بسم الله الرحمن الرحيم
أمس المسا حصلت مس كول من الوالدة ( من موبايلها)
رديت اتصلت بها بـ إعادة الاتصال .. يعني ما ضربت الرقم لا (بس كفخته) 
،
بس سويت اتصال على اسمها ..
رد علي واحد توقعت ان حد من اخواني متطفل مثلا راد علي من تلفون الوالدة ..
حاولت أعرف صوته في البداية ما قدرت ..
نزلت التلفون اشوف الرقم لقيت مكتوب “ أمي ”
يعني صح متصلة على رقم الوالدة
وكنت أسأل ويجاوبني و أجاوبه شو الأخبار ؟
ومادري كيف ؟ وأنا أحاول أخممممن الصوت
وشوي كمل رمسته بس كأنه يرمس حد ثاني على التلفون 
قلت ألو ألو … وعرفت انه ما يسمعني …
قلت يمكن مقلب … رجعت سكرت واتصلت مرة ثانية
ردت علي هالمرة الوالدة ..
وما سألتها لأن خلفية الأصوات عندها خلتني أقطع الشك باليقين
كانت الأصوات غير تماما ..
بس خبرتها بالسالفة قالت : أتأكدي وين متصلة …
أنا متأكدة اني سويت اعادة اتصال على الاسم مب الرقم ..
الرقمين كانو أرقام إتزززززالات ..
هل ممكن يصير شبك خطوط حتى ع الموبايلات؟
وحد صار معاه هالشي ولا انا اللي تلفوني مشكل ..
الغريب في الموضوع ان في البداية كأنه كان يكلمني
وعقب تغير الحوار وكان يكلم شخص ثاني
ان شا الله تكون انحلت المشكلة
هالمشكله يسمونها cross talk. و طبعا لها حالات معينه تصير فيها.
اللي أعرفه إن المشكله كانت موجوده بكثره قبل رمضان، لكنهم حلوها بشكل جذري قبل العيد.
بصراحه إستغربت يوم قريت إن الموضوع لازال موجود !!
على العموم،
لي عوده.
يا حبيبي منو يقول مستحيل ؟؟
انا مرة متصل في ربيعي ومتأكد من ها الشي ،،
ابغي اقوله اني واقف برع قاعد اترياه ..
والا اشوف واحد يرمس بالهندي ..
اقول شبلاه هذا ضيّع هويته ولغته هههه .. اخرتها طلع راعي الدكان .. بابا انت شو يريد انا مافي تايم حق انت ” معصب حليله” خخخخ..
ورجعت اتصلت مرة ثانية كانت الامور طبيعية ..
ولكن استغربت من الموضوع قلت يمكن صار شبك بالخطاأ