في شي بخاطري ابغي اقوله بخصوص زواج كبار السن من اجنبيات بشكل خاص و زواج الشباب من اجنبيات بشكل عام
اخواني الموضوع خطير جدا في نظري و اعتقد هو سبب العادات و المشاكل الاجتماعية الدخيلةعلى الدولة فالمجتمع الاماراتي محافظ
الرجل الكبير في السن لا يفكر سوى في زوجة ذات مهر رخيص
وطبعا هذه الزوجة داخلة على طمع
و لا يفكر في عواقب هذا الزواج و في الابناء
دائما الابناء هم الذين يدفعون الثمن في مثل هذه الزيجات
يتوفى الاب الكبير في السن
و يترك زوجة شابة يصعب عليها تعليم ابناءها لغة و عادات هذا البلد و تعلمهم عاداتها و تقاليدها
ديل بيرو: يا اخوي انت داخل معاي في النقاش تحدي وانا هذا مش هدفي من الموضوع
وانا مع الحق و اتقبل الراي الاخر و احترمه
و لكن الصح صح و الغلط غلط
يا اخوي بالنسبة لي اكثر حد لي في السرعة 140 و الجذب خيبة مرات 150 اذ ما حسيت في عمري وانا اسوق ….وفي النهاية انا اخاف على عمري من الحوادث و حذرة والحمدالله اسوق من اكثر من ثلاث سنوات و لين الحين حادث واحد ولو كنت منتبهة و ما اتكلم في التيلفون جان ما صار اللي صار
بالنسبة للموبايل انا موبايلي عندي من فبراير 2006 و عادة التيلفون اغيره كل سنتين او سنة و نصف
وبالنسبة للسيارة قلنا اللي عنده مب مشكلة ان شاء الله ياخذ لمبرقيني بس اللي ما عنده و في بداية حياته المفروض يبدا بسيارة اقتصادية و رخيصة
و بالنسبة للمهر ففعلا انا اليوم البنت بعد مش بس اهلها و لكن اذا الاهل كانوا صعبين؟؟؟
اخي الكريم بالنسبة لانحدار اخلاق البنات اذا كانت الام اجنبية فللاسف الاغلبية او عدد كبير هكذا و لا تلوم البنت لان مالها ذنب و يمكن عاشت يتيمة بعد وفاة الاب او ربما لا حسيب و لا رقيب او ربما الام متساهلة مع بناتها و لا اعمم طبعا
السموحة …و لا تزعل من كلامي
http://www.mowjeldoha.com/mix-pic/borders/www.mowjeldoha.com-borders-24.gif
بس اخوي شو الفايدة ياخذ بذنب أبوه يعني ؟؟؟؟؟؟
تبا الصراحة هذا من أسباب العنوسة عندنا ولا تزعل
دمت بود
http://www.mowjeldoha.com/mix-pic/borders/www.mowjeldoha.com-borders-24.gif
انا قصدي
انا العيال مساكين بياخذون ذنب ابوهم
بتزوج بنتك واحد امة صينية مثلا
نحن كلنا من ادم وحوا
بس الانسان يدور على بنات العوايل ولااصل والدين والحشمة
اما ازوج بنتي واحد امة صينية ويطلعن يدانهم في الصين وكل سنة سايرين رادين بكين :^15:
السلام عليكم
انا قريت كلام اخوي المرزوقي وحبيت اعلق شويه
انا سرت 5 بيوت عسب اخطب ويوم يسمعون اني موظف وعلى قد حالي مايرضوون
تدروون ليش؟؟
لان البنت تبا ريال غني يشتري لها سياره فور ويل ويشتري لها فيــــلا ويشتري ويشتري ويتسلف
عن البنك عسب يرضيها ويرضي احلامها الورديه وانا ريال موظف وتوني ابدي حياتي ومستقبلي جدامي ان شاء الله
تخيلووو يا اخواني 5 بيووت سرت اخطب وقلت ماباخذ الا بنت بلادي وبس ويوم سرت للخطبه مارضو وعلى ها الحال 5 بيوت وطبعا اللي يبا مهر واايد واللي يبا عرس يوميين واللي يبا مادري شووه واللي تقولي ابا بيت بروحي
واخــر شي اضطريت اسير وازوج من بنت عربيه والحمدلله عايش مرتاح وماحد يطلبني شي ولا بنك يطلبني وبعد احب اعلق على كلام اختيbusiness woman ترا يا الاختي الشي الخطير هوه شي واحد اللي هوه المهر المبالغ به يعني قدرو حاله الشاب اذا كان توه متخرج وبعده ماشتغل او توه مشتغل من وين بييب ها المهر المبالغ والله يوفقك اخوي المرزوقي ويوفق الجميع ان شاء الله
و ليش ما دورت لك بنت على قد حالها؟
في ناس في هالدولة متدينيين و عندهم وعي و مطالبهم قليلة بس اهم شي عندهم الله يسعد عيالهم
بالعكس يا اختي انا معاج في طرحج لهذا الموضوع
عمي الله يرحمه اتزوج الثانيه وكان عمره 62 سنه وياله طفلين والحينه العيال يتربون ويا امهم وخوالهم.
