في بعض إعلانات السيارات ، تحصل صاحب الموضوع مركّز على نقطة معينة
وهي … “إستخدام حرمة” … وما أدري ليش البعض يعتقد إن السيارة إذا كانت استخدام
حرمة فهي نقطة إيجابية لصالحه
عن نفسي أنا أشوف هالشي نقطة سلبية
وأحاول أتفادى هالنوع من السيارات لأن إستخادم حرمة بالنسبة لي يعني :
– اهمال شديد في صيانة السيارة لأنها ما تعرف ، يعني عادي جداً الآيل يكمل 20 ألف بدون تبديل … عاااادي
– السيارة 90% في دعمات وصبغ ، وعلى أقل تقدير الليتات اللي ورا مبدلات 3 أو 4 مرات والمدعمية مصبوغة 7 أو 8 مرات … على أقل تقدير
– إذا الحرمة متزوجة وعندها عيال ، خاصة 3 أو 4 ، تحصل السيارة من داخل مزبلة ، ولو تطالع تحت السيت بتحصل بلاااااااااااوي
شيبس ، لبان ، بقع عصير ، شباصات ، شعر ، نص سندويشه ، بقايا سمبوسه وأخيراً آثار الكرك
وغيره أشياء كثيرة ما تحضرني حالياً
النقطة الثانية اللي لاحظتها في اعلانات مواقع الإنترنت
بعض الشباب الله يهديهم ما أعرف كيف يفكرون
يكون عارض سيارته للبيع ومنزل صوره له وهو يصيّح ويلات في السيارة !!
والثاني عنده سيارة فورويل عارضنها للبيع ومنزل صورة للموتر وهو مغرّز في الطين ولا معلّق في واحد من العراقيب
لا ويقولك … نظييييف وبحالة الوكالة 
في حريم سيااييرهم نظااف وتجييكات الوكاله و شي حريم ما خلو زبااله في الفريج ما دعموها
احسن شي تشتري موتر عن فئة ” نص و نص “
يعني ما تعرف هو ريال و لا حرمة
هذا عاد يقولون يحافظ على موتره شرات ما يحافظ على جسمه و شعره
يكون مصبوغ 100٪ وغير هذا ما يغيرون زيت الجير ، وزيت المكينه يغيرونها بعد ما يطوف عليه الدهر ههههه
انزين اذا الواحد كان يعرقب بموتره مايصير يحط صورته بالبر؟ او يقول ولا مره دش بر والموتر نظيف والخ بالعكس هذه اعتبرها مصداقيه ومب شرط اذا الموتر دش بر يعني خلاص مب نظيف تراه فور ويل
من ناحية استخدام حرمه انا وياك بالراي
ومستحيل تحصل وحده ماشحفت بالسياره ستين مره وصبغتها ميتين ومليون مره والايل يطلب الرحمه ماعمره اتبدل والدرامات تحصلها متآكله لانه السفايف مافكرت تبدلها او حتى تعرفها هههههه او شافت شكلها اصلا
استخدام الحريم ياكافي اخس عن الشباب
استخدام حرمه
ما اتوقع حد يهتم للهكلمه او يعتبرها ميره الا بعض عديمين الخبره في السيارات
انا ماخذ سيارة استخدم حرمه بعد للاسف في الفحص ما بين شي بعدها بشهر سمعت صوت في القيرا وديتها الفحص مره ثانيه طلع القيرا مكسور تماتيك ومكسور