هل s350 2010 فكره جيده???

19 thoughts on “هل s350 2010 فكره جيده???”

1. هههههههههههههههه الله يخليك لاتاخذ مرسيدس قبل سير شوف ورش المصفح متروس منة اونة متكنسلة وما فيها شي ولا خدش كيف؟
   ويوم سألت اصحاب الورش يقول اونة شاريها من التأمين مكنسلة بسبب سستم الكهربة اخترب وقالوا الوكالة ان تصليحها مكلف فعشان كذا تكنسلت ههههههههههه

   احنا اشترينا وحدة للوالد تصوروا اول تشيك بفلوس؟؟ ب 350 درهم اونة طلعونا في شيء خربان كيف ما ادري
   المهم ثاني تشيك ب 9 الاف تبديل ايل وخرابيط وما كان شيء خربان (والله ما ادري كم بتطلع الفاتورة لو كان فية مشكلة)

   ومن ناحية المواصفات طبعا البي ام متقدمة بكثير من ناحية المتانة والفخامة والامان ولكن المرسيسدس مشهوره لتاريخها فقط

   وجهة نظر

2. صدق يخوي دامك حاشرنا بالبي ام والبي ام ومواصفاتها ليش من الاساس منزل موضوع عن حيرتك في المرسدس هههههههههه

   يكوفي علمك المرسدس اول سياره تففوز بجايزه افضل محرك 3سنوات متتاليه من 2007 لين 2009

   والمصادر موجوده اكتب قوقل افضل محرك لسنة 2007 لين 2009

   اما المقارنه الصرااحه البي ام يتفوق على المرسدي في السعر

   في مقارنه في اليوتوب بين البي ام 750 ومرسدس اس 500 واوديa8 ولكزس 460 المقارنه بالفديو في المنعطفات والبريك والانطلاق والثبات في المطر وغيره وغيره فازت المرسدس فيها كلها باستقناء السعر الي كان نقطة سلبيه عليها لان سعرها مبالغ

   بعدين في النهايه الناس اذواق الشي الي مايعيبك لاتقول هب شي ترى غيرك يحبه

   قول انا ماعيبني وبس

   يعني معقوله سياره سعرها نص مليون وعلى قولتكم مواصفاتها اي كلام ؟؟

   شو تبون بالضبط اكثر عن الابشن الي فيها ؟ يعني يكون فيها زر وقت الزحمه اطير السياره والا كرسي حلاقه والا تعبي بترول روحها والا شو ؟؟

   المرسدس يسد في اي مكان موجوده وسعرها ثابت مقارنه بالبي ام بكثيررر طبعا

   البي ام تفوقت بسبب عقد الصيانه

   بعدين الي راكب 750 نفس الي راكب اكس فايف ماشي فرق نفس الدزاين من داخل

3. دام عندك هل معلومات الطيبه ومتأكد ان البي آم احسن عن المرسدس بمليون مره..
   ليش تضيع وقتك ووقت الآعضاء وتشاورهم..ان قالوا لك إيجابيه رديت عليهم بسلبيه وانته معصب وانته طلبت مشورتهم وماقصروا الآعضاء كل حد منهم عطاك شوره بحسب تجربته..

   والريال يوم قالك انها تضرب بريك هذا نظام يساعدك على التوقف لو السنسر حس ان البريك في حالة التوقف قوي يعطيك قوة إيقاف اكبر
   يعني نظام إيقاف إلكتروني مساعد..

   واخيراً للأسف ان المعظم يوم يقارن سيارتين يتحول النقاش لنقاش عقيم

   وبالنسبه للي يفرض نفسه بالشارع..

   معظم السياير اصبحت تكاسي ومنتشره مثل انتشار الكورولا ومن امثلتها السيارات لي تقارن بها

4. من وين يايب هالرمسه؟
   البي ام يفوق ع المرسيدس من ناحية الامان؟
   شو وسائل الامان في البي ام؟ الاير باق وحزام الامان فقط حالها حال الكورولا وارخص سياره فيها (اول سياره في العالم ظهرت ظهرت فيها الحزام والاير باق هي الـ S)
   شوف مواصفات الامان والسلامه ونظام البريك اللي في المرسيدس مب متوفره في اي سياره في العالم تقريبا 4 مواصفات بري سيف وبرو سيف ونظام الكرسي اللي يعدل وضعيته لأنسب وضعيه وع الايرباق اذا لا سمح الله حد سوا حادث والسياره بروحها تضرب بريك قوي اسرع عن ردت فعلك في حال حد ضرب بريك فجأه جدامك
   والنقطه رقم 5 خاطئه يابوي يفوق ع المرسيدس بفرق شاسع والله وكالة البي ام قاصين عليك
   المرسيدس أأمن سياره في العالم يشهادة جميع المواقع والتجارب عن السياره وانت تقول البي ام يفوق المرسيدس بفرق شاسع؟

