بسم الله الرحمن الرحيم

السلام عليكم ورحمه الله وبركاته

اخواني مشرفين واعضاء المنتدى حبيت اشكركم على المنتدى الطيب والمشاركات الطيبه

لاحظت بعض الناس يعرضون بضايع ويغالون في اسعارها مغالاه غير طبيعيه وانحن في سوق مفتوح والكل حر في ماله

ومن قوانين المنتدى عدم ابخاس البضاعه بالسعر او النوعيه

ولكن نقطتي انه السوق نصيحه وشور ولو حد يعرض شي غالي وانا اعرف وين احصله بسعر احسن انصح الناس اقولهم في المكان الفلاني بيكون بسعر فلاني … بس اكون متاكد من انه نفس النوعيه والجوده او حتى ممكن انه يكون مطابق للمعروض

حمدلله خبرتي فالكمبيوترات زينه والاحظ المعروضات من اكسسوارات الكمبيوتر مثلا.. شي منه ممكن انا انفع الناس واقدر ادليهم من وين اييبونه ارخص … موب اني اخرب على تجار المنتدى بس بعد شوي الزمهم المنافسه بسعر السوق موب كانه محتكر لانه الناس ما يعرفون من وين يشترون هالبضاعه

وحمدلله البيع عالنت مفيد لا اجار ولا عماله ولا اوراق ومعاملات بلديه وعمل وعمال وتفتيشات وغرامات

وليش احصل صاحب محل يبيع ارخص عنكم والله يخليكم لا تقولون يشتري بالجمله لانه ماشالله عندنا ناس يبيعون بالجمله

وسلمتوا

اتمنى فتح مجال المداخلات وتناقش الاسعار بحدود المعرفه وانه محد يفتي بدون مصدر وتوثيق

اتمنى الفكره وصلت واتريا ردود الاعضاء والمشرفين

47 thoughts on “هل يجوز الاعلان عن اسعار البضائع الحقيقه فالمنتدى”

  2. الاخوان اللي اللي تكلموا عن التكاليف للبضاعه للنقل والشحن والمكالمات وسندويجات وما اعرف شو الله ييزيكم خير ضيعتوا المبدا من السالفه
    واذا هاي تعتبر من راس المال وتزيد من قيمة البضاعه تراه اصحاب المحلات عندهم نفس الكوست وزياده

    حمدلله لا اني غشيم عن التجاره وعندي بدال المحل ثنينه بس كان موضوع بريئ لا ابا اقطع رزق حد ولا ابا حد ينغش واسف اذا صار اي زعل مني سمحولي

  3. أولا أشكر صاحب الموضوع على طرح هاذا الموضوع الطيب ..

    في وايد أشياء الصراحه في بالي اطريها لكن الاخوان سبق وذكروها

    بإختصار .. الي ما جرب يتاجر ” التجاره الالكترونيه ” الي نتكلم عنها لازم بيكون مؤيد للموضوع المطروح

    لكن الي مجرب “التجاره الالكترونيه” اتوقع بيكون ضد الموضوع.

    وخذو مثال بسيط ل تجارة بسيطه ( اتكلم عن اغلب انواع التجاره ) ،،

    الحين اذا شخص بيطلب سلعة معينه من برع ( فرضا من أمريكا ) .. بنقول طلب 10 حبات

    وكل حبه تسوى 500 درهم.

    ركزو ع النقاط التاليه :

    1- الموردين ماشاءالله شكثرهم .. ف يعني يمكن انا اخذ الحبه من المورد الفلاني بـ 500 درهم و يمكن نفس السلعة متوفره عند مورد ثاني بـ 450 درهم !!

    2- الطلبيه يبالها متابعه .. احيانا تتأخر واحيانا تضيع في الشحن ( الطلبيه مرات تاخذ شهر أو شهرين !! )

    3- تكاليف الجمارك .. تفتيشات الجمارك << يبالها وقت ووقفه ترا ما بكون واقف روحي عند الجمارك .. ناس غيري يايين يخلصون اجراءاتهم والي يطول والي والي ….

