هل أسعار عادت إلى الإرتفاع في بعض المطاعم ؟؟؟

5 thoughts on “هل أسعار عادت إلى الإرتفاع في بعض المطاعم ؟؟؟”

1. صراحة التقصير منا نحن ومب منهم

   لا كافتيريا ولا مطعم تم بدون ما يرفع السعر

   تدرون ليش لان كل ما سرنا عندهم نشتري وهم يزيدون علينا بين فترة وفترة بين درهم او درهمين

   ونحن متقبلين الوضع لا نقاطعهم ولا نبلغ عنهم

   ولا نعاتبهم على حركاتهم

   الحين التقصير من منوه ؟؟؟؟؟؟؟؟؟؟؟؟؟؟؟؟

2. 1) ارتفاع الايجارات بطريقه غير طبيعيه
   2) ارتفاع اسعار المواد الاساسية من طحين وسكر وملح وطماطم …. الخ
   3) غياب الجهات الرقابية
   4) نوم حماية المستهلك
   5) البطره جدام الصاحبه خخخخخخخخخ

   كلها اساسيات في ارتفاع اسعار المطاعم وارتفاع الوجبات

   صحن كيما وخبز براتا ابرك وارخص

3. ماعتقد شيء جهه لمراقبة الأسعار في المطاعم ؟

   بس شيء جهه تراقب النظافة في هذه المطاعم وعند إكتشاف العميل شيء يجب أن يبلغهم لإتخاذ

   للازم

   أعتقد إخوي إن شيء مطاعم وايد وشيء كافتريات وايد ويفضل الطبخ في المنزل لضمان نظافة الأكل

   وسبب الإرتفاع أكيد مب على كيفهم

   يا بسبب إرتفاع الغاز اللي لين الحين مادري ليش مانزل سعره وايد ونزل قليلا

   يا بسبب أرتفاع الإيجار وإرتفاع تكلفة المواد التي سيقوم المطعم بطبخها لإعداد الوجبات للمستهلكين

   حتى أنا لاحظت في مول من المولات سندويش النقانق الواحد ب 8 دراهم

   أحسله الواحد ياخذ كيس نقانق وصمون ويطبخ في البيت وياكل لين مايشبع ماعتقد الأكل بهذي الأسعار

   بشبع البطن يمكن يشبع النظر !!!!

4. المندي اللي في المطعم المقابل لبوابة البحريه (أظن اسمه الجزيره) إرتفع عقب العيد:

   المندي العادي من 18 صار 20.
   المندى الجزيري من 35 صار 40.

   مع إن المفروض الأسعار تنهار.

   تحياتي لدائرة مراقبة السوق.

5. بلغ عليهم يااخوي ولا اشتكي ..

Comments are closed.