هل هذا تاجر صادق أم كاذب وكيف السبيل للمعرفة

14 thoughts on “هل هذا تاجر صادق أم كاذب وكيف السبيل للمعرفة”

1. أخوي احساس اشكرك على المداخلة

   وكلامك عين الصواب

   وانت مشرف يشهد عليك المنتدى بكبره على جهدك الفعال والمتواصل

   واسال الله ان يستفيد الكل من ردك المميز وهذا ماعهدناه من اخونا احساس

   أخوك بوهاجر يتمنالك التوفيق

2. سوبروبنر أخويب اختصار شديد

   اذا عرضت سلعة للبيع حط رقم للتواصل واذا بعت الرقم راسل اي مشرف وقوله يحذف الموضوع

   وانتها الامر

   كيف انت تعرض سلعة للبيع ولا تحط رقم للتواصل وما تدخل للمنتدى باليومين والثلاث هذا مايعتبر حرق اعصاب

   انا مرة من المرات عضو عارض رقم للبيع وطبعن رقم مميز كان طالب فيه 80 الف ومب عارض رقم للتواصل

   المهم انا بحثت في مواضيعه لقيت موضوع جديم وفيه رقم للتواصل
   ا

   دقيت عليه وسولفت معاه وقلتله انا شراي الرقم اللي عرضته البارحة في منتدى الامارات
   ا

   الريال ارتبك مني وقال بفكر قلتله كيف تفكر وانا بعطيك المبلغ كامل

   قالي باجر خير قلتله زين ممكن اعرف الرقم كامل

   ماطاع يقولي وثاني يوم رد ع الموضوع وقال الرقم انباع

   وصدقني ياخوي انا اعرض اسهم للبيع وبعض الناس يتصلبك بعد شهر وأتقبله بروح رياضية

   لاني انا انسان راعي بزنس لزم اصبر على الزباين مهما كانت الامور

   زييين انت تعرض بضاعة في الجريدة ولا تحط رقم للتواصل (هل يستوي) اكيد لا

   انا اعرض في الجرايد وناس وايدين يدقون مابتصدق لو قلتلك ان بعض الايام يدقون عليه في اليوم الواحد 80 الى 100 اتصال

   والحمدلله الامور كلها طيبة

   أخوي أشكرك على تعليقاتك الطيبة ونورت الموضوع بطلتك

   أخوك بوهاجر

3. السلام عليكم ورحمة الله وبركاته
   بالبداية كل الشكر لاخونا بوهاجر على هذا الموضوع

   مداخلتي هي رد على اسئلتك اخي الكريم .

   أنا مستغرب من اللي يعرضون ارقام مميزة تكون فيهم مواصفات غريبة ألا وهي

   1 مايحط رقم لتواصل

   2 يكون خواف مادري ليش

   اخوي بوهاجر من قوانين القسم اي موضوع ماينذكر فيه رقم للتواصل ينحذف مباشره
   اتمنى من اخواني التعاون مع المشرفين . اي موضوع ماينذكر فيه رقم للتواصل يرجى ابلاغ المشرفين وان شاء الله الاداره بتقوم بالازم .لان ماشاء الله المواضيع كثيره وصعب على المشرفين مراقبة كل المواضيع .. فنبغي تعاون من الاعضاء عشان يكون القسم مثل ماعرفتوه واحسن

   3 اذا دفعتله سعر غاوي قالك وصل ع الخاص سعر اعلى

   اخوي بوهاجر في هاي الحاله اذا كان العضو طارح الموضوع بمزاد .. مافي شي اسمه على الخاص
   الي يبغي يزايد يزايد على العام والي مايقدر يزايد على العام .. فهذا الشي يعتمد على ضمير صاحب الموضوع هو وضميره .
   مثال بسيط
   سبحان الله يكون شخص مب مشارك بالمنتدى فيحاول يزايد عن طريق المسجات او التيلفون .. فهذا يعتمد على صاحب الموضوع اذا كان صادق او يلف ويدور .
   وبكل الحالتين مثل هاي النوعيه معروفه ومكشوفه .

   4 اذا قلتله اتصلبي وبنتفاهم مايتصل

   اذا المزاد رسى عليك وهو تجاهل اتصالاتك او مارد عليك قوم بابلاغ المشرفين
   سيتم ايقاف عضوية الشخص مباشره

   5 اذا قلتله كم طالب يقول بشوف كم يوصل

   اذا كان عارض الرقم بمزاد . فمن حق صاحب الموضوع انه يصبر لحد انتهاء فتره المزاد

   6 واذا قلتله خلاص انا شراي بالسعر اللي تباه وانا جاد وتميت اتراسله ع الخاص يرد عليك بعد فترة ويقول أنباع الرقم

   في هاي الحال بعض الاشخاص مايدخلون بين فتره وفتره . فيبيعون الارقام خارج المنتدى .. في هاي الحاله ماتقدر تلومهم اخي الكريم
   اما اذا كان الشخص موجود وتجاهل رسائلك . فيرجى ابلاغ الاداره او المشرفين . عشان تراسل صاحب الموضوع . وتستفسر منه .

