هـل ينجـح جـابر نغموش في توصيل رسالة الشعـب إلـى من يهمـه الأمــر ؟

156 thoughts on “هـل ينجـح جـابر نغموش في توصيل رسالة الشعـب إلـى من يهمـه الأمــر ؟”

1. “عندج اكبر دليل ومن مصادر موثوقه مليون في الميه ..

   انا اعرف ريال زوجته مستعده تبيعه اللي جدامه واللي وراه عشان تسافر في الصيف وتكشخ ووووو وووو الخ مظاهر

   ويوم تزوج الوافده صبرت عليه ووقفت وياه وساعدته ولو بالكلمه الطيبه لين ما سوى عمره ووقف على ريوله .. شو رايج اذا انا بحكم مثل ما تفكرين انتي معناها اني يطلق المواطنه لان ما ستفاد منها شي .. طبعا مجرد رأي لا اكثر “

   بالنسبه لي انا ما احب اقول مثلا كل الوافدات سيئات او كل المواطنات زينات

   لان الله حق اعرف بنت وافده قمة الاخلاق

   وبعد يوم اطلب شي منها عمرها ما ردتني

   بس مب معناها ان المواطنات مول ما فيهن خير

   على العكس المواطنات هن اللي ينضرب فيهن المثال

   على الصبر وبعد هل الحسنه والميزه راح تناقشونا فيها

   كم وحده صبرت وريلها يضربها وكم وحده صبرت

   وعافنا الله ريلها راعي مخدرات وكم وحده صبرت

   والبيزات جليله

   بس بالنسبه لهل التعليق احب اضرب مثال على ناس اعرفهم

   اثنين من عايلتي اصحاب مال وجاه على قولتهم وعمارهم بحدود 50

   اتزوجوا اختين وافدات والبنات بحدود 18 والثانيه اكبر

   المهم عاشوا بالحلو مع ريايلهم وخلفوا بنات وصبيان

   بس اول ما انكسرت تجاره الاخو الكبير

   طلبت الحرمه الطلاق

   والثانيه بعدها لحقتها

   والحين اللي اعرف عنهن

   وحده تزوجت هامور صغير

   والثانيه زوجت بنتها هامور كبير

   يعني اخواني العبره في السالفه ان الناس اشكال واللوان

   وما نقدر نحكم بسهوله

2. السلام عليكم ورحمة الله وبركاته

   كل عام وانتو بخير

   وماباقي شي من رمضان راح الضيف .. رمضان

   اخواني خواتي طبعا قريت تعليق كل عضو في الموضوع هذا ..

   في منكم اللي علق تعليق سلبي وفي منكم علق تعليق ايجابي ..

   وفي منكم من ناصف الموضوع ..

   وفي منكم كان متناقض يعني اللي يسمع كلامه يقول هالله هالله واللي يعرفه ويشوف افعاله يقول يفتح الله … طبعا مع احترامي للكل

   جــــابــــــر نـــغـــمـــوش

   
   

   شخصيه اماراتيه بحته وفذه يتكلم عن واقع الامارات بحذافيرها ويمكن هو مقصر في ذكر بعض الامور والكل عارف هذا الشي لكن حفاضا على امن وسياسة الدوله يتم التستر على الجانب الاكبر .. وذكر المواضيع البسيطه جدا اخواني خواتي ..

   عندي وايد كلام حاب اقوله لكن هل في بيكون تقدير لهذا الكلام في الوقت الحاظر .. ؟

   عندي بعض التعليقات على مواضيع الاخوان اتمنا محد يزعل منها بس الواحد قبل لا يكتب رد معين لازم يكون عارف وواعي للي يكتبه ..

