موسم الاجازات شرف والعائلات تستعد لسفر
فمنهم من اقلع ومنهم من ينتظر موعد سفرة
ومنهم من شرق ومنهم من غرب
لكن لي ابا اناقشكم فيه هو
ظهور موضة جديدة لنساء الخليج اثناء السفر هو خلعها لعبائتها ولسبها ملابس متمدنة وتظهر مفاتن
الجسم ولا وكل هذا امام الزوج المحترم والابناء فما ادري هل انتهت الغيرة ام ماذا اترك لكم ابداء رايكم ؟
والرجاء عدم تحديد جنسية بعينها وانما خليجنا بشكل عام الان عاداتنا وتقاليدنا وحدة
أنا لاني معها ولاني ضدها
اللي تسووي جديه
حريقة تحرقها هي وأهلها
أخــوي
” ملون المعاني “
ماشــوف إنه فيه منهــج وســط في الموضـوع
لأنه يــا >> نعــم أو لا
وبالمصــري الفصيــح >> يا أبيــض !! ياســوِد !!
ضد ضد ضد ضد
كتبت رد طويل بس ما اطرش ، بختصر، انا ضد هل الشي
السلام عليكم
وجهة نظري ان الموضوع ما يناقش بهالشكل ( لان في ابعاد كثيرة ) مثلا الناحية الدينية والاجتماعية وغيرها
و اهم شي طبعا الجانب الديني
بس انا بتكلم بشكل مختصر و عام
و ما راح اتطرق للجانب الديني
و راح اتكلم عن وجهة نظر شخصية
اولا .. ليش المراة الخليجية تلبس العباة و النقاب ( مع ان كثيرات ما يلبسن ) بس اشوفه ضروري جدا
طبعا بيكون الجواب للستر و الحشمة
بس للاسف اللي نشوفه الحين من بعض البنات شي والله يشيب له الراس .. يعني صحيح لابسين عباة .. بس مفاتن الجسم كلها طالعه .. و يمكن اتكون اشد فتنة من اللي يلبسونه الاجانب
استغرب من الناس اللي عادين عمارهم رياييل وراضين بهالشي
اما ان البنية اللي تفصخ عباتها لما تسافر
فهن نوعين
نوعتفصخ العباة اللي كانت محتشمة فيها ( يعني تصير اقل احتشاما ) و اهلها وياها
ما اقول لها شي .. لانها وحده اولا قاصه على روحها
بس كلامي عن اللي يعد نفسه ريال … اذا كان رب البيت بالدف ضاربا …………..
اما البنية اللي تكون عباتها اصلن مسوية فتنه .. و غيرته ولبست لبس اكثر احتشاما
اقول الله يزيدها احتشام و يساعدها
اللي يقولون اللي بتسافر امريكا والدول الاوروبية احسن تشل النقاب والعباة
ترى كلنا عندنا اهالي و يسافرون ويانا .. بعباتهم و نقابهم .. و والله اشوف الاجانب يعاملونهم بشكل جدا زين و ما يفرق عن اللي كاشفات
و بالعكس يحترمون خصوصياتهم و يطرشون لهم حريم
و بعدين دايما نقول .. المرأة كل ما كانت استر واكثر حشمة .. لكبرت بعين زوجها واهلها وكل الناس
انا ما اقول الا حسااافه
ناس عادين عمارهم رياييل و ايلسون حريمهم وياهم في المقاهي والاماكن اللي مليانه شباب صايع و هي كاشفه و الشكله تشوف مو مهتم .. يشيش و ينفخ صوب حرمته … و غيرهم وااايد
ما اقول غير … اخس وعقب عالرياييل