في بعض إعلانات السيارات ، تحصل صاحب الموضوع مركّز على نقطة معينة
وهي … “إستخدام حرمة” … وما أدري ليش البعض يعتقد إن السيارة إذا كانت استخدام
حرمة فهي نقطة إيجابية لصالحه
عن نفسي أنا أشوف هالشي نقطة سلبية
وأحاول أتفادى هالنوع من السيارات لأن إستخادم حرمة بالنسبة لي يعني :
– اهمال شديد في صيانة السيارة لأنها ما تعرف ، يعني عادي جداً الآيل يكمل 20 ألف بدون تبديل … عاااادي
– السيارة 90% في دعمات وصبغ ، وعلى أقل تقدير الليتات اللي ورا مبدلات 3 أو 4 مرات والمدعمية مصبوغة 7 أو 8 مرات … على أقل تقدير
– إذا الحرمة متزوجة وعندها عيال ، خاصة 3 أو 4 ، تحصل السيارة من داخل مزبلة ، ولو تطالع تحت السيت بتحصل بلاااااااااااوي
شيبس ، لبان ، بقع عصير ، شباصات ، شعر ، نص سندويشه ، بقايا سمبوسه وأخيراً آثار الكرك
وغيره أشياء كثيرة ما تحضرني حالياً
النقطة الثانية اللي لاحظتها في اعلانات مواقع الإنترنت
بعض الشباب الله يهديهم ما أعرف كيف يفكرون
يكون عارض سيارته للبيع ومنزل صوره له وهو يصيّح ويلات في السيارة !!
والثاني عنده سيارة فورويل عارضنها للبيع ومنزل صورة للموتر وهو مغرّز في الطين ولا معلّق في واحد من العراقيب
لا ويقولك … نظييييف وبحالة الوكالة 
والله هاكي قبل ايام امهاتنا الكبار تحصل استعمالهم محترم وسواقه خفيفه اما الحين اسمحلي كل بنت تسوق 200 و 220 خاطفه علييك وترايس وتعفد رصفه حشه اله ما رحم ربي طبعن انا افضل استخدام الريال افضل فهالزمن
السلام عليكم
و الله يا خوي كلامك سليم 100%
استخدام الحريم من وجهة نظري ثلاث انواع :
1- الي تحافظ على السياره … تشيكات و بودي وكل شي …
2- الي تحصل ميكانيك السياره نظيف و البدي ملتعن (مافي مكان الا مصبوغ) .. ونفس ما قلت لو عندها عيال بيكون الموتر مزبله من داخل …
3- تحصل البدي نظيف و الميكانيك ملتعن … ما تدري متى الأويل يتبدل و لا تعرف سيرفس ولا شي … شرات ناس الله يستر عليهم دقت مكينة اللكزس لأنه الأويل نشف فالمكينه … ماشيين عالاويل مليون
و الله كريم
هههههههههـ
كلامك صح والله
بس هب كل الحريم جيه
الوالده ما شاء الله عليها كانت تحافظ ع التجييكاات ومن تسمع صوت فـ البريك تسير تبدل السفايف وتغير الآيل بانتظام وماتسوي حوادث الحمد لله
بس تعرف ملاحظ ان الكبار فـ السن (فـ الاربعين وطالع) مايهتمون للتجييكاات اماا الاصغر عنهم وايد يهتمون وانا يوم اسير الوكلات اشوف بنات فـ الوكاله ومهتمين بمواترهم
عموماا ماافضل اللي يبيع سيارته يكتب انها استخدام حرمه
يكتب المواصفات ويحط صور للسياره من كل الزوايا عسب يبين انها مب مرقوعه ومضروبه
وعااد اللي يحطون صور للموتر وهو يصيح ويلات محد بياخذ موتره يتحسب الناس من يشوفون الصور بينبهرون فيهاا هههههـ
الله يهديهم
صدقك
شرينا راف من اسبوعين من المنتدى من العضو نصايف الليل “”استخدام حرمة””
المهم تشووف السفايف مب رايحه اله منتهيه شي ثاني ماتنعرف انها سفايف
ههههههههه
انا اللي يقهرني اللي يقووولك وكالة وحاط صوورة موتره وهو يخمس
ولا يقووولك موول ماسرع مبين من اصوورة يمشيه عرض
يقهرووووووووووووووووووووووووووووووووووووون
بعض الحريم مواترهم نظيفه ومحافظين على تجييكاتها
وبعضهم مثل ما انته ذكرت
بس اكثرهم يوم يقوولّك استعمال حرمة يعني الموتر مب مزوّد وبحالة الوكالة
لانه اكثر الشباب مواترهم لاعنين والديها هههه ومزودين المكينة بكامات او توربو او هدرز وخرابيط يعني
وعالخط اتشووفه يمشي 300