السلام عليكم ورحمة الله وبركاته

كثرت الأقاويل انه رادارت العين بدون فلاش، واللي يقول بفلاش

واللي يقول بعضهم هي وبعضهم لا ….. واللي يقول اصلاً مب شغالات صندوق فاضي !!

نبغي الخبر الأكيد من شخص فاهم ومجرب أو يشتغل في الشرْطة….

لأني لليوم ماشفت فلاش ينقع من هالرادارت البتّه < متعوب عليها

طبعاً انا مريح راسي من صدعة الردارات و الحمد لله ما أسرع، بس ذابحنـي الفضـول

اللي عنده رد بيفيدنـا يسدحـه هني …
ياسر

19 thoughts on “هل رادارات العين بفلاش ولا بدون؟ نبغي الجواب الأكيد”

  1. ماا عتقد يصورن اليوم خاطفة على واحد بسرعة 140 كنت وما شفت فلاش
    طبيته
    الله يستر جان ما يكون بعد بدون فلاش ويصور رحنا وطي

  3. ياسر انت كاتب في موضوعك(كثرة الأقاويل)..
    والحين بيزيدن الأقاويل أكثر وأكثر..

    لا تعور راسك..
    دوم اخطف على هالرادارات عليهن 160ولا 140ومايصورن ومايشتغلن اصلا لأنه يوم انتشرت المسجات صرح مسؤل في شرطه العين انه هاي اشاعة وبيعلنون عن تشغيلها فالجرايد الرسمية..

    وتأكدت انا انهن مايشتغلن يوم صورني رادار متحرك بعد دوار الديوان وانت ساير المقام >> لا وبعد كرولا بيضا كان الرادار المتحرك وكان واقف عدال الرادار اليديد(الي شكله تقول لابس كاب)..
    يعني اطمن ولا تحاتي..

    ملاحضه: في رادار يضرب فلاش بس بدون مخالفات هذا الرادار مكانة طريج اليحر بوظبي قبل جسر عالية باتجاه بوظبي..
    بس تعبت من الكتابة..

  4. الرادارات كلها ما تشتغل

    بتصريحات مسؤول في استيديو 1 الجديدة على خط ابوظبي العين والعين دبي من النوع الجديد القديمات تصور عادي

  5. مثل ما قال اخونا الرادارات الى في مدينة العين مب شغاله

    بس الى في طريق ابوظبي من المقام وانته رايح ابوظبي تشتغل

Comments are closed.