بسم الله الرحمن الرحيم
أمس المسا حصلت مس كول من الوالدة ( من موبايلها)
رديت اتصلت بها بـ إعادة الاتصال .. يعني ما ضربت الرقم لا (بس كفخته) 
،
بس سويت اتصال على اسمها ..
رد علي واحد توقعت ان حد من اخواني متطفل مثلا راد علي من تلفون الوالدة ..
حاولت أعرف صوته في البداية ما قدرت ..
نزلت التلفون اشوف الرقم لقيت مكتوب “ أمي ”
يعني صح متصلة على رقم الوالدة
وكنت أسأل ويجاوبني و أجاوبه شو الأخبار ؟
ومادري كيف ؟ وأنا أحاول أخممممن الصوت
وشوي كمل رمسته بس كأنه يرمس حد ثاني على التلفون 
قلت ألو ألو … وعرفت انه ما يسمعني …
قلت يمكن مقلب … رجعت سكرت واتصلت مرة ثانية
ردت علي هالمرة الوالدة ..
وما سألتها لأن خلفية الأصوات عندها خلتني أقطع الشك باليقين
كانت الأصوات غير تماما ..
بس خبرتها بالسالفة قالت : أتأكدي وين متصلة …
أنا متأكدة اني سويت اعادة اتصال على الاسم مب الرقم ..
الرقمين كانو أرقام إتزززززالات ..
هل ممكن يصير شبك خطوط حتى ع الموبايلات؟
وحد صار معاه هالشي ولا انا اللي تلفوني مشكل ..
الغريب في الموضوع ان في البداية كأنه كان يكلمني
وعقب تغير الحوار وكان يكلم شخص ثاني
لااااااااااااااااااااااااااااااااا مايخصه << بااااكلج
لا مراااااات يوم تتصلين ع اي رقم مخزن وبعد فتره بتردين ادقين ع نفس الرقم ماتحصلينه
الرقم ينزل تحت والي بعده يكون فوق 
اسهل من النوكياااااااااااااااااا
عبق الورد .. انا اليوم الصبح استوتلي هالسالفه دقيت على بوحمد وانا امخزنه الاسم بو حمد ودقيت جاان يرد عليه واحد ويقولي هلا هلا …. سكت شوي جان اقوله منوه قالي انتي متصله وسكرت الخط بسرعه ورديت اطالع واتأكد اني متصله على اسم بوحمد وبعد شوي رديت واتصلت ورد عليه بوحمد وخبرته بالسالفه وقلته دقيت على اسمك ورد عليه واحد… بعدني لو انا داقه الارقام بقول امغلطه بس انا داقه عالاسم
ماندري الحين الغلط على منوه علينا او عالاتصالات
ليش مضخمين الموضوع وهو بسيط
بالنسبة لتداخل الخطوط في الموبايل ، نعم تحدث ولكن بشكل نادر جدا جدا جدا، لأن اجهزة التحكم في الاتصالات بين المشتركين من أفضل الاجهزة ومن أفضل البرامج الحاسوبية اللتي تدير عملية الاتصال بين الاطراف بكل دقة
لكن في حالة الضغط الشديد جدا او الخلل الفني قد يؤدي ذلك الى حدوث بعض التداخلات ولكن بشكل نادر جدا جدا جدا
اذا بتكلم عن الموضوع هذا ما بخلص
الخلاصة ان السالفة لا هكر ولاشيء ، واللي استوا لكم هو حالة خلل في الشبكة فقط لا غير
عود معطررر مب ع البلاك بيري
من وين بييني الهكر
الأريحي ،
الحمد لله انها عدت على خير ، صدقك انا أهون عنك بوايد الحمد لله
وما تكرر العطل مرة ثانية وتلفوني مب اريكسون الا جان أريكسون مركب مخفي نوكيا الله أعلم