في بعض إعلانات السيارات ، تحصل صاحب الموضوع مركّز على نقطة معينة
وهي … “إستخدام حرمة” … وما أدري ليش البعض يعتقد إن السيارة إذا كانت استخدام
حرمة فهي نقطة إيجابية لصالحه
عن نفسي أنا أشوف هالشي نقطة سلبية
وأحاول أتفادى هالنوع من السيارات لأن إستخادم حرمة بالنسبة لي يعني :
– اهمال شديد في صيانة السيارة لأنها ما تعرف ، يعني عادي جداً الآيل يكمل 20 ألف بدون تبديل … عاااادي
– السيارة 90% في دعمات وصبغ ، وعلى أقل تقدير الليتات اللي ورا مبدلات 3 أو 4 مرات والمدعمية مصبوغة 7 أو 8 مرات … على أقل تقدير
– إذا الحرمة متزوجة وعندها عيال ، خاصة 3 أو 4 ، تحصل السيارة من داخل مزبلة ، ولو تطالع تحت السيت بتحصل بلاااااااااااوي
شيبس ، لبان ، بقع عصير ، شباصات ، شعر ، نص سندويشه ، بقايا سمبوسه وأخيراً آثار الكرك
وغيره أشياء كثيرة ما تحضرني حالياً
النقطة الثانية اللي لاحظتها في اعلانات مواقع الإنترنت
بعض الشباب الله يهديهم ما أعرف كيف يفكرون
يكون عارض سيارته للبيع ومنزل صوره له وهو يصيّح ويلات في السيارة !!
والثاني عنده سيارة فورويل عارضنها للبيع ومنزل صورة للموتر وهو مغرّز في الطين ولا معلّق في واحد من العراقيب
لا ويقولك … نظييييف وبحالة الوكالة 
للعلم اللي يحطي صوره موتره و هو يخمس .. ما يبا يقص عل خلق و يبا يبين لهم انه الموتر لعب فيه قبل ..
+ انه الموتر فيه هبه .. يعني مثلا مشاي .. او قابل للتدوير ..
او في بعض حالات التزويد
قابل للطيران
روووووووووووووووووووووووووووووووووح ههههه
اممممممم ابصراحه انا اشوف استعمال الحرمة يكون افضل اول شي موتر اتشوفه نظيف يعني البدي دومه نظيف ومش وصخ وحتى الربلات اللى على الجامه تكون نظيفه يعني الحرمه تركب مخفي مره وحده ويمكن تبدله او تخليه العمر كله تشوف الجامه فيها لمعه وكاله غير عن الشباب كل يوم يركب ويشل المخفي اللين مال الحرارة يخترب وبعدين لو ادوووس ريس كامل تحس ريلها خفيفه على الريس غير عن الشباب يظهر البستن من الكزوز عن كل اشارة ….. وابصراحه انا جي 55 موديل 2008 من عند وحده خلال 2 بس مشت فيه 16 الف يمكن يعني دوام بيت وبس راي شخصي والسموحه
ههههههههههههه
عيبتني تحصل ( شباصات )
وعاد كله كووووم ويوم تسمع حرمة .. دايسة بريكـ
اسمع السفايف والدرامات وييل ..
آآآآآآآآآآآآآآآآآآآآآآه ..
والله يكسرن الخاطر ..
والله انا اقول ان حرمة ولا ريال .. اخر شي تراك بتاخذ الموتر مب صاحب الموتر ..
وفي النهاية انت بتاخذ الموتر اكيد بتفحصه ..
سواءً صاحبها ريال ورحرمه ..
ولو أنها حجة يضحكون بها على الناس السذج
ويخدعون بها خلق الله
واللي يبا يشتري سيارة لازم يفحص ويتأكد
إبتسم مع حوادث بعض الحريم
مع الإحترام لأخواتنا
هههههههههههه عيبني سؤالك ” هل استخدام حرمه يعتبر مميز؟”
الله يهدي بنات ها زمن
من قريب شايف فبوظبي بنت عندها لومينا أس أس أتداعس وتتجاوز السيارات تقول أنها متأثرة فالبلاي ستيشن ولا فلم أكشن انا عبالي ريال من سواقتها!
والثانية أتقطع فعوافي وعندها بييك أب ومب راحمة الموتر وبعدها أفترة تشتريلك دينالي وعليه تواير تسعمية وكام كربيتر
و أخر شي شفته فبوظبي وحدة فمصفع تبا أتركب فلتر ريييييييييس ! مب ناقص ألا تطلع المدواخ وأتعمر واتحصلك ميحد حمد و أتيول (فديت أغاني ميحد حمد) !
حشى مب بنات , شباب !
وطبعا مب كلهم نفس بعض لكن انا أقول مااااااااااااااايخصه اذا كانت حرمة ولا شايب
الي يبا يشتري سيارة أهم شي تجتاز الفحص وأتجيك على الشاصي اذا ملعوب فالعداد وغيره من الأمور هاذي
الحين انته لو تركب أحلى االكتات على سيارتك وتسير تبيعه على المعارض . المعرض بيقولك انا مايخصني في الكتات تباهم؟ شلهم !
واسموحه للبنات