السلام عليكم و رحمة الله و بركاته …
الموضوع موجه للنساء ..ومافي مانع أن يشاركووو الشباب بمداخله طيبه و تعليق ..
السؤال هو :
هـل تقبلين أن تكونين الثانيه ؟!!
علما .. بأن الرجل مقتدر من كل النواحي و أمرأته موافقه و أهله موافقين و مضبط أموووره ..
وهو يبي يتزوج لأن أمرأه وحده ما تكفيه .. مب لعيب في حرمته او شي بالعكس حرمته مب مقصره .. لكن التعدد بيكون أفضل له خصوصا أن ماله أي علاقات محرمه مع الجنس الأخر .. فماله الا الزواج..
<< أتريا ردودكم =)
ومرة وحده …..
مستحيل ….. ارمل مطلق ممكن تنهضم .. يعني ما عنده حد .. تخيل يا ملون وياي تاخذ ريال عن حرمته واعياله ما يقولون اللي بالصدر قلب مش درب…
سنة الله وسنة الرسول عليه افضل الصلاة والسلام بس بالاخير انته يالس تسلب انسان من انسان ثاني وتاخذ ريال عن حرمته …
اليديد حبــه شديد يعني اشكره الثانيه الدلع كله الها …
وشو قالو بعد ؟؟؟؟؟ هيه ..
يطأ الفتى في عمره منازل كثيرة
ما الحــــب الا للحبـــــــــيب الاولي ===> اش خصه ما ادري
بس مستحيل خاصه بها الزمن
أخيييج
شو هالبرود
أصلا هاي اللي اتقول حق ريلها سير عرس تبا الفكة منه
مافي غيرة ومافي حب
شو هالبرود وشو هالحياة
السموحة ها رأييي
وواضح أني لا أرضى أكون الزوجة الثانية ولا أنه يتزوج علي
وبعتبره خيانة بعد لو مافي تقصير أو عذر في كلا الحالتين
وكيف ما قال الأخ القلب في النهاية لازم يميل لوحدة
والعدل هني يكون مستحيييييل
والسموحة عالإطالة.
السلام عليك
انا الصراحة من رايي الشخصي…..لا افضل الزواج من الثانية حتى لو كان الريال مقتدر واهله وحرمته موافقين
لان القلب واااحد و لازم يوم من الايام قلبك بيميل لوحده من الزوجتين اكثر عن الثانية وبالتالي انت بتعطي وقتك ومالك وكل شي فيك للي قلبلك يميل لها اكثر وما بتقدر تعدل بينهم وهذا طبعا لا يرضي رب العالمين
وانا الصراحة افضل ان الريال يعيش طوول عمره ويا الحرمة اللي اختارها و يبادلها الحب وما يقصر وياها في اي شي
لا ،، حبوبه مب صغيره !!
بالعكس اتكون في قمة النضوج ،، والخصوبه !!
احسبيها يكون أفضل !!! يعني تزوجت وهيه في 27 ،، متى بتييب عيال ،، متى بتربيهم !!
بالنسبه لي ،، أحب الحرمة تخلي الانجاب لما قبل ال 30 ،، وبعد هالسن ،، تتفرغ لتربية العيــــال
كلامي على أساس اللي اتمر به الحرمه من ظروف في مراحل في حياتها ،، سواء على مستوى صحتها ،، نفسيتها ،، والخ !!
اذكري الله يا أختي
عزيزتي انا ما قلت انها صغيره على العرس
صغيره انها تاخذ متزوج وعنده عيال شو كالفنها
واللي ترضى انها تاخذ متزوج هاي حالات نادرة ويمكن لها ظروف خاصة (مثلا لفقر الأهل والا عندها مشاكل ويا أهلها)
لكن ماشالله عليها خريجة وحلوه وصغيره هاي كل حد يتمناها و مب مجبورة تاخذ متزوج