السلام عليكم ورحمة الله وبركاته
إخواني أخواتي أسعد الله أوقاتكم جميعاً 
حبيت أطرح هذا الموضوع للإستفادة من تجارب حقيقية و واقعية … وحاصلة في مجتمعاتنا يعني
يفضل محد يجيب سالفة عن واحد أمريكي و لا وحدة يابانية … يعني لا حد يشطح 
ويطرح لنا قصص عن علماء وعظماء
… ودنا شي من واقع حياتنا …
الفكرة : … كل منا يتكلم عن تجربة فاشلة … مثلاً وكيف إستطاع أن يستفيد أو يعالج الفشل …ويتجاوز هذه التجربة …
يعني أي تجربة بالحياة …. ما عدا تجربة الحب … هذه الله يخليكم ابعدونا عنها 
.. لأنه كلنا ناجحين فيها … دام كل واحد يحب أبوه وأمه وأخوانه وإخواته … خلص معناها ناجح بالحب … 
عني شخصياً … عندي تجارب فاشلة … وتجاوزت بعض منها … ومازلت أعاني مع بعض التجارب ..
مثلاً فشلت … في تجاوز بعض العادات السيئة في حياتي .. مثلاً :عندي شيء من الإهمال >>> أعاني من إلتهاب مزمن عيوني والمفروض ..أني التزم بقطرة لمدة شهرواحد فقط … وخلاص بفتك من الإلتهاب الملعون …. لكن …للأسف بشتري القطرة من الصيدلية …وبداوم يومين عليها وبعدين … إنسى 
… … ما عدت أعرف …شو أسوي …
أرجوا منكم رحابة الصدر لهذا الموضوع …
والله لا يحرمني من تواصلكم الطيب ..
كتجارت فاشله وايد وايد وايد واعرف انها ما بتنتهي
بس ما بذكرها
يوم اطيح في اي مشكله ما اتضايج بالعكس استانس يمكن هالشي غريب بالنسبه للناس
بس من منظوري الشخصي كل ما اطيح في مشكله ما احب حد ايساعدني ابدا
لاني مقتنعه ان الشخص الي بيساعدني ما بيساعدني كل مره عسب جي اطلع عمري وما احب اعتمد على حد ابدا حتى لو اقرب الناس لي
كل خطوه خطيتها وفشلت فيها استفدت منها وايد لاني اتعلمت كيف اواجهه الامور وشخصيتي قوت وايد
الصراحه لو برجع ل10 سنين ورا كنت وحده هبله وطيبه وعلى نياتي وما ااعرف اقول لا حتى لو كان الشي بيضرني وعلى حسابي
بس كل شي اختلف
والخبره ما هي إلا تجارب مرو فيها الناس عسب جي اقولون عنا خبره
من باب الفضول اختي،،، شو درستي وشو ودج تدرسين؟؟
نفس المعاناه
الطيبه الزايده عن اللزوم .. ولين الحين مالقيت لها حل
دايما افكر في غيري حتى لو كان الشي على حسابي
المهم عندي ارضي الطرف الثاني ويكون راضي ومستانس
والمشكله الناس تستغل الطيبه وبعضهم تفهمها غلط ..
ادور جامعه ثانيه عسب اتخصص التخصص اللي
نفسي فيه برد ادرس بكالوريوس!!
وبعدين يوم اتخرج طبيعي باحتاج مجستير ثاني لان
هل الايام البكالوريوس ما يعتبر شي
فلو تلاحظ ضاع عمري او خلنا نقول شبابي
بين مقاعد الدراسه!!
مررت بتجربه فاشلة ولحد الآن تجربتي فاشلة على اني احصل شهادة التوفل أو الايلس
… امتحنت توفل فوق الـ50 مرة والايلس فوق الـ6 مرات ولكن لا جديد 
الحال محال <<< حد عنده واسطه عسبت انجح . 