هل تؤيدون الزواج في السن المبكر ؟؟؟؟

9 thoughts on “هل تؤيدون الزواج في السن المبكر ؟؟؟؟”

1. احسن في وقت متاخر ………لانه في كل مرحله او فتره زمنيه اتكون نظرة مختلفه عن اللي قبلها …..يوم مخ الانسان يكتمل ايكون استقر …ويكون عاقل اكثر عن سن الطيش وهو سن العشرينات…والمراهقه

   لانه شي من اليهال مايعرفون انه هذا الزواج مسؤليه …….لازم مخهم يكتمل عشان يفهمون عدل……..ومايستوي طلاق وايد في البلاد ……..

2. الزواج المبكر له ايجابياته وله سلبياته في نفس الوقت ومن الايجابيات
   اولا _العفه للطرفين
   ثانيا _بيكون في تقارب بين اعمار الابناء والاباء وهالشي بيساعد الاباء في تربيه ابنائهم وبيكونون مثل الاصدقاء ومعاملتهم غيير ونقدر نحس بالشي ها فاحينه بالعاده تشوف الريال واصل 50 سنه واكبر عياله دوووبه كمل 15 او بالكثييير كمل 20 سنه فصعب انه يتعامل ويا ,فلو كان فرق العمر بينهم مب وايد احس انه التعامل بيكون افضل بينهم
   ثالثا_بيقدرون يتعودون ع بعض بسرعه وكل واحد بيتعود ع طبايع شريكه وبيتاقلمون بسهوله لانه ماشي خبره
   وني احين للسلبيات من سلبيااته وطبعا مب كلها تكوون مرتبطه بالزواج المبكر لكن غالبا تحدث هالاشياء
   اولا عدم تقديير الحياة الزوجيه وذلك لعدم وجود الخبره وصغر السن
   ثانيا عدم تقدير خطوره النتائج وبالتالي سهوله طلب الطلاق لاسباب قد تكون صغيره
   ثالثا كثره المشاكل لعدم القدره ع استعياب الامور بشكل عقلاني
   والتاخير في الزواج يؤدي بطبيعه الحال الى شيوع الفاحشه فهذه الشهوة الجنسية التي أوجدها الله في الطرفين لا بد من تفريغها فإن لم تفرغ بطريق مشروع ستفرغ بطريق غير مشروع
   الصراااحه اشوف السن المناسب للريال للزواج هو 22_25 وللبنيه من 17_21
   والبنت مالها الا بيت ريلها اما عااد البنات الي تيلس الوحده ترد الف خاطب بحجه اول شي بعدني صغييره عقب ابي اكمل دراستي ابي ادرس في الجامعه مثل ربيعاتي واتم تاخر وتاخر لييين ماتتخرج وتخلص وتكمل 25 وذيج الساعه تقووول ياليتني كنت عرست وياليت والريال نفس الشي بس بتكلم عن الي عنده قدره ماليه وظروفهالماديه اوكي يعني يشتغل والحمد لله ربه فاتح علي ليش مايعرس ؟ ايلس يتريا ويتريا ويتريا ليين مايكمل 30 و 35 عقب يفكر في الزوااج
   وع فكره عاده التاخر بالزواج هي عادة غربية , تسمح للفتاة ان تتاخر بسبب انهاء تعليمها وباسباب واهيه ماله داعي نذكرها وهالشي يودي الى عدم رغبتها بالشاب المتوسط لانها تملك المال والعلم وتبغي من يكون افضل منها في جميع النواحي فنراها ترد هذا لانه غير وسيم وترد الثاني لانه حالته الماديه عاديه والثالث لانه دب والرابع لانه مب من قوم فلان وترد الاخر لانه ماعنده شهاده مثلها لين توصل سن الياس فساعتها تتريا وتطلب انه حد يتزوجها
   بالنسبة للشاب ايلس يدرس ويكمل دراسته لين مايشتغل ويكون نفسه ويدبر له كمن قرش حلال يقدر يعرس بهن ويبدا حياته فيهن يعني يباله لين مايوصل 25 او 26 او 27 ومستحيل انه يفكر ياخذ بنت ع كبره ؟ بطبيعه الرجل يحب البنت تكوون اصغر منه وتكوون بعدها في عز صباها يعني حدود 18_20 فمعناته انه مابيطالع البنااات الي ردن الف خطااب بحجه الدراسه وبعدني صغييره ويوم يوصل عمرها 26 او 27 تفكر في الزواج فالوحده لو ايها خاطب تتوكل وتعرس وعقب عاد عقب الزواج تتفاهم ويا جان بيخليها تكمل الدراسه خير وبركه وجان ماطاع تراه البنيه مالها الا بيت ريلها وتيلس اجابل عيالها وريلها ابرك
   وفي النهايه نختم حديثنا بكلام خير البريه عليه الصلاه والسلام : يا معشر الشباب، من أستطاع منكم الباءة فليتزوج فإنه أغض للبصر وأحصن للفرج، ومن لم يستطع فعليه بالصوم فإنه له وجاء ”
   والسموووووووووووووووووووحه ع الاطاله

3. اول شي أحب اشكر صاحب الموضوع على اختياره هالموضوع الطيب و المفيد …

   ثاني شي ..

   بالنسبة للزواج المبكر للشاب ، انا مع قول الرسول – صلى الله عليه و سلم – : يا معشر الشباب ، من استطاع منكم الباءة فليتزوج ، فإنه اغض للبصر و احصن للفرج . (او كما قال عليه الصلاة و السلام)

   الشاب متى ما اقتدر ماديا ، و نفسيا ، فعليه بالزواج… سواء كان عمره 20 والا 30 ….

   و بالنسبة للبنت .. اعتقد انه من الافضل تزويج البنت و هي صغيره اذا جاء نصيبها و كان الريال صالح في دينه و دنياه و مقتدر .. و ان كان على قد حاله مافي مشكله ( أن يكونوا فقراء يغنهم الله من فضله)

   و سلامتكم

4. مثل ما قال الأخ Boeing ،،،، دام العقل موجود في (((( الاثنــين )))) و الأولى في الرجل،،،، فأنا واحد أشجع الزواج المبكر………………….. و شرط يكون معتمد على عمره و عنده احساس بالمسئولية، و لكن للأسف هذي الأيام ما نقول نادر، بس قليل ما نلقى شباب على قدر من المسئولية. و الله يحفظ شباب المسلمين ،،،،،،،،،،،،،،،،

   تحياتي

Comments are closed.