عندي موضوع للنقاش اليوم ….
قبل سنه تقريبا او قبل اربع الى خمس جلسات مزاد في دبي
كان الرقم الثنائي ينباع بـ 500 الف الى 800 الف وعند دخولي
قاعة المزاد اعلنت الهيئه انه الارقام الثنائيه ستبدا من المليون
يعني مليون وطالع يعني مابتحصل رقم تحت المليون واذكر
رقم 91 انباع بـ مليون و200 الف وكان هو اقل سعر لرقم ثنائي فالمزاد انباع …
وقبل اقل عن سنه الرقم الثلاثي كان ينباع بـ 60 الى 80 الف
وعند دخولي قاعة المزاد طارت الاسعار بقدرت قادر الى فوق الـ 150 الف
يعني اليوم مابتحصل رقم ثلاثي تحت الـ 150 الف ..
اليوم تاريخ 2010 7 في قاعت المزاد الارقام الرباعيه طارت !! الكل اتعجب
رقم رباعي بـ 9 و 12الف اليوم يبناع فوق الـ 25 الف !!!
والدوور ياي على الخماسيه اعتقد المزاد الياي …!!
هل مايجري مقصود ولا شي طبيعي ؟
وهل تؤيد كلامي ولا لا ؟
وهل لفت انتباهك هالشيء ؟
الموضووع للنقاش
والسمووحه طولت عليكم واااايد
..
يرفعون الاسعار وعقبها بتطيح بجبودهم محد يشتري
لوكانت الزيادة بشي بسيط معليه لكن فروقات كبيرة الله المستعان
شو نسوي ياخوك هاي الدنيا حشره مع الناس عيد …
ومب تاجر ارقام قويه عاد تاجر مره وحده 
انا مضارب بس على الخفيف
راس مالي رقمين
وانا ابصراحه كنت مع الارقام قبل لااكون مع الاسهم ..
كنت مع ارقام الموبايل ..
الحبيب أشوفك غيرت نشاطك من مضارب الى تاجر ارقام !!!
اخوي ممكن تعطينا امثله على كل فئه …
ومشكوور على المشاركه ..
اسعار الارقام .. في الفتره الحاليه:
الثلاثية الغير مرتبه … فوق 150 الف .. واذا كان مرتب و مكرر .. يصل الى 3 مليون
الرباعية .. ممكن تصل الى 150 الف .. واذا كان مرتب و مكرر .. يصل الى 2,6 مليون
الخماسية .. المرتبه .. من 50 الف واذا كان مرتب و مكرر .. يصل الى1,5مليون ..
تحياتي
الجناحي