   وعن الاوبشن اللي ذكرته display يظهر سرعتك الحاليه اصلا هاي مامنها فايده دام القيج جدامك شو تبا من هالـ diaplay؟
   والاوبشن اللي متوفر في المرسيدس هالكيمرتين اللي فوق الرفارف وعنا هالكيمرات محد يستخدمهاا

   اناا بس اباك تقارن المواصفات الموجوده في المرسيدس اللي مب موجوده في البي ام
   مب بس تييب طاري هالـ diaplay

   المرسيدس افخم بوااايد عن البي ام ومواصفاته ماتتقارن معاه وشوف المواقع الاجنبيه مب تسمع كلام الوكالات هاييل يقصون عليك

   ويكفي انها حايزه ع جايزه أنجح وافخم سياره في فئتها لسنوات طوييله وللحينه البي ام مافكروا يعطونها هالجايزه

   واذا انت معزم ع S350 خذها واللي يقولك مب مشايه وثجيله ليش تبا تشارك في الفيرمولا عسب من تحط ريلك ع الريس توصل 200 ؟
   فيها مواصفات شرات الـ 500 بس اللهم المكينه اضعف والمكينه مب وااايد ضعيفه بالعكس حلوه وهاديه وماتصرف

   واذا تبا اقوى خذلك 500 واذا حاب تدفع زياده روح ع الـ 600 كل المواصفات تكون ستاندرد فيها والمواد فيها غير والجلد والخياطه بعد غير

   انت وشورك بس حبيت اقولك مره ثانيه لا تقارن مواصفات وامان المرسيدس بالبي ام لان الفرق شاااااسع

   يا مرحبا الساع………..ّّّّّ

   عزيزي انت يوم اتقولي الوكاله قاصين علي؟ انت منو قص عليك؟؟؟!!!!

   اذا بتكلمني بالمنطق عطني حقائق او دراسات عالمية فيها ارقام او جوائز مؤخرا مب تتكلم عن تاريخ المرسدس القديم , انا تراني احترم المرسدس وايد بس دايما الدنيا تدور الحال لابد يتغير….. لا تقول الوكاله قالوا او واحد من الشباب قال!! لانك خذيتني بشراع و ميداف من غيرتك على سيارتك المحببه يمكن الناس اذواق و انا بعدني اقول انه المرسدس ترا وحش في الشارع و البي ام جميل بس هب شرات المرسدس,

   هل تعلم شو صار في مصانع المرسدس بعد الأزمة العالمية؟؟؟؟ اكيد ما اتعرف, ما اريد ادخل في السياسه بس خل في بالك قصة اعلان افلاس GM و Daimlar Crysler و إلخ و اللبيب بالإشارة يفهم!!

   أنا طال عمرك راجعت الكاتالوج مال الموترين و عرفت الفرق من ناحية الشاصي و المواد المستخدمه في هيكل السيارتين, صحيح المرسدس كان يا مكان في قديم الزمان من أفضل المواتر في العالم من ناحية المواصفات و الفخامه, بس صدقني أنا مثلك كنت ما صف البي ام عدال المرسدس لاني ما كنت معترف بال بي إم, لكن و الله اني غيرت فكرتي من سقت الموترين تست درايف و عرفت فعلا شو متعة سواقة كل موتر, يكفيني اني يوم كنت في المرسدس قاعد اتحايس يمين و يسار أعابل السيت اشوي جدام و اشوي ورا و اشوي ارجعه و بعدين اجدمه, ما عرفت ايلس ع كرسيه احسه وايد ينرفزك, بس صدقني يوم يلست ع سيت البي إم (ياويل حالي) والله فيه اوبشن ما تتخيلها اتروم اتضيج الكرسي ع ظهرك (من خصرك لين جتوفك) وعدد الكسرات في الكرسي اتروم اتعدل فيها لين ما تقنع
   شو الثبات و شو التسارع في الموتر acceleration يخليك اتحس بالأمان و ووووووووو

   انا في معلومه قريتها في الكاتالوج تتكلم عن الماده المصنوعه في تركيبة السيارة (أعتقد ألمنيوم صلب ) او نوع من المواد الغاليه ما تحضرني الحين, بالإضافه إلى ان البي إم مؤخرا فازت بجوائز كثيرة عالميا ابحث في النت بتشوفها.

   زبدة الكلام, اشكرك على اهتمامك (بس الظاهر انك راعي مرسدس) والتعليق والمشاركة, بما اني دافع عربون حجز ع المرسدس (S 500) اتريا السبت بفارق الصبر عسب اسحبه و احجز لي بي ام.
   بالنسبة لل 350 صرفنا النظر عنها كليا, ما اتحمل حد يخرشني ع اشاره و ما اروم الحقه, دايما احب اكون في المقدمه يا حلو…

   امممم و شو بعد, انت اشحالك عساك ابخير …….!

