هل أسعار الlx570 مبالغ فيها أم عادله

16 thoughts on “هل أسعار الlx570 مبالغ فيها أم عادله”

1. السعر معقول مقارنة بمثيلاتها من السيارات مثل البورش والأكس 5

2. تقصدون الكروزر اللكزس ؟؟؟ نزلت في الفطيم في وكالة اللكزس

3. الموديل الامريكى 383 حصان والمحلى 362 بدون ذكر المواصفات الاخرى المتوفره فى امريكا وعلى فكره يا أخوان شركة لكزس بأمريكا خفضت أسعارها لموديلات 2008 بحدود 9% عن 2007 حتى يكون السعر مغرى بعد هبوط الدولار وهذا التخفيض عالمى وعندنا زادت الاسعار 5% فى الامارات وكذلك عمان.

   وين وزارة الاقتصاد عن هذا التلاعب

   الاسعار غاليه بس وين السيارات أنا ادور بيضا ولا حصلت حصلت وحده رقم 2 وحاجز عن الفطيم ومدري متى بيعطوني اياها
   وزارة الاقتصاد نايمه في العسل

4. تتكلمون عن أفخم وأحسن سيارات الفورويل في العالم طبعاً لكزس الفورويل …….

   .
   الله يسلمكم اذا كان سعر السيارة عالمي بــ 325.000 يستاهل

   اما كون في الامارات اغلى سعر وباقي البلدان ارخص تعرفون من شوا .
   .
   الله يسلمكم هذا من البطرة اللي عندنا لو شو ماحطوا سعر اشتروه يحبون التميز وانا اخوكم … مالت ع التميز يوم انه يخلي وكالات السيارات عندنا
   كل سنة اتزيد .
   .
   كل وكلاء سيارات عندنا يعرفون شو مازادوا بيشترونهم الشباب

   اللي يتعامل مع الفطيم ع شو يتعامل معاه على اسعاره الغالية ولا على خدمتهم الزفته ولا على التوطين اللي عنده ..
   .
   يا جماعة ريال اشترى من السعودية استيشن gxr ثمانية سلندر رقم 2 بـ 167.000
   وعند الفطيم قريب 190.000

   وعن اللكزس فورويل يستاهل
   والبورش و x5 والرنج تراهم اسم بس

5. وايد وايد مبالغ فيه اشحقه اشتري لي هذا الموتر

   مستحيييييييييييييييييييييل اشتريه

   بس اللي معه شو اللي بيمنعه

Comments are closed.