هل تتزوج مطلقه؟؟؟ للرجال

34 thoughts on “هل تتزوج مطلقه؟؟؟ للرجال”

1. ردودكم عيبتني وفرحتني وايد الصراحه

   ^_^ اشكركم

2. المطلقة حالها حال غيرها ..

   هذاك أول يوم يقولون اووووه هاي مطلقة يعني فيها وفيها وفيها ..

   أنا أشوف وايد رياييل يتزوجون مطلقات مع انهم ما سبق لهم الزواج ..

   ما في وحدة ترضى تتطلق إلا إذا وصلت لطريق مسدوووووووود .. و 90% من الطلاق يكون بسبب الزوج .. يا خيانة او خمر أو أو أو أو .. و المسكينة تصبر و تتحمل و تحاول تغيره و هو لا حياة لمن تنادي .. يعيني تدفن عمرها وياه !!!!
   {وعسى ان تكرهوا شيئا وهو خير لكم,وعسى ان تحبوا شيئا وهو شر لكم, والله يعلم وانتم لااتعلمون}

   أحسها واااااااايد مظلومة .. الله يسعد كل المطلقات ..

3. السلام عليكم جميع ………………

   والصلاة والسلام على رسول الله وعلى آله واصحاب وسلم تسليما كثيرا إلى يوم الدين ……….

   الزواج سنة الحياه قبل كل شي ( المال والبنون زينة الحياة الدنيا ) صدق الله العظيم

   المطلقه علامة استفهام في وقتنا الحالي والعدد في ازدياد شبه سنوي والسبب بالكاد تذهل له العيون والآذان ……………

   كمجتمع إماراتي نُلام اذا ما ابتعدنا عن عاداتنا وتقاليدنا وكذلك يتم التعليق من قبل الكثير من الاشخاص والسبب هوه انه الشخص هذا لم يتبع العادات والتقاليد هل انا مخطي ولا لا ؟

   صحيح عاداتنا وتقاليدنا غاليه علينا ونحترمها ونلتزم فيها ولكن ليش كل عاده ننجبر نتبعها سواء زينه او شينه هذا قبل كل شي ……………؟

   اخواني المطلقه في نظر الكثير تكون نسي منسي بعد طلاقها سواء كانت بها عيب ام العيب كان من الرجل بنفسه وصحيح اني انا من الجنس الخشن ولكن الحق يقال كثير ما تكون اسباب الطلاق بنسبه 60% بسبب الرجال والسلامه من الله في هذا.

   اكبر غلط ان لا تاخذ المرأه فرصتها في العيش بعد طلاقها والسبب لانه اهل العروس دائما ينظرون للبكر فقط اما المطلقه تصاحبها اسباب وعلل وايضا انتقادات وبعدها يضرب الرجل على صدره ويوقول ( انا شوه قاصرني عشان آخذ مطلقه )………..

   المطلقه هن من وصى بهن الرسول صلى الله عليه وسلم قبل البكر في تعجيل تزويجها ولما ذلك من درء للفتن والمشاكل والقضاء على شتى انواع العنوسه……….

   لا اطيل في الحديث ولكن لو حصلت لي الفرصه وكان أمامي انسانه مطلقه ولكن لا يعيبها شيء فا اقبل بها زوجا مهما كان.

4. ياجماعه الخير خلونا نكون عادلين

   مرات الرجل يكون سكير و صاحب علاقات مع نساء اخريات

   يعني اكيد حرمته بتطلب منه الطلاق شو تبا بزوج مامنه فايده ,, وفوق هذا بيسبب لها مشاكل وبتكون معاملته لها سيئة

   مب كل شي نحطه عالزوجه

5. والله شي وااايد مطلقات احسن عنهن ماشي

   مب يعني لانها مطلقه خلاص كانت خاينه او او او او او او من هالسوالف

   ليش ننسى دور الزوج شي وااايد ازواج ما فيهم لا دين ولا ادب ولا اخلاق ولا تعامل هذا غير الخيانات اللي تكون من طرف الزوج.. شوووو يعني بنقول ريال وما يعيبه شي!!! لا مافي شي اسمه ريال ما يعيبه شي.. اللي يسوي العيب والغلط والحرام لازم يتعاقب..
   ليش ما نحط في بالنا انه هو سبب طلاقها؟؟ ليش ما تكون خلعت نفسها منه؟؟؟
   ليش دوم نحط في بالنا فكره مب زينه عن المطلقه؟؟
   يعني الحين من زين المب مطلقات الحين!!!؟؟؟ والا اللي مب متزوجات؟؟؟

   الزينه زينه لو شو ما كانت والمب زينه مب زينه لووو شو ما سوينا او قلنا

   المفروض الواحد ما يعمم..

   .
   وتقبلوا تحياتي

Comments are closed.