   طبعن هذه المواصفات ليس على الكل ولكن تعودنا عليها في الاونة الاخيرة وماقبل الاخيرة

   اخي الكريم بوهاجر . مثل ماقلت هذا المواصفات ماتنطبق على الكل .. تنطبق على فئه ويمكن تكون قليله .
   لكن اتمنى من جميع الاعضاء التعاون مع المشرفين عشان يبقى القسم مثل ماعرفتوه ويكون في احسن صوره .
   مثال بسيط
   اذا في شخص او عضو طرح موضوع عن المزايده . وماذكر سعر البدايه من كم ومتى ينتهي المزاد ..
   اتشوف الاعضاء يزايدون وهم عندهم العلم الكافي بان هذا الشي مخالف لقوانين القسم
   ليش العضو ماينبه صاحب الموضوع بان مخالف قوانين القسم .. ليش مايبلغ المشرفين بان هذا الموضوع مخالف
   كل ماكان هناك تعاون وتنسيق بين الاعضاء والمشرفين كل ماكان القسم مرتب ومنسق ومن افضل مايكون

   وفالنهاية كل الشكر لك
   والله يوفق الجميع ان شاء الله

4. 1- ما يحط رقم للتواصل عسب لا يعور راسه وبعد سنة يتصله واحد يقله هالرقم انباع ولا لا ….

   2- يكون خواف ما اشوف حد يخاف في هالمنتدى وعلى شو بيخاف ؟؟؟؟

   3- النقطة رقم 3 أنا وياك فيها ….

   4- اذا قلتله اتصل ما يتصل بيكون في هالحالة وسيط والرقم انباع فعسبة شو يتصل ؟؟؟

   5- هالنقطة وياك فيها و متكررة ..

   6-واذا قلتله خلاص انا شراي بالسعر اللي تباه أخوي الناس ما بتعيش على المنتدى حتى تبيع الرقم اذا حصل شراي خارج المنتدى يبيع ليش لا
   وفي ناس مب فاضية كل يوم تشيك اذا حد يبا الرقم ولا لا في المنتدى ممكن يشيك يوم يومين وما شي ردود بيتم يتحوط في المنتدى ؟؟

   ### كنت لازم تكتب بعد انواع الردود والتي تنقسم لقسمين :::: ###

   **بالتوفيج ومعناها : شو هالسعر الغالي ومن اصلا بيشتر عنك واقص ايدي لو حد بيشتر ومن هالكلام

   وفي :

   *بالتوفيج المراد منها الدعاء وان شاء الله ينباع الرقم بالسعر اللي تباه ..

   (( وكل واحد يعرف نفسه ))

   8- الردود التي مالها الا التخريب على البيعة :

   ومنها يكون التاجر يبا يستفيد خارج المنتدى ويبدأ يقولك يا خوي سوق الارقام داون وما شي شغل سعرك وايد غالي – مما يؤدي الى ابتعاد بعض الزوار عن هالرقم ولا حتى بيفكرون انهم يشترونه ..

   
   ثانيا : البيع على البيع …

   وهذه القصة صارت في موضوعي انا يوم عرضت

   ارقام دو اصفار بسعر 14 الف وكان ربيعي هو اللي

   طلب مني اعرضهم ويا واحد من الشباب ويقولك انا

   محصلهن بنص السعر اللي انتا قلته او انا حصلته

   بسعر 8000 واللي يبا اي رقم(( انا حاظر)) وفي

   النهاية انا حصلت الارقام بسعرها العادي وكان

   بامكاني اخذ فايدتي لكن يوم شفت الرد اللي قال

   ب 8000 واللي يبا اي رقم انا حاظر قلت والله ما ابا

   ولا درهم زيادة وقلت اللي يبا الارقام سعرها كذا

   وبقوله وين بيحصلهن وبصراحة انه رد يقهر , يوم انك

   شفت هالأرقام في مكان ثاني ليش ما عرضتهن

   من الاول بس كل واحد أسألك نفسي نفسي….

   ويوم قال جملة أنا حاظر يعني يقولك بمعنى اوضح

   شباب شوفو سعري ولا سعر هالمينون ؟؟

   على العموم مشكور اخوي على الموضوع

   ونرجو من الاعضاء يتوقفو عن هالأمور

5. المفروض على الادارة ان تقوم بحظر مثل هذيل الاعضاء حفاظا على سمعه المنتدى وباقي الاعضاء من المتلاعبين والغير الجادين وشكرا

   أخوي انا اللي اعرفه ان أخوي احساس الشارجة مايقصر في دور الاشراف

   بس مادري شو السالة

   المهم انا اتمنى ان حد من المشرفين يضع لنا خط مختصر ولو بسطرين

   ودمتم
   

Comments are closed.