واخوانهم متبرين منهم والسبب (؟؟؟؟؟؟؟؟؟؟؟)
العيال المساكين ضايعين في دراستهم وووووالخ
وانا بذكرلك قصة بعد من الواقع وانا كل يوم اشوف هالبنت و قلبي يعورني عليها يا ربي شو مصيرها و هي شو ذنبها من هذا الزواج
الريال كبير في السن عمره في السبعينات اعتقد او يمكن الثمانينات بس بعده ما خرف :rofl:
توفت زوجته الله يرحمها و كانت امراة صالحة
وطبعا صعب وايد الرجل في هذا السن يعيش في بيت بروحه و لكن المفروض كان ياخذ وحدة في سنه
و خذ وحدة من جنسية ليست عريبة و هي شيعية مع احترامي لجميع المذاهب و الديانات
طبعا الحرمة اعتقد في الثلاثينات او العشرينات
وداخلة على طمع
طلباتها و شروطها ما تخلص
والريال وايد متعلق فيها
وهي تامة معاه بالغصب وكل يوم ضرابة
و الحين طالبة الطلاق
الناس يقولون نحن اول مرة نشوف هالرجل يصيح و ليش عشان يحب هالاجنبية ! هذا اللي عمره ما نزلت دمعته ؟
طبعا البنت ما تعرف تتكلم عربي و تتكلم بلغة امها
بسالكم سؤال؟
اذا هالمراة تطلقت
شو مصير البنت؟
طبعا الاجنبية بترجع لبلادها و معاها البنت
والرجل ما بقى من عمره شي
و في النهاية البنت بتكبر و هي تحمل جنسية هذا البلد فقط بدون ما تعرف شي عنه و لا تتكلم بلغته!
و يمكن تصير شيعية على مذهب امها لا حول و لا قوة الا بالله
و مسمتنها اسم غريب عجيب
ديل بيرو:
بس يا اخي الكريم في النهاية البنت مب وراها مسؤوليات نفس الرجل من بيت و زواج و غيره
شو عندها غير اقساط السيارة و بعدين نص راتبهم على المظاهر و باريس غاليري
يا اخوي الانسان لازم يبدا حياته بالتدريج و يوم بيصير عنده فلوس مافيها شي لو فكر بالسيارة الفخمة لان طبيعي الانسان يبغي الافضل
وبعدين يا اخوي اذا انت تؤيد زواج المواطن من اجنبية فلا تلوم البنات و الجيل القادم منهن اذا لقيت فيهن العجب العجاب و الانحدار الاخلاقي
يعني انتي متفقة وياي في مبدأ كل واحد له حرية انتقاء السيارة اللي تناسبه :075:
بس ليش تحلل الحرمة على عمرها الكشخة و الريال لا ؟؟!!!
باي منطق هذا ؟؟
اللي اعرفها
اللي تبا الستر و تكوين اسرة صالحة
ما تفكر بالكشخة الزايدة عن الحد المعقول و تطلب امور تعجيزية من الريال
نصيحة للبنات :
قبل لا تلومون الريال لوموا اهاليكن في عملية المبالغة في المهور
و الاعتراف بالحق فضيلة
يعني قبل لا نرمي التهم نعترف ان اهالينا فعلا يسوون جذة
و الا انا غلطان في هذي النقطة ؟؟؟
لو عندي ملايين الدنيا ما بفكر اتشرالي موتر الا في حدود 100 الى 125 الف درهم
ليش اصرف و اضيع بيزاتي في وسيلة نقل
اهم شي الموتر يكون قوي و شكله مقبول
لكن اني ادور احدث الصرعات و غيرها
اعتبر هذا نوع من البذخ المبالغ فيه بشكل كبير
بسالج سؤال من واقع خبرتج و قربج من الحريم ؟؟
كم موبايل تبدل الحرمة في الشهر الواحد ؟؟
انا اتكلم عن عمري كريال
لعلمج الخاص عندي نوكيا 6630 ما بدلته لين الحين مع انه هذا اسهل شي اسويه
يعني المظاهر مب عند الشباب بس
البنات يمكن اكثر عن الشباب في هذي الأمور ( لا تقولين لي البنت لازم تكشخ و الريال لا )
و ازيدج من الشعر بيت
ضحكت دكتور الجامعة على راعية الهامر H3 هي و حدة ثانية من بوظبي
سالتهن جدام كل الحضور
كم سرعتكم و انتوا تسوقون مواتركم
كل وحدة قالت 160 كم
جان اقولهن انا الريال صاحب 32 سنة اسوق 140 كم كحد اقصى
حتى يوم اسافر بالبر نفس السرعة
جان يقول الدكتور :
عرفنا الحين منو اللي يتسبب في الحوادث :^13:
طبعا انا ما اعمم لكن نفس الشي كل ما يت سالفة الحوادث يقولون الشباب و السرعة الزايدة
و هذا مثال واحد بس
وبعدين يا اخوي اذا انت تؤيد زواج المواطن من اجنبية فلا تلوم البنات و الجيل القادم منهن اذا لقيت فيهن العجب العجاب و الانحدار الاخلاقي
كلامج هذا خطير جدا اختي و معناته ان كل مواطن ياخذ اجنبية لابد ان عياله يكونون فاسدين اخلاقيا
رجعتي تعممين مرة ثانية
انا اروم ارمس وايد اشيا عن البنات و اعمم لكني اعرف ان شي الزين و الشين ، الصالح و الطالح
انا معاج ان الخلل استفحل في التركيبة السكانية
و لعلمج الخاص دايما ما كنت اذكر هذا الشي قبل في قسم الأسهم و ينحذف كلامي
لكني ما اعمم … هذي هي المشكلة
يعني لو قلت لج الحين ان الزواج عن طريق الانترنت و في المنتديات تحديدا نجح
ترومين تقولين ان هذي ظاهرة صحية و دايما تنجح بنسبة 100% ؟؟؟
اكيد شي استثناءات
تقبلي تحياتي العطرة