السلام عليكم
من باب التغير والخروج عن المواضيع الجدية
وش رايكم كل واحد يخبرنا عن اكثر الأعضاء بالمنتدى الغالي تخيل شكله ولا اوصافة من خلال اسمة بالمنتدى او اسلوبة وطريقتة بطرح مواضيعة
وانا ببداء اول واحد والله يستر على اشتراكي 
بصراحة من بداية تشرفي وانتسابي للمنتدى 
في بالي اثنين من الاخوان وهم اكيد اعضاء لهم محبة وتقدير عند الجميع
اول واحد
اممممممممم
كبير المستثمرين 
بيني وبينكم اتخيلة ماشاءالله مليان ومن اصحاب الاوزان اللي ما ينمزح معها ابدا 
واحس انه دايم جدي ومعصب وما عنده لعب وطويل ومتين
واول ما يدخل المنتدى ايده تشب علية يدور احد يحط حره قومة الصبح فية 
واكثر ما الله عطاه كره لاي واحد يحب يستظرف دمه او يتفلسف فلسفه مالها داعي
<<<<<<< شكله بيضحي فية كبير المستثمرين من طلعه الصبح 
اما العضو الثاني
اخونا المبدع دايما العيماني
وهالشخص مع اني احبه بالله وما بيني وبينة الا معرف خلال المنتدى بس
لكن ماعليه بقول شو تخيلته في بالي 
طبعا احس ان الله ماعطاه طول يعني قصير 
ونحيف بس حبيب وخدوم لأبعد حد 
وكل همه اول ما يدخل المنتدى يحصل حد يبا مساعده ولا برنامج عشان يتلاحق علية بالفزعة كالعاده
باله طوييييييييييييل وصدره وسييييييييييع 
الكل تقريبا يتفق على محبته وغلاته ولا يهنون كل الأعضاء
شعاره (المواضيع مع العيماني غير ) 
وسلامتكم
طبعا متاكد ان الاخوان بيخذون الموضوع بروح رياضية كعادتهم وماراح يوقفون معرفي المتواضع 
الله يستر لا يستلموني 
والدعوه كلها ميانه اخوان على بعض
تحياتي
دمها خفيف
، ممتلئه قليلا 
، تلبس نظارات 
،
كتومه قليلا يعني الي في قلبها في قلبها ما يطلع الا لأقرب الناس لها
دولاااار أماراتي
قاعد فالمكتب لا يشوف حد ولا حد يشوفه من كثر الأوراق الي عنده عالمكتب
طوله زين ضعيفون ويلبس نظاره ستايل
لحيته كامله بدون زلف وسهم وصبغ وهالحركات البايخه اليديده
أتمنى أكون وفقت فخيالي الواااااااااااااسع
وعلى الله يابوطلال الظاهر اني بروح فخرايطهاااا
سلمت ولا هنت
موضـوعك ،، يبــاله رفــع !!!! كــان منــدثر !!!
يـالله ،، اتحــفونا بتخــيلاتكم ،، عــاوزين نضحــك !!!!
كبير المستثمرين خلاص انا باخذ عنك الوصف اللي وصف اياه بوطلال لا نه ينطبق علي
بو طلال…
… ابا اشوفك كيف تتخيلني 
شو عني
حسبي الله على بليسك هلكتني ضحك
…
ليش كلكم تتخيلوني دب
صدقوني انا سمبتيك
الحين بسير ارقد . والصبح .. انته وحضك