السلام عليكم,
في ناس ما شاء الله يحبون ينشون من الصبح الباكر. يعني من بعد الفجر ما يحب يرقد, يحب يطلع ويتمشى.
وفي ناس ما تحب نشة الصبح خير شر. ينش 11 ونص وما بعد وهذاك يومه.
انت من اي نوع وليش؟
عن نفسي, احب نشة الصبح واحب اطلع, اتمشى بالسياره صوب البحر والا في سكيك فرجانا الاوليه.
لان فترة الصبح تشوف الناس هاديه, تمشي بهدوء وماشي زحمه, ولطافة الجو مفعم بالاكسجين (<< مب فاهم معناها بس يت عالبال), وتسمع اصوات العصافير. احس براحه نفسيه.
بعكس النشه المتأخره, احس ان اليوم كله طار. احس بضيق, وايي وقت الظهر, احس بصخه فضيعه, وحر ما تروم تسير مكان. والعصر زحمه وحشره واضرابه ناقص تشوف سياره تعفد فوق سياره ثانيه.
هذا بالنسبالي, شو بالنسبالكم, وليش؟
كل الناس تحب نشة الصبح إلا انا أحب أررررررقد الصبح أنش الساعة 4:30 للصلاة أصلي وأضبط الساعة عالساعة 6:00 أستانس يوم أشوف مثلا عندي وقت ساعة ونص عشان ارد أرقد و في الويك إند أنش أصلي الفجر وأضبط الساعة عال9:30 مع إني متأكدة إني ما بنش إلا الساعة 10:00 .
شكرا عالموضوع
بالنسبه لي .
احلى وقت هو الصباح الباكر . هواء منعش .يوم جديد .شعور رومانسي.
أنا بصراحه ما أحس بقيمة اليوم والوقت إلا إذا نشيت الصبح
لذا أيام الاجازات انش متأخر فأحس الوقت أبد مافيه بركة ومزاجي زفتتتتتت..
احب نشة الصبح بكل تفاصيلها
واللي أهمها صلاة الفجر ………وبعدها همممممم …..
وكل اللي فبالي أسويه الصبح …
من اصبح افلح وبعدين حسب المكان الي بتروحو