السلام عليكم ورحمه الله وبركاته
اخواني مشرفين واعضاء المنتدى حبيت اشكركم على المنتدى الطيب والمشاركات الطيبه
لاحظت بعض الناس يعرضون بضايع ويغالون في اسعارها مغالاه غير طبيعيه وانحن في سوق مفتوح والكل حر في ماله
ومن قوانين المنتدى عدم ابخاس البضاعه بالسعر او النوعيه
ولكن نقطتي انه السوق نصيحه وشور ولو حد يعرض شي غالي وانا اعرف وين احصله بسعر احسن انصح الناس اقولهم في المكان الفلاني بيكون بسعر فلاني … بس اكون متاكد من انه نفس النوعيه والجوده او حتى ممكن انه يكون مطابق للمعروض
حمدلله خبرتي فالكمبيوترات زينه والاحظ المعروضات من اكسسوارات الكمبيوتر مثلا.. شي منه ممكن انا انفع الناس واقدر ادليهم من وين اييبونه ارخص … موب اني اخرب على تجار المنتدى بس بعد شوي الزمهم المنافسه بسعر السوق موب كانه محتكر لانه الناس ما يعرفون من وين يشترون هالبضاعه
وحمدلله البيع عالنت مفيد لا اجار ولا عماله ولا اوراق ومعاملات بلديه وعمل وعمال وتفتيشات وغرامات
وليش احصل صاحب محل يبيع ارخص عنكم والله يخليكم لا تقولون يشتري بالجمله لانه ماشالله عندنا ناس يبيعون بالجمله
وسلمتوا
اتمنى فتح مجال المداخلات وتناقش الاسعار بحدود المعرفه وانه محد يفتي بدون مصدر وتوثيق
اتمنى الفكره وصلت واتريا ردود الاعضاء والمشرفين
اولا اشكر صاحب الموضوع واقوله مب شرط اتكون الزياده مبالغه ابسبة الربح السريع
ولو انك بتقوله سعرك مبالغ فيه كيف بتثبت صدق التاجر من كذبه لانك ماتعرف شو مصاريفه واسعار المحلات مب مقياس والدليل في هذه التجربه وفي نفس الوقت هي رد على اخونا العيناوي الي يقول هل الي يرفع سعره نصاب او حرامي
سلمك الله انا كنت اييب هوك fj للقلص من امريكا وسوبر شارج
الهوك كان يكلفني ويا شحنه لين الدوله 1650 وكنت ابيعه على 1850 يعني 200 درهم ربح واتعاب وينباع في الوكاله على 2300 درهم بدون وصلة الكهرباء
والسوبر كان يوصلني ويا الشحن والجمارك لين الدوله 18500 درهم وكنت ابيعه على 20000 الف يعني ربح 1500 درهم وينباع في الكراجات على 24000 الف
مره اتصلبي واحد وقالي ليش طالب في الهوك هالمبلغ؟!!! انا اييبه من السعوديه على 850 درهم
وواحد ثاني اتصلبي بخصوص السوبر وقالي ياخي في امريكا سعر السوبر 15000 الف درهم ليش طالب فايده 5000 درهم؟!!!!
قولي انت مثل هاذيل شو بترد عليهم؟ انا ما الومهم لانهم مايعرفون شي عن طلب البضائع من امريكا والشحن والجمارك
وفوق هذا ماحسبوا حساب اتعابي (على اساس فعل الخير لوجه الله)
قولي انت كيف بتحسبها وبتعرف ان كنت انا صادق ولا جذاب؟؟؟؟؟
مع ملاحظة ان التاجر مب مجبور انه يحلفلك ويعطيك سعر بضاعته بالتفصيل مثل ماسويت انا
والسموحه لو طولت عليكم
سؤال وجيه
اعتقد شخصيا انه شطارة تاجر او قلة خبره من مستخدم
الموضوع لو يبيعلك بضعف السعر شو احساسك في خاطرك بتقول حرامي ولا وهل من الممكن ترد تتعامل معاه ولا
موفق بإذن الله … لك مني أجمل تحية .
سؤال خطر على بالي
هل اللي رافع سعره نصاب ولا حرامي ؟؟؟
يعني هل يوم اشتري من مكان وعقب احصلها في مكان ثاني ارخص يعني الاول سرقني ؟؟
انا كنت افكر شو ارد عليه بس كفيت ووفيت عني
وانا كنت انتظر حد من المشرفين يكلم الاداره عشان يفتحون المجال
وردك طيب واتمنى انه المصداقيه بين المستخدمين والتجار المواطنين تتعزز من خلال هالمنتدى موب تسوء