السلام عليكم ورحمة الله وبركاته……………..
البعض منكم للولهة الاولى سيستغرب من الموضوع و سيقول في خاطره انني اكتب العنوان المبهم لشد وجذب القراء الاعزاء للدخول اليه بل على العكس تماما ان ما اردته هو معرفة هل انا حالتي الوحيدة ام لا
اكملت عامي العاشر في العمل واتممت عمر الثلاثين والحمد لله ليس على اي ديون وانما لااملك اي شي لا من ارض سكنية ولا زراعية ولا فيلا سكني ولم احصل على مساعدة سكنية ولا عندي رخصة تجارية ولاعندي عمال على كفالتي ولم ادخل مجال الاسهم في عز ايام الاسهم لاقبل ولا بعد ولا اعرف قوانين العمل والعمال ابدا ابدا وسكن بالايجار منذ 5 سنوات
فهل اعتبر نفسي حالة غريبة ووحيدة في الامارات
وشكرا اتريا ردووكم
9 thoughts on “هل تعتبر حالتي الوحيدة في الامارات”
Comments are closed.
في حالات مثلك بس انتبهت لنفسها .. وتلاحقت عمارها
وحقك في الأرض والبيت لازم اتطالب فيه حالك حال أي مواطن ..
ابدأ وخطط لحياتك وأمن مستقبل عايلتك ..
ويقول المثل : أن تصل متأخرا ً خير من أن لا تصل أبدا ً …يعني ابدأ … وتوكل على الله
شي ياخوي ناس
ما يدخلن بتجاره وما جاهم نصيب يلقون أرض او يشترونها
واذا ما عنده تجاره طبيعي ما يكون عنده عمال وما يعرف قوانين العمل والعمال
بس تدري زين لك لا ديون واللي تحصله تصرفه على نفسك واهلك
بس ان شاء الله تلقى اللي يسعدك دنيا وآآخره
المهم الواحد يوم يجي ينام
ينام وهو مرتاااااح
والسموحه عالاطاله
ههههههههههههههههههههههه
وانا مفكرة عمري اني حالة شاذة طلع عندي مثيل
الله كريم
الله المستعان
الحال من بعضه الفرق الوحيد اني تلاحقت على عمري ووفتحتلي مشروع صغير على قدي
تلاحق على عمرك .وحط ابالك مايضيع حق وراه مطالب .
وانته تستحق ارض سكنيه وتستحق بيت . بما انك مواطن ومزوج . لكن هذه الاشياء مابتيك وانته يالس بالبيت
تحرك وانا اخوك .
وقول الحمد الله ان ماعليك ديون . هذا هم ياخوي
واتمنى لك التوفيق
وكل عام وانته بخير
هلا بومييد
وانا بعد بومييد
نفس حالتك يا بومييد شايف وايدين بس هذيلا وضعهم كالتالي واتمنى وضعك ما يكون مثلهم
ناس كل همهم يسير الدوام لين الظهر ويي البيت يرقد لين العصر ويتم عند التلفزيون لين العشاء ويتعشى ويرقد…….
طول الاسبوع على هذا الموال ويوم الاجازه يبخه برقده طيبه لين الظهر
يعني من الدوام لين البيت والبيت لين الدوام
العمر يمر وهو مايحس وما عنده اي نشاط ثاني ولا حتى حاول يسوي حق عمره شغل ثاني او يسال عن شي ثاني
وفي الاخير يقول انا ما عندي وانا ما اعرف
اما وجهة نظري انا في الموضوع هذا
الناس اجناس وطبايع البشر اشكال وانواع
بس المفروض الواحد يتحرك ويعود نفسه على الحركه ويحاول يسوي له بسنس لو صغير
احسن من اليلسه في البيت ويتريا يوصله مسج اخر الشهر (تم ايداع راتب ……..)
اذا حاولت او بدات انك تسوي لك شغله ثانيه بتعرف وبتتعلم وايد اشياء بس حاول
والبلاد فيها نشاط وايد بس الوافدين هم القايمين بها والمواطن المسكين يتريا يوصله مسج اخر الشهر
واخر شي يقول الزلمات والوافدين كلونا ….
اما عن موضوع البيت والارض وغيره
تذكر دائما هذي المقوله (( الحق ياخذ ولا يعطى )) يعني انته قم وروح وطالب واسال وما حد بيسال عنك
الموضوع طويل واحس عمري خرجت عن موضوعك وايد وعن استفسارك والسموحه منك