   أيوااااااا بالنسبة لكلامك هذا >>>> “
   ويكفي انها حايزه ع جايزه أنجح وافخم سياره في فئتها لسنوات طوييله وللحينه البي ام مافكروا يعطونها هالجايزه” <<<<<< شوووو مصدرك؟ انه البي ام لين الحين ما طاعوا يعطونها لين الحين؟ او عطوها المرسدس و اصلا شو هالجايزه اللي ترمس عنها, اذا تأليف ترا انا اروم اقولك بعد البي ام صاحبة اجمل هدف في الدوري هههههههههه تيك ات ايزي عزيزي
   ويعدين كيف السيارة تضرب بريك بروحها هاي غريبه اول مره اسمعها و الا انت ترمس عن الرادار اللي ينبهك بالأجسام اللي امامك؟ هذا موجود في كثير من المواتر طويل العمر خلك طبيعي, بس الموتر يضرب بريك روحه اكيد مسكون ينانــوه

   في انتظار ردود اخرى قبل موعد السبت …………..

   تحياتي للجميــــــــــــــــــــــع

5. مشكوورين أخواني ع المشاركات

   أنا بعد قراءة ملاحظاتكم وتجربة سواقة السيارتين في الوكالة إستنتجنا التالي:-

   1. البي إم يفوق المرسدس بكثير من ناحية الراحة في السواقه و الأمان و القوه.
   2. بالنسبة للسرفس, ترا البي إم وايد أفضل عن المرسدس مب علشان السيرفس الفري و بس و لكن حتى على مستوى التعامل و الخدمة و القوانين التي تحكم الورشة لديهم, السيارة لو بتطول يعطوك سيارة بديله و اذا ما عندهم سياره بديله يجدمون سيارتك و يخلصونها بنفس اليوم.
   3. بالنسبة للأوبشن, ترا البي إم فيه أوبشن غير موجوده في المرسدس, مثال على ذلك عدد الحركات في الكرسي, display هذا عبارة عن ليت يطلع جدام السايق يبين سرعتك الحالية في الزجاج الأمامي فقط أمام السايق.
   4. بالنسبة للضمان ترا البي إم أيضا يفوق المرسدس و الكل يعرف شو أعني بذلك.
   5. بالنسبة للأمان ترا أيضا البي إم يفوووووق المرسدس بفرق شاسع (قارن بين كاتالوج المرسدس و البي إم)
   6. بالنسبة للسعر ترا المرسدس مبالغ في سعره مقارنة بالبي إم.
   

   من وين يايب هالرمسه؟
   البي ام يفوق ع المرسيدس من ناحية الامان؟
   شو وسائل الامان في البي ام؟ الاير باق وحزام الامان فقط حالها حال الكورولا وارخص سياره فيها (اول سياره في العالم ظهرت ظهرت فيها الحزام والاير باق هي الـ S)
   شوف مواصفات الامان والسلامه ونظام البريك اللي في المرسيدس مب متوفره في اي سياره في العالم تقريبا 4 مواصفات بري سيف وبرو سيف ونظام الكرسي اللي يعدل وضعيته لأنسب وضعيه وع الايرباق اذا لا سمح الله حد سوا حادث والسياره بروحها تضرب بريك قوي اسرع عن ردت فعلك في حال حد ضرب بريك فجأه جدامك
   والنقطه رقم 5 خاطئه يابوي يفوق ع المرسيدس بفرق شاسع والله وكالة البي ام قاصين عليك
   المرسيدس أأمن سياره في العالم يشهادة جميع المواقع والتجارب عن السياره وانت تقول البي ام يفوق المرسيدس بفرق شاسع؟

   وعن الاوبشن اللي ذكرته display يظهر سرعتك الحاليه اصلا هاي مامنها فايده دام القيج جدامك شو تبا من هالـ diaplay؟
   والاوبشن اللي متوفر في المرسيدس هالكيمرتين اللي فوق الرفارف وعنا هالكيمرات محد يستخدمهاا

   اناا بس اباك تقارن المواصفات الموجوده في المرسيدس اللي مب موجوده في البي ام
   مب بس تييب طاري هالـ diaplay

   المرسيدس افخم بوااايد عن البي ام ومواصفاته ماتتقارن معاه وشوف المواقع الاجنبيه مب تسمع كلام الوكالات هاييل يقصون عليك

   ويكفي انها حايزه ع جايزه أنجح وافخم سياره في فئتها لسنوات طوييله وللحينه البي ام مافكروا يعطونها هالجايزه

   واذا انت معزم ع S350 خذها واللي يقولك مب مشايه وثجيله ليش تبا تشارك في الفيرمولا عسب من تحط ريلك ع الريس توصل 200 ؟
   فيها مواصفات شرات الـ 500 بس اللهم المكينه اضعف والمكينه مب وااايد ضعيفه بالعكس حلوه وهاديه وماتصرف

   واذا تبا اقوى خذلك 500 واذا حاب تدفع زياده روح ع الـ 600 كل المواصفات تكون ستاندرد فيها والمواد فيها غير والجلد والخياطه بعد غير

   انت وشورك بس حبيت اقولك مره ثانيه لا تقارن مواصفات وامان المرسيدس بالبي ام لان الفرق شاااااسع

Comments are closed.