السلام عليكم ورحمه الله وبركاته

حبيت أستفسر منكم

أنا اليوم جلعت ضرس العقل طبعاً أنا خبره في جلع الأسنان والحشو الدكتوره ملت من ويهي من كثر ما أراجع

طبعاً بعد الخلع مكان الضرس يتم ينزف دم لمدة 24 ساعة تقريباً متواصلة حتى يلتأم الجرح وتهدء اللثة وعلى ما أعتقد أنه دم فاسد لأنه مائل على السواد

قبل 4 شهور كنت جالع ضرس … بس نسيت أسأل .. وكنت أصلي عادي لأني ماعرف شو أسوي في هذه الحالة

في هذه الحالة .. هل الصلاة تسقط ؟

لأنه الدم نجس

أو أني أتوضئ وصلي عادي ؟

يالليت حد ينبأني بالخبر اليقين …….. وان شاء الله الكل يستفيد من الأجابة ان وجدت

9 thoughts on “هل تسقط عني الصلاة في حالة نزيف الدم ؟”

  1. لا ما تسقط عنك الصلاه .. أبدا

    عمر بن الخطاب يوم طعنه أبو لؤلؤة المجوسي صلى و الدم ينبعث من بطنه أنبعاثا ..

    توض وصل عادي

    أنا جذي جذي صليت …. شسوي ماحصلت حل

    بس ماقدرت أتمضمض لأنه الجرح توه طاااااازج وأحس بالويع

    المشكله طول وقت صلاتي وأنا ماسك نفسي حلجي متروس بالدم

    بسرع ينزف الجرح

  2. لا ما تسقط عنك الصلاه .. أبدا

    عمر بن الخطاب يوم طعنه أبو لؤلؤة المجوسي صلى و الدم ينبعث من بطنه أنبعاثا ..

    توض وصل عادي

  3. اي عيادة ليكون عيادة امال عند الدكتورة مها

    لا

    عند الدكتوره تغريد ..

    أيدها خفيفه تجلع الضرس بدون ماتحس …. من زود ما أكون مطمن لعلاجهااااا أتم ألعب بتلفون

    موجودة في عيادة بيسان على كرنيش البحيرة ((الشارقة))

    أنا أشوفها من أفضل العياداااااااااات … وراقية جداً من كل النواحي حتى في التعامل وحجز المواعيد

    وعندهم الدكتور نائل خاص بالتقويم وهو فالأساس صاحب العيادة وشغله فنااااان

    بس أحلى شي البنج ونااااااااسه تحس ويهك مجمد

    كل أسبوعين ولا شهر أعفد عندهم لين مابرتب ضروسي كلهااااااا بفتك من التسوس

    كله من الببسي والحلويات

  4. سلامتكم وان شاء الله ما تشوفون شر
    هذا رقم دائرة الفتوى في دبي اصلو واسئلوهم
    8002422

    يزاااااااك الله الف خير

    أتصلت بهم

    رد علي الفيوس مسج

    قالي الدوام الرسمي من 8 الصبح لين 8 المساء …….

    للأسف مالحقنا عليهم

    لين باجر بيكون خف الدم أو وقف

    بس جذي جذي لازم نستفسر ونتأكد حتى يزدنا علماً

Comments are closed.