السلام عليكم و رحمة الله و بركاته …
الموضوع موجه للنساء ..ومافي مانع أن يشاركووو الشباب بمداخله طيبه و تعليق ..
السؤال هو :
هـل تقبلين أن تكونين الثانيه ؟!!
علما .. بأن الرجل مقتدر من كل النواحي و أمرأته موافقه و أهله موافقين و مضبط أموووره ..
وهو يبي يتزوج لأن أمرأه وحده ما تكفيه .. مب لعيب في حرمته او شي بالعكس حرمته مب مقصره .. لكن التعدد بيكون أفضل له خصوصا أن ماله أي علاقات محرمه مع الجنس الأخر .. فماله الا الزواج..
<< أتريا ردودكم =)
اووكي اخوي اذا هو ريال عاقل وما خلط بين المشاكل وحاول قد ما يقدر انه يعدل اكييييييد المشاكل بتيي من حرمته الاولى مشاكل احنا في غنى عنها وانا بصراحه مب قدها !!!!
اللهم اهدي الحريم للرجوع إلى
الحق والصواب ولا يتعارضن مع
الشرع .. آمين
كل وحده تيب لها ألف حجة وحجة
تقول أسباب… أنانية ….. ظلم
لكي تقف ضد الرجل في التعدد
وما تعلم أن وقوفها ضد أمر الزوج
سيلقيها في النار لأنها عارضت
أمر زوجها …
طاعة الزوج واجبة على المرأة..
الزوج ليس عليه الاستأذان من المرأة
بل يأمرها أن لا تعارض…
يا نساء عليكن أن ترضين بأوامر أزواجكن
امتثالا لأوامر الله..
يبناااااااات خلن عنك هالخريط…. وتزوجن
في وقتناهذا ماتلقينه لي مش متزوج الثانية علني ولا بالسر……. والرك على الريال جانه ريال ومايسمع كلام الحريم وهل الخرابيط ويقدر يحكمهن… حياه
مكثرهن لي يبن العرس ضغار وكباااار… وكلهن بنات عرب معروفين ومرتاحين بس يبن الستر مايبن هالخرابيط….
والله يستر ع الجميع
وختلاف الرأي لا يفسد للود قظيه
أسف ما فهمت شي من هالجمله ^_^
اقتباس:
وشو يعني…آباءنا وأخوالنا وأعمامنا مب طبيعين؟؟!!!….شو الرمسة الله يهديك…لا تعمم…وتتحرى أنه كل الرياييل نفس الشي…واللي ما يفكر شراتك…أو يعطي الأولوية لرغباته…ها مب طبيعي؟؟؟!!!…رمسة غير منطقية أبداااا……
أختي العزيزه يا ليت تتريثين قبل ما تكتبين مب تكتبين كل شي يخطر في بالج !!
أقرأي كلامي زين .. كلامي واضح وغير مبهم أبدا ..
أنا قصدت بطبيعي يعني ما عنده أمراض تعيقه من أداء حقوقه الزوجيه ..ما قصدت مجانين أو شي ثاني !!
رمستي منطقيه لكن فهمج كان غير صحيح =)
اقتباس:
انت يالس تفتح موضوع كبير
عاد والله ناس بتسوي حرام وبتقول أنها شاذة لنه “لنفسك عليك حق” وفطرة ولازم ما أكبدها
هالرمسة فيها نوعا من التحريف…كل واحد يستخدم الكلام على هواه بس لتبرير الرغبات والشوات في هالدنيا الفانية…الله يستر…
لا أختي اللي يدووور عالحرام ما يحتاج لحديث نبوي أو أيه أو حكمه تبرر له فعله ..
ثانيا أتكلم عن الفطره اللي في أنسان و تصريفها بالحلال أما إذا دخلنا باب الحرام فـ موضوعه كبير وبابه مخلوووووووع
اقتباس:
أكيد خارج…لنه أسباب الرسول صلى الله عليه وسلم كانت مختلفة تمام عن الأسباب الغير منطقية اللي اتبرر الرغبات والشهوات الدنيوية *____^
ملاحظة: الرسول عليه السلام ما تزوج على خديجة رضى الله عنها في حياتها…كان مخلصا لها.
طيب ممكن تخبريني أسباب الرسول ؟
نبغي نستفيد ..
وبخصوص الملاحظه.. هل تقصدين بان الرسول كان غير مخلصا لأزواجه الأخريات عندما تزوج عليهن أكثر من مره .!!
وبعدين ظرووووف الرسول يوم تزوج خديجه غير .كان في بداية نزول الوحي و البعثه وكانت ليس للمسلمين شوكه وكانووا المسلمين يعذبون و قله وفي ضعف .. فعندما هاجر الرسول و قويت شوكة المسلمين وقامت لهم دوله تزوج وعدد .. يعني عندما توفر الأمن و القدره تزوج الرسول و عدد *_^
اقتباس:
أنا ما هونت أي شي…لا زنى ولا غيره…ورديت وقلت أنه الكبائر.
وبعدين أنا مب أنانية…أنا فقط أحاول أن أدافع عن وجهة نظر المرأة اللي ما ترضى التعدد..واللي هن معظم الحريم…يعني كل شي مسويتنه…ما خلت شي ما سوته عشان ترضي هالكائن اللي أسمه رجل…وبعد كل ها بيتزوج عليها…بسبب رغباته…السموحة هاللي يسمونه الأنانية
بس لنه مل…يبى يغير…شو هالعذر…
طيب أختي أنا ما اتكلم عن الرجل اللي يبي يغير أتكلم عن الرجل اللي يبي يعف نفسه .. أقري موضوعي مره ثانيه و بتستشفين هالشي منه..
تحياتي أختي و رأيج على راااااااسي ^_^
حصلت واحد من فترة عمر 22 سنة ومتزوج 3 حريم
والله موفقة فيهن وكلهن راضيات ومجتمعات في بيت واحد