وأخيراً بعد طول انتظار فساتين للإيجار بأقل الاسعاااار وحصري لدى مريم الشحي ^___

السلام عليكم ورحمة الله وبركاته

هلا خواتي

شخباركم وشمسوين ^____^

ان شاء الله بخير ^___^

عاد انا مول لحد يسأل عن حالي تدرون ليش ؟

ااااااااااااه لأني أخيراً ارتحت من هم كبير كنت شالتنه عراسي

كنت واعده خواتي من قبل اني بنزل موضوع عن فساتين الاعراس والمناسبات وقايله لهم من قبل اني جريب بنزل بس لا يستعيلون علي والمشكلة صارت عندي ضغوطات من ناحية الطلبات والدراسة وسالفة المنيكانات الي خبلتبي ومو بس جي

ما ادري يا ربي كنت حاسة انه هالموضوع فيه شي

لأني يبت اول منيكان وكانوا ناسين القاعده

انزين ويبت الثاني طلعوا ناسين الايد والقاعده

واليوم وصلولي كلهم كاملين بس ااااااااااااااااخ لبست اول مانيكان الفستان كان لاباس فيه والثاني بغيت اركب الايد ماله ما ركبت جان اقوم وانشع الايد واشتغلت عالجسم بس –وشي منيكان خبلبي بعد الي هو بو راس وايد يتعب فاللبس قلت خليولي لبسته اول فستان وعقبه تعبت قلت بلبس الثاني كل الفساتين –معني كنت ناوية اختصر الوقت والصور فالمنيكانين

المهم المهم انا ما بطول فالرمسة اكثر من جيه

انا موضوعي عن الفساتين

طبعا هالفساتين من افخم الفساتين لهالسنة وللعلم تراني يايبتنهم من محل راقي فدبي وخذت كل الفساتين عن المحل وقلت ببيعهم بأقل من نص القيمة الي يبيعها هو فالمحل ماله ^___^ شو رايكم ^____^ وبعض الفساتين تراها من تصميم مصممين لبنانيين معروفين ومعاهم لكروت ترى يعني مو كلام

اسعاري كلها تتراوح بين 400 و950درهم فقط لا غير

والبيع ما يتجاوز عندي سعر الفستان 1400درهم –ها وقيمته الاصلية فالمحل 6800 شو رايكم ^____^

الكل احينه يشكي من غلاء الاسعار الي كلت الاخضر واليابس

فتضامناً مني لكل الاسر ^____^ راح اعرض لكم مجموعه بسيييييطة جداً من التشكيلات الي عندي

وان شاء الله بين فترة والثانية راح انزل لكم فساتين من غير ^___^

وحطوا فبالكم عندي فساتين ما انلبست ولا مرة والي انلبس عندي اثنينه او ثلاثه ولمرة وحده بس

والي حابة تتطلع على فساتيني الباجية اتروم تتصلبي وادليها بيتي واتشوف الفساتين براحتها ^___^ واتقايس

وصح عن انسى شي وايد تشكيلات عندي للصغار حتى بس للأسف ما وحاني اصورهم اليوم

ومن غير بعد عندي فساتين بدرجات الالوان الي تبونها
يعني الوردي ودرجاته
الاخضر ودراجته

وحتى الاسود ^____^

وشي شغله ثانية احب انوه لها

انه عندي شالات مختلفة لكل الفساتين للي ما اتحب تلبس العاري

عندج الشال الشفاف بنفس لون الفستان وعندج شال حرير ساتر بعد بنفس الالوان

ولمن اتيين تختارين الفستان واتأكديلي الطلبية

راح يوصلج الفستان مغسول ومكواي من الدوبي ^___^ يعني شغلي نظيف وتمام التمام

وجان تبينه امبخر بعد فالج طيب ^__^ ودخوني لا يعلى عليه وبشهادة الجميع

وصح شي مجموعة شنط براويكم اياها ان شاء الله اليوم بس مب كلها

وهاي اكسسوار مكمل للفستان ان حبيتي اتأجرينها ما عدنا مانع ونعطيج اياها بسعر فنان

وكلها شغل يدوي بتلاقينه فالمراكز على 150 و320 وحتى توصل للألف في بعض المراكز وانا بروحي شايفة

وبقولكم قصة فستان من هالفساتين الي بعرضها اليوم بس من عقب ما اعرض الفساتين ادري شوقتكم لها ^___^

للعلم كنت اروم اوفر لكم الكتلوج مال الفساتين وما اتعب نفسي فالتصوير ^___^بس قلت ما راح اتكون مصداقية فالشغل ولا حتى فالصور
شوفوا معاي

ها اول فستان صورته من كذا جهة عسب اتشوفونه عدل

اهنا كامل

شوفي الشغل عالصدر والبطن

لاحظي الشغل حتى تحت القطعة التحتية ^__^

ها من ورى

اهنا على ينب ^____^

احينه الفستان الثاني ((ليلة الحنة )) انلبس مرة وحده بس

اييج قطعتين تنورة وقميص وعقب فوقه الشغل تلبسين كل قطعة ابصوب

——^___^ هذا المانيكان الي لعوزني اليوم ——

اهنا الفستان كامل

على ينب ومن ورى

الشغل عالصدر

ومن داخل الشغل عالتنورة

هاااا اني حق قصة هالفستان ^____^

الله يسلمكم من فترة كنا انجهز حق عرس فوحده الله يستر عليها من الاهل كان سايرة دبي تبا تشتري فستان حق العرس

انزين سارت البستان عسب تاخذ الفستان((حلوة هاي^___^ احس السجع انا )) هذا الي احين براويكم صورته وللعلم ترى نفس الفستان بالضبط اللهم لون فستانها كان ابيض وانا مالي وردي والابيض الي عندي انباع ^___^ طبعا انا ما كنت اعرف بقصة الفستان الا منها لمن عرضت عليها الفساتين اشوفها اتقولب فالقطعه ^__^ اقولها فلانة بلاج؟ اتقول ماشي بس يتراوالي فالفستان شفته فمكان ؟فحاولت اسحبها فالكلام قبل لا تسألني عن سعره بعد ما خبرتني انها شارية نفس الفستان بالضبط^____^ قتلها انزين عكم ؟قالت والله قبل الخصم ب5400وبعد الخصم 3500

حلو الكلام ^____^

قتلها انزين انا ابيع هالفستان على 1400تاخذبنه هههههه قالت والله لو ادري الجان ما خذت الفستان بهاك القيمة

شوفوا معاي

الفستان ياي على لمعه لأنه قطعته مثل اليلد ماعرف شو يسمونها ^__^