السلام عليكم ورحمة الله وبركاته
إخواني أخواتي أسعد الله أوقاتكم جميعاً 
حبيت أطرح هذا الموضوع للإستفادة من تجارب حقيقية و واقعية … وحاصلة في مجتمعاتنا يعني
يفضل محد يجيب سالفة عن واحد أمريكي و لا وحدة يابانية … يعني لا حد يشطح 
ويطرح لنا قصص عن علماء وعظماء
… ودنا شي من واقع حياتنا …
الفكرة : … كل منا يتكلم عن تجربة فاشلة … مثلاً وكيف إستطاع أن يستفيد أو يعالج الفشل …ويتجاوز هذه التجربة …
يعني أي تجربة بالحياة …. ما عدا تجربة الحب … هذه الله يخليكم ابعدونا عنها 
.. لأنه كلنا ناجحين فيها … دام كل واحد يحب أبوه وأمه وأخوانه وإخواته … خلص معناها ناجح بالحب … 
عني شخصياً … عندي تجارب فاشلة … وتجاوزت بعض منها … ومازلت أعاني مع بعض التجارب ..
مثلاً فشلت … في تجاوز بعض العادات السيئة في حياتي .. مثلاً :عندي شيء من الإهمال >>> أعاني من إلتهاب مزمن عيوني والمفروض ..أني التزم بقطرة لمدة شهرواحد فقط … وخلاص بفتك من الإلتهاب الملعون …. لكن …للأسف بشتري القطرة من الصيدلية …وبداوم يومين عليها وبعدين … إنسى 
… … ما عدت أعرف …شو أسوي …
أرجوا منكم رحابة الصدر لهذا الموضوع …
والله لا يحرمني من تواصلكم الطيب ..
طبعا في البدايه اقوول الحمد الله
مازلت ابحث عن الحلول بعد الفشل مرتين متاليتين والسبب الثقه والطيبه الزائده وقلة الخبره…
بالنسبه للخبره اعقد من خلال التجارب الي مريت فيها اكتسبت فيها خبره..
والطيبه والثقه الحمد الله وضعت لها حل واتمنى اني اتماسك…
غلطت حياتي
بدايتي الجامعيه اللى كانت كلها لعب في لعب
مع أني متخرجه من الثانويه بنسبه 94
دخلت الجامعة أساسي كله اوكي و معدلي امتياز ،،
عيبتني الجامعة ويلست العب العب لين نزل معدلي مقبول
ماكان يهمني شو أييب في المساقات أهم شئ إني انجح
طبعا لين الحين ندمانه على كل دقيقه ضيعتها في لعبي
تداركت عمري أخر سنه ،، بعد ماصار المعدل في الحضيض وارتفاعه صار صعب على أخر سنه مهما كان التقدير
شديت حيلي تقديري في مساقاتي اامتياز و جيد جدا
الحمد لله رفعته للجيــد ،، مع انه كان عندي امل اوصله ع الاقل للجيد جدا بس وصل الحافه
وكل ما اتذكر اقول الحمد لله على كل حال
وكل مره اقول ليتني شديتي حيلي كنت تخرجت امتياز
طيعا على اخر سنه أحس اني صرت مهووسه دراسه بس شو ينفع الحين
اتمنى قصتي تكون عبره للي داخل الجامعة الحين ويشد حيله
سيف الدولة
سيدة ملعقة
شكراً على تواصلكم وتشريفكم للموضوع …
بس هل حاولتم أن تلاقوا حل ..وفشلتوا بعد ..ولا ما فكرتوا بالحل … ؟؟؟
تخصصي!!
تخصصت عشان خاطر الوالده
بس دفعت الثمن ولين الحين ادفع الثمن
لان طبيعتي غير عن طبيعه وظيفتي
انا ثوريه والشخصيه المطلوبه في عملي
نعجه! لا اسمع لا اتكلم لا ارى
ف نصيحتي لا تغلطون بالتخصص وبعدين تكملون الغلط
في المجستير !!
طيبتي وثقتي باشخاص لم يستحقوا الثقه …
طبعا بمجال عملي الخاص ومش قادر اغير من طبعي ….لهذا اليووم …
فأتمنى من جميع الاخوان الحذر الحذر في تعاملهم مع الاخرين وخاصه بالاموور الماليه…