هل انت ضد او مع خلع الخليجية لعبائتها في الخارج .

55 thoughts on “هل انت ضد او مع خلع الخليجية لعبائتها في الخارج .”

1. مرحبا

   انا اقول يصعب عليه اشوف لقبيليه بدون عبايه غير في بيتها او فريجها

   اما الخليجيه الامور صارت عاديه

   اما نحن حتا في امريكا وفي ولايات واشنطن ونييورك وبوسطن

   ماعقن الحريم العبايه

   والصراحه محد قال اي شي غير الاحترام المتبادل

   نسير الحدائق والمولات والمتاحف الخ ولاحد يلتفت عليك او على هلك

   ولاكن في اوربا وبالخصوص فرنسا والمانيا وانجلترا يشوفونك السكان الاصليين من طرف خشومهم

   وتحس منهم بعدم الارتياح تجاهك لانه عارف من العبايه انك عربي من الخليج

   ولاكن هذا يزيدنا افتخار بأنفسنا

   المهم اننا ماقمنا نسير اوربا لهذا الكرهه الاعماء من قبلهم

   وشرينا راحتنا

   وهذي الايام مافيه غير المكان الذي يحترم عباية الستر والحشيمه والكرامه

   العبايه الخليجيه

   ولتذهب اوربا الى ا لجحيم

   وامريكا مالها دخل غير بسياساتها الخارجيه

   ياولد الحلال حد يسير البحرين يعق العبايه

   هذا كله من قل ؟؟؟؟؟؟؟؟؟؟؟؟؟؟؟؟؟؟

   العبايه رمز مثل مالقتره رمز

   الخنجر كان رمز الرجال من اهل المنطقه

   واختفى في السبعينيات من القرن الماضي

   والعبايه رمز البنات في الخليج العربي وبتختفي

   في

   2030

   وهذا رايي وبكل واقعيه

   والعبايه رمز القبيليه في جميع المعموره

   اما الثانيات والله ماهمن

2. بما اني ما البس عباية برا الدول العربية إلا فيما ندر بقول ..

   العباية موب فرض ..

   الفرض هي شروط اللبس الاسلامي

   -ساتر للعورة

   – ما يشف الجسم

   – ما يكون لباس شهرة

   – ما يكون شبيه بلباس الكفرة

   – ما يكون ملفت للنظر

   هذي شروط اللباس الاسلامي ..

   اللي تتقيد فيها كفاية .. موب لازم عباية

   بدليل خواتنا في سوريا ومصر ما يلبسون عباية .. بس لباسهم فيه كل الشروط اللي فوق .. يعني اسلامي

   وهذي وجهة نظري .. إذا التزمت بالشروط يكفي

   أنا اعرف بنات يفصل عبي للسفر كأنها عبي اعراس

   ما ادري شو القصد بس لو تلبس قميص طويل وساتر وايد ارحم من عباتها

   وتبون الصدق العباية في الخارج تجذب ضعاف النفوس من الخليجيين المتسكعين للمغازل .. الصراحة صار لي كمن موقف في المانيا وعقبها خليت لبسي ساتر وحشيم وبدون عباية يتحروني من العرب المقيمين هناك ومحد يقرب مني

   والسموحة

   على اي اساس تقولين ان العباية موب فرض!!!!

   اذا انتي متساهله في الدين هذا شيء راجع لج ….بس ما تقدرين تبدين رايج في امر مفروض

   على كل مسلمه والدلييل

   “(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً*

   العباءه هي الجلباب يعني قطعة قماش كبيره تغطي الجسم كله

   وبصراحه السفر بالنسبة للناس صار شيء ضروري!!!

   ليش السفر ضروري !!؟؟؟

   علشان تتمشون …؟؟؟

   اقول الواحده تحترم دينها وتقعد في بلادها احسن لها الا اذا انجبرت تسافر ..

3. يعني ما حصلت حد على المنهج الوسط ؟!!

   * _ ^

4. من الردود عرفنا المتشددين والمتحررين

5. أهـــم شي أن مفاتن المرأه ماتظهــر يعنـــي مثل الجلباب الطويل أو القميص الطويل الفضفاض ممكن يغطي مفاتنها واليوم العباية عندنا صارت تحدد جسم الحرمـــة إلا مارحم ربـــي

Comments are closed.