مساء الخير

موضوعي مب غريب بس هالأيام صاير موضة عندنا للمتحجبات واللي مب متحجبات، يعني لا تستغرب لما شريكة حياتك تبي برايان يعدل شعرها في ليلة زواجكم؟
والسخيف ان البنت ملتزمة بالحجاب وليلة زواجها تعدل شعرها عند ريال وتقول الا ليلة وحدة، ورفيجتي مب احسن مني ووايد من هالحجي اللي يطول………….

انت يا الشاب
ايش موقفك لما خطيبتك اتكون وحده منهم؟
وانتي يا البنت
تعتبرين نفسج انج صغيرة وبتسوين اللي بتسوينه، واللي يقول لا اهو معقد
اونج اتخالفينه ؟

انتو اشرايكم

9 thoughts on “هل ترضىترضين”

  1. إذا قلّ ماء الوجه قلّ حياءه …. ولا خير في وجه قل ماءه

    الله يهدينا واياهم اختي .. موضوع رائع ومحزن …

  2. انزين احينه البنت هاي ما انكشفت على هذا الريال مثلا

    لكن اتسير المووووووووول وما شاء الله تبارك الرحمن العباه مستويه بدي ضيق

    والله الوااااااااااااااااااااحد خلاااااااااااااص بينفجر واخر شي يقولون ليش تغازل يوم الوحده احينه يمكن لو تظهر ويها وشعرها والله ما انشوفها

    بس يوم تلبس ذيج العباه والكعب هذاك وتتمشى كانها في عرض ازياء …………. اهني الواحد يصير يرقم ويقول خاربه خاربه خلينا نعميها

    السموحه اني طلعت من الموضوع لكن

    انتي وحده من البنات لو النسبة ما كانت كبيره ما كنتي نزلتي الموضوع صح ولا انا غلطان

    لا مب غلطان وكلامك صح وكل البنات الحين الشكل الي انت وصفتة ويبالهن كفوف مب كف على ويهم

  3. بالنسبة لي طبعا ما بسويها و لا فكرت في يوم من الايام اني اسويها…..

    و انا ما اسمح لأي حد يمس شعره مني…..

    و اختي العزيزة عنود المهايا …في بعض الحريم ما اعرف ليش يسيرون عند مصففين شعر او مكياج

    ريايل….. هل هي من قله الحريم ؟؟؟؟؟

    مع انه ماشاء الله فيه حريم بروفيشنل ؟؟؟؟!!!

    انا اعرف وحده سارت عند عمرو …و بصراحة انا اتفاجات لما قالتلي مع انها بنت ملتزمه ، و لما سألتها ليش ؟؟؟

    قالتلي يمدحونه و شاطر؟؟؟؟!!!!!!

    مع احتراماتي للجميع ….بصراحة في بعض

    الحريم خقاقات و تحب المناظر ….يلي

    اتقول و الله شعري سويته عند

    فلان الفلاني يلي يطلع في القناة الفلانيه و لا

    الفستان سويته عند المصمم الفلان العلاني!!!!!!!

    عن أم المؤمنين عائشة رضي الله عنها إذ تقول : ” كنت أدخل بيتي الذي دُفن فيه رسول الله صلى الله عليه

    وسلم وأبي ، فأضع ثوبي – أي أطرحه – فأقول : إنما هو زوجي وأبي ، فلما دُفن عمر معهم فوالله ما دخلت

    إلا وأنا مشدودة عليّ ثيابي ؛ حياء من عمر ” .
    ما في اجمل من حياء المرأه…..

    الله المستعان

    و الله يستر علينا و على جميع بنات المسلمين

    مع تحياتي

    اختكم عليــــــاء القمر

  4. مرحبا عنود المهايا

    يطلعون برنامج على قناة قطر يطلع فيها خبير لبناني يحط ميك اب بطريقة احترافية و عنده كتب و معروف…و عنده صالون في قطر!!! و اخر في لبنان…و السؤال اللي يدور في بالي الحين هو دامه في قطر منو زباينه؟؟؟؟ معقولة خليجيات!!!! و خاصة مجتمعاتنا الخليجية محافظة…..

    ترى المشكلة ان افضل مصممين الازياء و مصففين الشعر و اللي يحطون الميك اب هم من الرجال!!!

    و بنات هالايام صار عادي عندهم كل شي …يمكن اول مرة يشوفونها صعبة و في النهاية يصير الامر عندهم عادي …..اهم شي الحياء و الدين و دامه راح كل شي بتسويه البنت…و الله يستر على الجميع ان شاء الله

Comments are closed.