في بعض إعلانات السيارات ، تحصل صاحب الموضوع مركّز على نقطة معينة
وهي … “إستخدام حرمة” … وما أدري ليش البعض يعتقد إن السيارة إذا كانت استخدام
حرمة فهي نقطة إيجابية لصالحه
عن نفسي أنا أشوف هالشي نقطة سلبية
وأحاول أتفادى هالنوع من السيارات لأن إستخادم حرمة بالنسبة لي يعني :
– اهمال شديد في صيانة السيارة لأنها ما تعرف ، يعني عادي جداً الآيل يكمل 20 ألف بدون تبديل … عاااادي
– السيارة 90% في دعمات وصبغ ، وعلى أقل تقدير الليتات اللي ورا مبدلات 3 أو 4 مرات والمدعمية مصبوغة 7 أو 8 مرات … على أقل تقدير
– إذا الحرمة متزوجة وعندها عيال ، خاصة 3 أو 4 ، تحصل السيارة من داخل مزبلة ، ولو تطالع تحت السيت بتحصل بلاااااااااااوي
شيبس ، لبان ، بقع عصير ، شباصات ، شعر ، نص سندويشه ، بقايا سمبوسه وأخيراً آثار الكرك
وغيره أشياء كثيرة ما تحضرني حالياً
النقطة الثانية اللي لاحظتها في اعلانات مواقع الإنترنت
بعض الشباب الله يهديهم ما أعرف كيف يفكرون
يكون عارض سيارته للبيع ومنزل صوره له وهو يصيّح ويلات في السيارة !!
والثاني عنده سيارة فورويل عارضنها للبيع ومنزل صورة للموتر وهو مغرّز في الطين ولا معلّق في واحد من العراقيب
لا ويقولك … نظييييف وبحالة الوكالة 
صدقت والله …. وأنا أشوف بعيني في الباركنات والله العظيم لما يدعمون الرصيف أو يشحفون العواميد
أنا اللي قاعد أشوف قلبي يعورني عالموتر وهي صاحبة السيارة وولا على بالها -.- !!
والكلام ما يشمل جميع النساء طبعاً لكن للأسف الأغلبية
في النهاية لازم الواحد يفحص …
وطبعاً يسأل عن الاستخدااااااام ..
يعني كانت سيارة أم عيال ولا سيارة بس حق الروحة والردة من الدوام ولا ولا ولا
انا في نظري مواتر الحريم من ناحية البدي اكيد مصبووووووووووووووووووووغ ومدعوم ومشحوف
اما من ناحية المكينه والجير اتوقع بيكونن انظاف
تظل المسأله في اختلاف كان استخدام ريال او حرمه
فنهايه افحص
في بعض البنات او الحريم يعطو عيالهن سياييرهن
يعني لوهيه مابتلعنهاا الله يخلي الولد مامقصر ابد
انا للحين خذيت موترين استعمال حريم
الحمدلله كل الي خذتهن حالتهن فوق الممتازة .. صح ان السياره ممكن تكون مصبوغه شي خفيف
لكن من داخل بحاله الوكاله والحاله الميكانيكيه فوق الممتازه وكله فالوكاله
الكلام الي قلته ممكن يطبق على فئه بسيطه من الحريم
وهذا عن تجربة شخصيه
مشكور على الموضوع من وجهة نظري من تقرى او تسمع استخدام حرمة على طول اول شي تسويه فحص خمس دقايق صبغ اذا السيارة سليمة خلاص تشجع وتوكل اما عن السيرفس الموضوع مب هالكبر الي في بالك وترى على الفحص والريبورت هستري