هل s350 2010 فكره جيده???

19 thoughts on “هل s350 2010 فكره جيده???”

1. انا اقولك ان لو انت مال السرعة ما بتنفعلك لا البي ام 750 ولا فئة الاس ………………
   اذا فكرت تاخذ واحد منهم لاتفكر في 6 سلندر ………………
   خذلك بي ام احسن لان عندك سيرفس مجاني لغاية 5 سنوات وكذلك الضمان وانت مرتاح بس المرسدس ادفع الين ما تلوع جبدك ……………………..

2. أخووووووي ad boss

   مادري انت ليش زعلان, انا آسف تعبتك كتبت كلمتين وليتك ما كتبت.

   كان بإمكانك تمر مرور الكرام و تقرا اذا حبيت او تشارك بالخير, اولا انا لا امعصب و لا هم يحزنون مادري ليش اتقول اني امعصب, بعدين شو رايك تشتغل محامي عن المنتدى فيك صفات المحامين ممتازه اتصدق ّ!!!!!

   ع العموم ما عندي تعليق عليك, اتمنالك التوفيق

   (اكتفي بمتابعة احداث الجزء الثاني من المسلسل الدرامي الجديد اخذ دتسون ولا شفر)

   وعن باقي كلامك لاتــعــلـــيــق..وشكراً على كلامك الطيب

   تحياتي..

3. أخووووووي ad boss

   مادري انت ليش زعلان, انا آسف تعبتك كتبت كلمتين وليتك ما كتبت.

   كان بإمكانك تمر مرور الكرام و تقرا اذا حبيت او تشارك بالخير, اولا انا لا امعصب و لا هم يحزنون مادري ليش اتقول اني امعصب, بعدين شو رايك تشتغل محامي عن المنتدى فيك صفات المحامين ممتازه اتصدق ّ!!!!!

   ع العموم ما عندي تعليق عليك, اتمنالك التوفيق

   الأخ أسير أبوظبي:

   تحياتي لك و أرجو العلم أنني انا ما حشرت حد و لا هم يحزنون و بعدين انا ما ذميت المرسدس و لا ذميت البي إم, انا سرت و شفت الموترين في الوكاله و حبيت أشارككم رايي فيهن و مثل ما قلت كلن له وجهة نظر و إختلاف الراي لا يفسد للود قضية…. و بعدين منو اللي قال انه سياره سعرها نص مليون و مواصفاتها اي كلام؟؟
   حط الرحمن في صدرك و عين خير و مشكور ع مشاركتك اللي ما فيها زياده

   دمت بود

   الأخ اليورويار:
   هالكلام انا سمعته بعد بس مب اكيد الله يعلم يمكن مجموعه من السيايير بس مب كلهن و العطل وارد في أي موتر مب شرط مرسدس او بي ام

   موفج خير و شكرا ع المشاركه
   أخوي بوجاسم, اتفق معاك بس في كلمة كل حد و له وجهة نظر, و الفيديو الي حطيته يقارن ال s63 ويا البي ام 760 , و البورش باناميرا, قوم بو 12 سلندر, يعني ما يخصه في موضوع مشاركتنا. ع العموم مشكور ع مجهودك

   ==================

   أتمنى يفهم الكل انه مشاركتي كانت لأخذ آراءكم فقط و ليس لتجريح احد او الغلط عليه, اشكر الجميع ع المشاركات و أتمنى اللي دخل استفاد حتى و لو معلومه وحده و تمنياتي لكم جميعا بالتوفيج

   ارجو من سيادة مشرفي المنتدى اغلاق الموضوع عند هذا الحد إذا كانت مشاركتي بتزعل حد, مافي شي يسوى….

   دمتم في ود و في أتم الصحه و العافية جميعا………..

   تحياتي

4. من وين يايب هالرمسه؟
   البي ام يفوق ع المرسيدس من ناحية الامان؟
   شو وسائل الامان في البي ام؟ الاير باق وحزام الامان فقط حالها حال الكورولا وارخص سياره فيها (اول سياره في العالم ظهرت ظهرت فيها الحزام والاير باق هي الـ S)
   شوف مواصفات الامان والسلامه ونظام البريك اللي في المرسيدس مب متوفره في اي سياره في العالم تقريبا 4 مواصفات بري سيف وبرو سيف ونظام الكرسي اللي يعدل وضعيته لأنسب وضعيه وع الايرباق اذا لا سمح الله حد سوا حادث والسياره بروحها تضرب بريك قوي اسرع عن ردت فعلك في حال حد ضرب بريك فجأه جدامك
   والنقطه رقم 5 خاطئه يابوي يفوق ع المرسيدس بفرق شاسع والله وكالة البي ام قاصين عليك
   المرسيدس أأمن سياره في العالم يشهادة جميع المواقع والتجارب عن السياره وانت تقول البي ام يفوق المرسيدس بفرق شاسع؟

   وعن الاوبشن اللي ذكرته display يظهر سرعتك الحاليه اصلا هاي مامنها فايده دام القيج جدامك شو تبا من هالـ diaplay؟
   والاوبشن اللي متوفر في المرسيدس هالكيمرتين اللي فوق الرفارف وعنا هالكيمرات محد يستخدمهاا

   اناا بس اباك تقارن المواصفات الموجوده في المرسيدس اللي مب موجوده في البي ام
   مب بس تييب طاري هالـ diaplay

   المرسيدس افخم بوااايد عن البي ام ومواصفاته ماتتقارن معاه وشوف المواقع الاجنبيه مب تسمع كلام الوكالات هاييل يقصون عليك

   ويكفي انها حايزه ع جايزه أنجح وافخم سياره في فئتها لسنوات طوييله وللحينه البي ام مافكروا يعطونها هالجايزه

   واذا انت معزم ع S350 خذها واللي يقولك مب مشايه وثجيله ليش تبا تشارك في الفيرمولا عسب من تحط ريلك ع الريس توصل 200 ؟
   فيها مواصفات شرات الـ 500 بس اللهم المكينه اضعف والمكينه مب وااايد ضعيفه بالعكس حلوه وهاديه وماتصرف

   واذا تبا اقوى خذلك 500 واذا حاب تدفع زياده روح ع الـ 600 كل المواصفات تكون ستاندرد فيها والمواد فيها غير والجلد والخياطه بعد غير

   انت وشورك بس حبيت اقولك مره ثانيه لا تقارن مواصفات وامان المرسيدس بالبي ام لان الفرق شاااااسع

   و الله الغالي كلامك عسل وقلت الي في خاطري وهذا فيديو مقارنه بين البي ام و المرسيدس و البورش اليديد … مسوتنه مجله اجنبيه …. ما بقول منو فاز بس هالفيديو ما خلى حد يتوه … بس ما ادري كيف يتقرن البي ام بالمرسيدس وهو فرق السما عن الارض … و المرسيدس اشوفه احسن بواااااايد من جميع النواحي ..

   وكل حد له وجهة نظر … ^_^

Comments are closed.