هل يوجد إماراتيين مغتربين في الخارج ؟

44 thoughts on “هل يوجد إماراتيين مغتربين في الخارج ؟”

1. الله يعين المتغربين ……….. بصرااحه اناا خالي صار له 22 سنه في بريطانيا بس احلا شي فيه انه ما قطعنا ولا قطع صله الارحام …

2. انا اعرف مواطن من عايلة مواحنة عايش في كندا وواطنة استقرت في بريطانيا ذوي تخصصات عالية واسمع عن طلبة اماراتين ناويين يطلعون دراسة ومايردون وكل يوم عن يوم نسمع عن اشخاص حاطين في بالهم انهم يدورون على مكان برة يعيشون فيه نتيجة كثير عوامل
   الظاهر صارت زحمة وما فيها مكان للمواطنين

3. الصراحه أنا فكرت أهاجر..من 4 سنوات تقريبا..و في النهاية ما قدرت اهاجر..مع اني دايم السفر كون شغلي و دخلي من الخارج مب من الامارات نهائيا…فكرت في فرنسا – بريطانيا – السعودية _ جدة – أخيرا لبنان.

   بس ما قدرت..لعدة اسباب..
   أولها ديني..ثانيا ثقافي..ثالثا الاندماج في المجتمعات الخارجيه كونها مادي لآبعد مدى..الاستقرار في الخارج صعب..توقعت أقدر اعيش في جدة بس شفت الامارات أحلى!

   أخيرا الرفاهية اللي في الدولة ما بتحصلها في اي بلد في الخارج و بنفس الاسعار.

   لكــن كل انسان و له ظروفه..و صدق نحس ان نحن مغتربين في الدولة و لا يخفى على حد هذا الشي.

   لكن يمعت الأهل كم تسوى! حتى لو في الشهر مرة..و المناسبات الدينيه عندنا ما تحس بوجودها في الخارج نهائيا..اللي مغترب كذا سنة يعرف معنى كلامي..

   وفي الخارج ما عندك حد غير شغلك و مالك الصديق الوفي… طبعا في أصدقاء أجانب و النعم فيهم لانه الأخلاق لا تقاس بأمم انما بالنفس الطيبه…ان كان مسلم أو نصراني..او يهودي.أما سبب التفكير بالهجرة للخارج الأحساس بالغربة في البلاد..و كون شغلي في الخارج ما تفرق وياي اعيش هناك و الا في الدولة..

   مشكور اخويه ع هالطرح الطيب والكلام المنطقي,وابى اظيف شي بعد,(لا تنسون نعمة الأمن)ترى العالم ولله الحمد مب محصلينها.

4. الحمدلله عالنعمه الي كل مواطن فيها من بلاد وحكام وأمان. دولتنا الحبيبه والغاليه يعيشون فيها جميع الجنسيات من بريطاني او هندي وللابد ماتفكرون ليش؟ كيف يخلون الطبيعه والجو الحلو عندهم ويعيشون بالبلاد…… لانهم حصلوا شي مب موجود بالعالم كله الا وهو الامان الله يديمه بظل رئيس الدوله والشيوخ.

   الاماراتي مفروض مايفكر ولو مجرد فكره بالهجره لان المهاجر اما مجبور او طالب للرزق وكلاهما بنظري عدم الانتماء لدولته. والله ان الغربه هي الابتعاد عن الوطن ولو يوم والله يزيدنا عددا وعده.

   بالبنسبة للبريطاني أصلا بلادهم ما فيها حياة الا بعض المدن الرئيسيه مثل لندن و مانشستر و بيرمينجهام غيرها من المدن الرئيسيه .. أما باقي المدن و أغلبها ما فيها حياة في الأصل .. و الجو عندهم ما يساعد طوال السنة الا في فتره الصيف .. من الطبيعي بتحصله مستانس في البلاد ..

   غير هذا احترام البريطاني و معاملته في الامارات أفضل بمليون مره من معاملة المواطن

   معاش البريطاني أضعاف أضعاف المواطن غير المزايا و المكافآت و البدلات بدل سياره و بدل سكن و بدل علاج و بدل مواصلات و بدل غربه و بدل بهدله و بدل مواطن بريطاني و مرتاح كل شي رخيص بالنسبة للي ياخذه .. لا ضرائب و لا بطيخ كيف ما تباه يستانس .. بس تعال شوفهم هنا ..

   أما الهنود فلطلب لقمة العيش و أغلبهم على قد حالهم .. عيل انت بترضى تكرف 24 ساعه مثل تكرم “الحمار” و آخر شي تستلم 700 درهم أو 1000 درهم !!

Comments are closed.