    4- احيانا .. كذا سلعة تطلع فيها مشكله ولا شي ( لازم اتحمل نفس هالمشاكل طبعا .. ولازم ارد اطرش السلعة للمورد مرة ثانيه للاستبدال او إعادة المبلغ ) .. << لا تنسون ان اولريدي دافع عليها رسوم جمركيه

    5- عرض السلعه وتصويرها وكتابة المعلومات عنها

    6- لازم اكون على تواصل دائم سواءا ع المنتدى او التلفون .. اكون جاهز للرد على كل استفسار

    7- نفس ما قالو الاخوان تكاليف الرصيد والبترول والخ …

    8- تكاليف شحن الطلبيات ( اتكلم عن الي يسوون طااف عقب ما يطلبون .. شو ذنب التاجر .؟ )

    ويمكن في اشياء ثانيه بعد .. لكن هاذي اهم الاشياء

    تتوقعون عقب هالاشياء .. اذا كان الشخص شاري السلعه بـ 500 من النت بيعرضها مثلا بـ 510 ؟ 520 ؟؟

    ( المثال المطروح مجرد وجه من أوجه التجاره .. مب شرط كل حد يتاجر يمر بنفس الخطوات .. لكن الاغلبيه يمرون بالنقاط المذكوره )

    في النهاية مانقدر انقارن تاجر فردي بـ محل .. في فرق كبير

    والسموحه على المداخله .. وفي النهاية كل واحد ووجهة نظره

    واحترم وجهة نظر كل حد .. وما أفرض على حد وجهة نظري

    تقبلوا مروري ،،

    اخوكم UaE FoX ..

  4. لا أخوي .. ماخاني التعبير .. عارف ان السرقة حرام ..

    لكن لو انسرقت .. يسرقني مواطن .. طبعا هذا اذا قدر يسرق ..

    اما بالنسبة للافادة بخصوص السلع .. يقدر صاحب الموضوع يساعده عالخاص مش عالعام عساس مايقطع رزقه ..


    الله يهديك ويهدينا جميع كيف تشجع على السرقه واكل الحرام وكلهم والعياذ بالله في جهنم مصيرهم الا اذا انت ترضى هذا لنفسك ترى في ناس تخاف ربها وماتجاهر ولا شو تسمي اللي يحلل الحرام ويحث عليه !؟
    واي اذا قدر يسرق !؟ ترى كان غيرك اشطر .
    والرزق بيد الله ولا بعد عندك رأي ثاني ؟

    انا كنت اتوقع ان التعبير خانك بس باين عليك انت اللي خاين الامانه ومشرف وتحث على السرقه
    غلطان من حطك مشرف

    واعتذر من صاحب الموضوع alr007

  5. ما يصير هالكلام لأن السرقه حرام ان شاء الله من كان يكون. اعتقد خانك التعبير اخوي في هالنقطه.
    وموضوع رفع الاسعار والفوايد الجنونيه هذا لا يرضاه بشر ولكن الزياده في السعر بالشي المقبول ويفدى ولد او بنت بلادي وغيره كل مسلم يترزق الرزق “الحلال” وغير هذا المثال من الافضل انه يراجع نفسه ويعلم ان المال زائل اليوم ولا يكره.

    اشد على ايد صاحب الموضوع واتمنى ان يكون هناك من الاعضاء مثلك يفيدون اللي ماعندهم خبرة في بعض السلع واكيد مع الالتزام بالامانه والصدق في عرض المعلومات والسعر وبا حبذا بروابط للتاكيد او ارقام هواتف .

    ومثلما يوجد من لا يذكر سعره الاصلي مثلما لازم يوجد في المقابل من يذكره ويذكّره ان الله يراه.

    واسمحولي عالاطاله

    وارجوا من المشرفين عدم مجامله اي شخص على حساب الاعضاء والزوار .

    لا أخوي .. ماخاني التعبير .. عارف ان السرقة حرام ..

    لكن لو انسرقت .. يسرقني مواطن .. طبعا هذا اذا قدر يسرق ..

    اما بالنسبة للافادة بخصوص السلع .. يقدر صاحب الموضوع يساعده عالخاص مش عالعام عساس مايقطع رزقه ..

Comments are closed.