في بعض إعلانات السيارات ، تحصل صاحب الموضوع مركّز على نقطة معينة
وهي … “إستخدام حرمة” … وما أدري ليش البعض يعتقد إن السيارة إذا كانت استخدام
حرمة فهي نقطة إيجابية لصالحه
عن نفسي أنا أشوف هالشي نقطة سلبية
وأحاول أتفادى هالنوع من السيارات لأن إستخادم حرمة بالنسبة لي يعني :
– اهمال شديد في صيانة السيارة لأنها ما تعرف ، يعني عادي جداً الآيل يكمل 20 ألف بدون تبديل … عاااادي
– السيارة 90% في دعمات وصبغ ، وعلى أقل تقدير الليتات اللي ورا مبدلات 3 أو 4 مرات والمدعمية مصبوغة 7 أو 8 مرات … على أقل تقدير
– إذا الحرمة متزوجة وعندها عيال ، خاصة 3 أو 4 ، تحصل السيارة من داخل مزبلة ، ولو تطالع تحت السيت بتحصل بلاااااااااااوي
شيبس ، لبان ، بقع عصير ، شباصات ، شعر ، نص سندويشه ، بقايا سمبوسه وأخيراً آثار الكرك
وغيره أشياء كثيرة ما تحضرني حالياً
النقطة الثانية اللي لاحظتها في اعلانات مواقع الإنترنت
بعض الشباب الله يهديهم ما أعرف كيف يفكرون
يكون عارض سيارته للبيع ومنزل صوره له وهو يصيّح ويلات في السيارة !!
والثاني عنده سيارة فورويل عارضنها للبيع ومنزل صورة للموتر وهو مغرّز في الطين ولا معلّق في واحد من العراقيب
لا ويقولك … نظييييف وبحالة الوكالة 
صدقت
أنا شايف بعيني وحدة عندها فتك بو رفارف سود ومزود بعد
وهذي صورتها
يا ريال غير بدل
أقولك قاموا يسوقون فتكات و بيكبات
وبيزودون فلتر زيس ووتزويدات على الخفيف وانا شايف يعيني فمصفح ومتزوجات ووراهم أعيال
ياريال احينه لو عندها هوندا اكورد بتحصلها ع الخط انت تمشي 180 وهي عدالك اتطووووووف 240
لول
ماخلو شي لا حق الشباب ولا الشياب
السلام عليكم ورحمة الله وبركاته
يارفيق الخير
الموتر استخدام حرمه يكون 90 % نظيف بخصوص الحريم الموظفات
اذا سارت الوكاله كل بدل تخسر خساير ولا تحاتي
ومن ناحيت المتزوجات
دعمات بسيطه اهم شي المكينه تحصلها مكربنه مب ملعوب فيها
النظافه مقدور عليها
شـكــ وبارك الله فيك ـــرا لك … لك مني أجمل تحية .
هذا الي يقولك أستخدام حرمه مجرد أستغلال للأسم عشان بيعه بسرعه أو بسعر أغلى
أبـــــــــــــدا مايــــــــــخصه لو كان ريال أو حرمه أو حتى ياهل ولا خدااامه
أحيد أيام المدارس كان عدنا جيب رانقلر قير عادي كانت عندا فلبينية دريوليه
والله ماكان فيها حييله أذكر مرة فعوافي ريال غرز وطلعته ابقلص واحنى يالسين نضحك