت و أهلها من حقهم إنهم يرفضون الشخص و لو ما كان فيه أي عله. مب أحسن من أن تنبني علاقه بين زوجين مب راضين ببعض ؟
المفروض مرض كالسكري يكون معروف و موضح للخاطب و المخطوبه ..حتى يكون على بينه من أمره
أما أمراض أخرى .. كحبوب في الوجه او صلع بالنسبه للرجل او ضعف نظر ( ليس بشديد ) هاي عادي ما تنقال ألا إذا سئل الشخص ..
بخصوص السؤال رقم 2 ..
الأجابه : إذا كانت متدينه ومن نسب طيب وفيها الجمال اللي أبغيه ما يمنعني مرضها أبدا ولا يشكل حاجز عالأطلاق و لي الشرف
مشكورة الغالية على الموضوع
مهم جدا
اولا
الله يعافي المسلمين من جميع الأمراض
ثانيا
المفروض الأهل يكونون صريحين جدا في موضوع كهاذا مع الطرف الأخر
مرض السكري له مضاعفات وايضا تأثير على العلاقة الزوجية
فابالتالي لازم البنت تقرر عقب ما تتفهم الموضوع عدل
واذا هي مرتاحة وتبغي الريال فلازم تستوعب انها لازم تتحمل ..عسب ما تتفاجأ عقب
والله يعافي الجميع
السكري مب مرض كبير لدرجه وحده ترفض الشاب عشانه
وعلى متى يخبرونهم اصلا لازم الخاطب يقول كل شي عنه قبل يستوي اي شي
هذا رآيي
تسلمين حبوبه