السلام عليكم,
مرسدس 2010 S 350 , هل إستعماله ممل؟
في فكره دارت براسي عن الموتر هذا بالذات سعره معقول بالنسبه لل 2010 S500 , اليوم جحلت عيوني به في مهرجان مصرف الهلال للتمويل 
الموتر فول ابشن كل شي فيه (بانوراما و وووووووووو إلخ) خليجي (EMC) و ضمان و تأمين شامل لمدة سنه و لونه اللون اليديد البني اللي ما نزل من قبل بس على 2010 و أصفار و بالإضافه إلى كت AMG ( و ليس ال amg 63 )
سعره في الوكاله 445000 , امحصل عليه خصم خاص لين 415000 مع تشييكين ببلاش و ضمان 3 سنوات في الوكاله.
مع العلم إني أستعمل موتر فورويل سوبر شارج 400 حصان من 4 سنين , هل بيفرق وايد وياي؟ وأيضا مع العلم إني عقلت و صرت ما أحب الدعاس والريس
الحين المطلوب من أصحاب الخبره , النصيحه الطيبه قبل لا ايطيح الفاس في الراس …..
” ما خاب من إستشار “
تحياتي
“تحياتي للي سلب حياتي “
مشكوورين أخواني ع المشاركات
أنا بعد قراءة ملاحظاتكم وتجربة سواقة السيارتين في الوكالة إستنتجنا التالي:-
1. البي إم يفوق المرسدس بكثير من ناحية الراحة في السواقه و الأمان و القوه.
2. بالنسبة للسرفس, ترا البي إم وايد أفضل عن المرسدس مب علشان السيرفس الفري و بس و لكن حتى على مستوى التعامل و الخدمة و القوانين التي تحكم الورشة لديهم, السيارة لو بتطول يعطوك سيارة بديله و اذا ما عندهم سياره بديله يجدمون سيارتك و يخلصونها بنفس اليوم.
3. بالنسبة للأوبشن, ترا البي إم فيه أوبشن غير موجوده في المرسدس, مثال على ذلك عدد الحركات في الكرسي, display هذا عبارة عن ليت يطلع جدام السايق يبين سرعتك الحالية في الزجاج الأمامي فقط أمام السايق.
4. بالنسبة للضمان ترا البي إم أيضا يفوق المرسدس و الكل يعرف شو أعني بذلك.
5. بالنسبة للأمان ترا أيضا البي إم يفوووووق المرسدس بفرق شاسع (قارن بين كاتالوج المرسدس و البي إم)
6. بالنسبة للسعر ترا المرسدس مبالغ في سعره مقارنة بالبي إم.
ولـــــــــــــــــــــــــــــــــــــــــــــــك ــــــــــــــــــــــــــــــــــــــــــــــــــ ـــــــــــــــــــــــــــــــــن
” المرسدس في الشارع يفرض نفسه غصب عن جميع السيارات بما فيهم البي إم !! لــــيــــــش …….!! “
هذا هو الجزء الثالث من مسلسل نقاشنا عن المرسدس و البي إم, في إنتظار مداخلاتكم المفـــيـــــده
تحياتي
السلام عليكم
الله يسامحك الغالي …. زعلتني !!!!! هههههه
الغالي لا تفكر تقارن المرسيدس بالبي ام … المرسيدس احسن مليون مره .. انته شو الي تشوفه فالشارع افخم واهيب ؟؟؟
الأوادم ياخذون البي ام علاشان عقد الصيانه 5 سنوات … و انا شفت حد من الاخوان يتشكى مشاكل فالبي ام اليديد بتحصل موضوعه فالمنتدى .. أنا متأكد لو تقراه بتهون عن البي ام … هههههه
المرسيدس علاشان الصيانه عالاوادم وصيانه مكلفه من جيه قليلين الي ياخذونه … و اذا انته عندك رنج ما بتحس بالفرق …
وغير هذا وذاك …. المرسيدس احسن مليون مره .. و الي يقولك ما فيه مواصفات .. صراحه يضحك ..
وتراك قلت فل مواصفات والاوادم يقولون ما فيه مواصفات !!!!!!
وربي يهديك على الي فيه الخير
السلام عليك أخوي . . بالنسبة للمواصفات ما بين البي أم 750 والمرسدس أس 500 تقريبا متقاربة خصوصا بعد ما ضافوا الليتات إلي في المنظرة للمرسدس (تنبهك اذا كان في حد جنبك ولكن في المرسدس تعبان هل السيستم لأنه الليت حتى لو يدار جريب منك بتحصله ولع)، بالنسبة للبي أم سواقته حلوه ولها مميزاتها، والمرسدس بعد سواقته حلوه ولها مميزاتها والحلو فالمرسدس شعار النجمة إلي فالنص في أول البونيت، وهذا عن تجربة للسيارتين وحاليا أستعمل بي أم 750 اليديد من سنة تقريبا . . وانا خذت البي أم لأنه كان توه يديد نازل ومواصفاته أعلى عن المرسدس ومازالت أعلى، وعلى فكرة ترا مكينته حلوه وأقوى عن أس 500 .. ولكن أنا اشوف انه المرسدس هيبته أقوى بين الناس وسواقته أحلى لأنه تحسه كلاسيك عكس البي أم، ونقطة اخيرة وهي السيرفس، البي أم سيرفسهم راقي جدا ومريح على عكس المرسدس سيرفسهم تعبان
مشكووووووووووووووووووووووورين جميعا على مشاركاتكم و بيض الله ويوهكم
شكلي بلف على البي إم , ها ها ها ها
ما يمدحون السيرفس مال ال emc يذلووووونك ذل و موتر 10 ايام عندك و عشرين يوم في الوكاله, هذا كلام ريال كان يستخدم مرسدس و خلاف استعمل بي ام ,,, اما ال بي ام انا جربته الصراحه واااو في آي بي (يعطونك سياره بديله بعد لو موترك بيطول) طبعا انت و ترتيبك (واسطاتك)
نترك الموضوع للنقاش (مقارنه بين المرسدس s500 و bmw 750 ) طبعا فوووول أبشن الاثنين.
من منهم الخيار الأفضل
تحياتي