أنا مستغرب من اللي يعرضون ارقام مميزة تكون فيهم مواصفات غريبة ألا وهي
1 مايحط رقم لتواصل
2 يكون خواف مادري ليش
3 اذا دفعتله سعر غاوي قالك وصل ع الخاص سعر اعلى
4 اذا قلتله اتصلبي وبنتفاهم مايتصل
5 اذا قلتله كم طالب يقول بشوف كم يوصل
6 واذا قلتله خلاص انا شراي بالسعر اللي تباه وانا جاد وتميت اتراسله ع الخاص يرد عليك بعد فترة ويقول أنباع الرقم
طبعن هذه المواصفات ليس على الكل ولكن تعودنا عليها في الاونة الاخيرة وماقبل الاخيرة
انا اتوقع هذا اللي مايحط رقم للتواصل هو واحد من اثنين
إما ان تكون بنت تدخل للمنتدى باسم ريال وتخجل من التواصل الخارجي
وإما ان يكون ريال لكنه كاذب ومراده لفت أنظار الاعضاء
أخواني هذا القسم كان أحسن قسم في اقسام البيوع وعلى مستوى المنتديات الاماراتية أيضاً
تحياتي للجميع
ان شاء الله كلهم يمشون بالتعليمات الي قلتوها….
بالتوفيــــق إن شاءالله ……..
والسموحـــــه,,,,
حقيقه موضوع حساس
لانه شبه يومي وفي شتى الأماكن والمجالات أقصد بالنسبة للبيع
أنا أوافقك الرأي أخوي أبو هاجر تماما” وفعلا” شي يرفع الضغط
قالوها ((اللي مب قد الشي لا اييه))
..وفي روايه أخرى لا يسويه
ليش تعرظ و تعرض ؟ ؟ ؟
يعني تراك في الأخير بتنكشف خاصه المتعود على هالسوالف
يا أخي:
1- الكذب حرام.
2- حبل الكذب قصير.
3- بيصير لك نفس سالفة الراعي والذيب -القصة معروفه- .
يعني ياللي تعرظ وتعرض الناس ما بتصدقك ومن تشوف اسمك بتطنشك انته وإعلانك.
4- حيث هذا انته خسرت سمعتك في ما هو مشروع من البيع والشراء أيظا”.
5- لاتفكر تدخل بعد فتره بنك نيم ثاني (حركات قديمه ومكشوفه)
الله يصلحك بس ما ودنا نزعلك لكنك زعلتنا
وليسامحني الجميع على هذه المداخله وعساها خفيفه عليكم ثقيله على ..بعض الناس..
أشكركم يا أخواني على جهودكم
وتسلم اخوي ابو هاجر على الطرح الجيد
أخوي بوهاجر أشكرك على طرحك لهذا الموضوع
وفعلا في الاونة الاخيرة كثرت الحركات الغريبة من بعض الاعضاء وليس الكل
واتمنى من جميع التجار ان يعرضون ارقام للتواصل عند طرحهم موضوع بقصد البيع وفي حالة عدم طرح ارقام للتواصل يحذف الموضووع من طرف الاداره
واشكر اخوي احساس الشارجة على جهده