السلام عليكم
فريت الكثير من المواضيع سعر الحديد 2300 و 2400 سجلت ارقام واتصلت فيهم على شان اتاكد من صحة كلام المهندس لما يقولى ويشترى الحديد ب 3800 المهم اخر موضوع قريته الاسبوع الى طاف الحديد التركى ب 2250 اتصلت فى الشخص وقالى اقل كميه تطلبها 5000 طن طبعا انا ما عندى مشاريع اعمار ولا تعمير على شان اطلب الكميه هاذى المهم
وهنا السؤال هل الحديد يباع فى السوق بهاذا السعر ؟
ارجو من الاخوان الافاده ووضع ارقام وعناوين المواردين الحديد والاسمنت بالكميات المطلوبه حسب المشروع
شكرا
اخواني كل شي نزل بس بعض المقاولين ايحاولون يستفيدون قد ما يقدرون
خوي يعتمد على الكمية إلي تباها .. كام ..
انا اعرف واحد إشترى حول 500 طن ب 2600 درهم وكل ما تزيد الكمية يقل السعر
وحياك
اخوى ارباب
ممكن تعطينى عناوين وارقام المواردين للحديد فى العين او اى اماره اخرى بالسعر الى انته تقول عليه والدفع بيكون كاش طبعا
مشكور على هاذى المعلومه
اخوي الحديد على 2400 درهم في العين وحديد تركي لاكن الدفع كاش
بيع الدين او الحساب مرتفع طبعاً
مرحبا أخوي
فعلا سعر الحديد نزل
بس الطابوق و الاسمنت بعده
و الديزل بعده
يعني متر البناء بعده ما نزل حسب ما انت متوقع
انا أبني حاليا بسعر 5500 درهم للمتر حسب المواصفات
و طبعا الاغلبية راح يقول غالي وانا اعرف ان السعر غالي
بس الوقت يلعب دور
و تأكد من الاسعار من عند المقاول مرة ثانية