السلام عليكم ورحمة الله وبركاته
إخواني أخواتي أسعد الله أوقاتكم جميعاً 
حبيت أطرح هذا الموضوع للإستفادة من تجارب حقيقية و واقعية … وحاصلة في مجتمعاتنا يعني
يفضل محد يجيب سالفة عن واحد أمريكي و لا وحدة يابانية … يعني لا حد يشطح 
ويطرح لنا قصص عن علماء وعظماء
… ودنا شي من واقع حياتنا …
الفكرة : … كل منا يتكلم عن تجربة فاشلة … مثلاً وكيف إستطاع أن يستفيد أو يعالج الفشل …ويتجاوز هذه التجربة …
يعني أي تجربة بالحياة …. ما عدا تجربة الحب … هذه الله يخليكم ابعدونا عنها 
.. لأنه كلنا ناجحين فيها … دام كل واحد يحب أبوه وأمه وأخوانه وإخواته … خلص معناها ناجح بالحب … 
عني شخصياً … عندي تجارب فاشلة … وتجاوزت بعض منها … ومازلت أعاني مع بعض التجارب ..
مثلاً فشلت … في تجاوز بعض العادات السيئة في حياتي .. مثلاً :عندي شيء من الإهمال >>> أعاني من إلتهاب مزمن عيوني والمفروض ..أني التزم بقطرة لمدة شهرواحد فقط … وخلاص بفتك من الإلتهاب الملعون …. لكن …للأسف بشتري القطرة من الصيدلية …وبداوم يومين عليها وبعدين … إنسى 
… … ما عدت أعرف …شو أسوي …
أرجوا منكم رحابة الصدر لهذا الموضوع …
والله لا يحرمني من تواصلكم الطيب ..
ممممممممم عصرت مخي ما لقيت إلا المتن ويوم سويت رجيم والي نجحت فيه والحمدالله بعد معاناه
يالله ورقه وقلم واكتبو الخطوات والمقادير ^_*
اول شي بما اني كنت دبه فكنت اكل وايد فاول شي سويته اني حددت المده والي هي كانت شهرين
ونزلت 40 كيلو(قولو ماشالله واللهم لا حسد)
والمرحله الثانيه فكرت في الاكل(بقولكم الجدول)
المرحله الثالث والتعذيبيه اني اشتريت بدل ايديده واصغر عن قياسي وخليته في الكبت(شوف وحراق يوف ههههه)
اول شي طبعا مثل ما جرب غيري جربت الادويه الي اتضعف والشاي وهالخرابيط بس ما شي امل
بس الي لاحظته اني صرت عصبيه وايد عسب جي قررت اودر الادويه(ترا لها تاثير سلبي ما اتلاحضونه ابسرعه ويباله فتره عسب تفتكون من السموم)
عقب ما قررت ان اضعف ابروحي بدون مساعده حد رتب جدولي كالتالي:
– جدول غذائي صحيح(بس بعاد اكل الي في خاطري)
– المشي كل يوم واقل مده نصف ساعه
-اقلل من نسبه السكر سواء في الكوفي ولا الشاي
– البيبسي واخوانه مره في الاسبوع (ما احبه وايد بس يوم حد يشربه جدامي اشرب الدايت)
جدولي كان كالتالي:
اول الصبح 1 ليتر ماي(اجباري)
ريوق:
:- شاي او كوفي بدون سكر(في البدايه كان صعب لي ما اتعودت وحبيته ^_^)
– ا ي نوع من انواع الفواكه(ما عدا المانجو والافوكادو والموز)
و عقبها 1 ليتر لي الغدا
الغدا:
سلطه بدون ملح ولا فلفل ولا ليمون
لحم او دجاج او سمك مشواي
العشاء:
نفس الشي بس اذا عالغدا لحم العشا اغير ساعات مسك ساعات دجاج
وعقب 1 لتر ماي
ملاحظه: العشاء يجب اكله قبل الساعه 7
والمشي ايكون في الليل من الساعه 9-10 يوميا
الجدول من السبت لي الخميس نفسه ما يتغير
بس يوم الجمعه يوم مفتوح اكل اي شي غير الي في الجدول
بس اهم شي لا تنسوم اسمه يوم مفتوح بس لا تفتحونه وايد عسب ما تنتفخون وايروح تعبكم عالفاضي
من تجربتي اول اسبوع كان صعب وايد وايد وايد
والي عقبه اشوي وعقب اتعودت
الجسم يباله فتره عسب يتعود على الجدول اليديد
واول 5 كيلو بتحسون بصعوبه بس لا تنحبطون من توصلون ال6 كيلو الجسم بيخسر ابروحه والدهون بتحترق
بالنسبه للمشي هو مب بس عسب تخسرون الوزن بس هو ايشد الجسم بعاد فيوم بتمشون بتحسون ابحساسيه وحجه لا اتخافون كملو عادي لان ها ايدل على ان الدهون تحترق والجسم ايشد
ها كان رجيمي لتخسيس الوزن والحمدالله الحين غيرته وبديت رجيم تثبيت الوزن ^_^ والحمدلله اشحلاتني مستانسه
وعسب توصلون للوزن الي تبونه انصح ان تشترون لبس اضيج مب اوسع عسب اتحسون بالفرق ^_^
واذا تبون جدول اليديد قولولي عسب اكتبه وانشالله اكون فدكم
تجربتك الأولية ما أعتقد أنها فاشلة لكن برأيي تجربة غير مقنعة لك … وماشاء الله عليك وجدتي الحل …
وبالتوفيق والنجاح الدائم واالسعادة …
التوفل صعب جداً معظم المتقدمين له يذكرون هالشي … بس أنت ما ذكرت هل لقيت حل ولا .. ما حاولت … وشكراً لك عاتواصلك .. وأتمنى لك النجاح بالتوفل وبكل شيء
مثال جيد وذكرتي الحل … والمهم تكوني أنتي استفدتي من هذه التجربة … وشكراً لك …
وأتمنى لك التوفيق والنجاح الدائم في حياتك ..
خبرنا يا اخوي كيف غلطت هذي الغلطة ، نريد نغلط مثلك
ان شاء الله تعوض في بركه العيال