   اعتقد كل ماقالة صحيح و 100% وهذا مايحدث ولو تزور بعض الدوائر الحكومية وتشوف الموظفيين عندما تدخل عليهم المراة كيف تسير العفسة ماتصدق ويمكن يخالف القانون ويخدمها ليس شهامة وانما لامرا اخر فى نفسة بينما لسان حالها يقول غبي ومسكيين ابعد عليك من الشمس والحبييب يكسر فى القوانين ويتغاضى عن الكثير من المتطلبات الظرورية فهل يحق لنا ان نسمية نسوجى ؟

   يحليلك شيخي انت تقول لمنو ولا منو …

   هذا الكلام معترف فيه دوليا وين ما تسير البنت هي سيدة الموقف لكن لو كانت هناك رقابه على ها المصخره ما كان صار اللي صار واشكر ادارة وجنسية والجوازات دبي على اهتمامها في مثل ها الامور لاني شفت بعيني ان مصخرة الحريم ما تمشي عندهم ولو كان في شي ترى تحت الطاوله مب جدام العالم .. ههههههه

   احسن من لا شي على الاقل ..

   ادري اليوم بيطيروني اليوم من ورا هال الكلام اللي انا اكتبته ,…

3. طلطميس ..

   عندي وجهة نظر .. بالنسبة لمسلسل حاير طاير بعض الحلقات تسيء الى المواطن نفسه و تخلي الغير ياخذ فكره سيئه عن المواطن

   أتمنى من جابر نغموش الابتعاد عن مثل هذه الحلقات

   اخوي كلامك صح بس اخوي هذا الواقع اللي نحنا نعيشه واللي الكل عارفنه سواء مواطن ولا وافد
   ادري تقصد اليمينيه وووو الخ

   اخوي ليش تهرب من الواقع ..

   مجرد رأي

4. اختي الكريمه

   محد ينكر هذا الواقع لكن بسألج سؤال واتمنى تردين عليه بصراحه

   هل تعتقدين ان موضوع الواسطه او استخدام النساء لتسير الامور الممنوعه صفه ينفرد بها اهل الامارات ؟

   هل الواقع هذا خاص فينا ام انه واقع عالمي ؟

   اذا كان هذا الواقع عالمي فلماذا يحاول المؤلف ان يلصقه بنا ؟

   كان على الكاتب ان يستنكر مثل هذه الظواهر الدخيله على مجتمعنا بطريقه احترافيه تدل على اننا لا نقبل مثل هذه الامور ، وعلينا ان نتصدى لها وان ندرك تلك السلبيات التي بدأت تنتشر ونتداركها بالطرق الصحيحه بدل ان يلصقها بنا وكأنها واقع الشعب الاماراتي . يبا يكحلها عماها

   كل مسلسل يتكلم عن الواقع الي صاير فيه ..

   وأعتقد محد معمي عن الي يسونه الوافدات في بلادنا .. غزو للبلاد وعيال البلاد وانا قصدت من الموقف كيف انه الوافده قادرة تسير امورها بواسطة عيال البلاد …
   وكم من بيت اخترب او تضرر من هالوافدات .. يلبسن لبسنا ويرمسن رمستنا وفعايلهن واضحه قدام الكل شوف الاسواق وشوف كم وافدة تمشي وعدالها مواطن .. المستشفيات الوافدات ما يقعدن حتى في الانتظار ملفها في ايدها وداشه اما المواطنات قاعدات يترين الدور .. الصالونات العجب العجاب من الوافدات الي بتشوفه .. المحلات كم مواطن واقف على الكاشير يدفع فاتورة وافده .. حاله مب طبيعية ابدا واعتقد انه الي يسونه الوافدات في الامارات ما يسونه في اي دولة خليجية ثانية .. شوف الوافدات شو يلبسن وشو من السيايير عندهن كل هذا من خيرهن ؟؟؟!!!

   ليش ما يكون فيه قانون يمنع الوافدات من انه يلبسن لبسنا .. ليش ما يكون فيه قانون يمنع زواج المواطن من الوافدات ؟؟ ليش ما يقلعونهم بلادهم ونفتك منهم ..

   وعندك مولات بوظبي ودبي والعين سير وشوف عيال البلاد كيف مع هاللوث ومب بس المولات الحين حتى المستشفيات ..

5. مسلسل خلال السنوات التي مضت كان قمه فالروعه اما بالنسبه لهذا العام فهو للأسف من حيث المغزى والمعنى …. (( لا تعليق ))

   الله المستعان .. صدق يحز فالخاطر ان مواطن يكتب عنا هالكلام

Comments are closed.