السلام عليكم,
في ناس ما شاء الله يحبون ينشون من الصبح الباكر. يعني من بعد الفجر ما يحب يرقد, يحب يطلع ويتمشى.
وفي ناس ما تحب نشة الصبح خير شر. ينش 11 ونص وما بعد وهذاك يومه.
انت من اي نوع وليش؟
عن نفسي, احب نشة الصبح واحب اطلع, اتمشى بالسياره صوب البحر والا في سكيك فرجانا الاوليه.
لان فترة الصبح تشوف الناس هاديه, تمشي بهدوء وماشي زحمه, ولطافة الجو مفعم بالاكسجين (<< مب فاهم معناها بس يت عالبال), وتسمع اصوات العصافير. احس براحه نفسيه.
بعكس النشه المتأخره, احس ان اليوم كله طار. احس بضيق, وايي وقت الظهر, احس بصخه فضيعه, وحر ما تروم تسير مكان. والعصر زحمه وحشره واضرابه ناقص تشوف سياره تعفد فوق سياره ثانيه.
هذا بالنسبالي, شو بالنسبالكم, وليش؟
انتو ما شاء الله متعودين تنشون لهذا الوقت, فصارت الساعه البيوليجيه لديكم مثبته على هالوقت فتنشون تلقائي. بالنسبالي ما اضمن من دون منبه.
مشكوره اختي زهرة الريف على ردج.
بس أحب اكون واعية الصبح يعني من عقب الصلاة اتم واعية
ودوم اتذكر يدتي فديتها تقول
لازم نتم واعيين لأن الملايكه ايوون يقسمون الرزق .. ولو كنا نايمين بيروح رزقنا هههه
فديتها عاد انا اسايرها واقولها
هيه صح ترى الرسول عليه الصلاة والسلام قال : بورك لأمتي في بكورها =)
وساعات اتيني ايام اسهر فيها ارقد عقب الفير وانش ع صلاة الظهر
بس انش مضااايييقة ومزاجي زفففت ..
قومة الصبح لازم
اتسبح اصلي اتريق وارجع انام في الاجازة طبعا
انا م والكرشة متروسة
انش الساعة10 -11 وعقب
يالله وين ماتبا اتسير انا معاك تبا عمان اليمن السعودية قطر الاردن كويت البحرين المكسيك العراق اي مكان فوووووووقة
انا انش الساعه ١٠ او ١١ << ما عندي شغله
بعد الفجر رقاد
بس انا احب الوقت من بعد صلاة الفجر هدوووووء و سكينه و الجو يكون حلو
و حلو يوم يبطلبون ابواب الصاله هذا الوقت ما تسمع صوت السيارات و صوت العصافير مغطي و الديج يصقع
النوم للدابودي والكلب والنسا‘‘‘‘ مايهتني بالنوم سرحان ذيبها