وأخير انحلت المشكلة (احترت … اللكزس تاخذ يمين … و الوكالة ماتعرف السبب)

السلاك عليكم

ياخواني كانت عندي مشكلة بخصوص سيارتي اللكزس الي دايمن كانت تاخذ يمين

وبعد سنة كاملة من التصليحات في الوكالة مابينت اي نتيجة ايجابية بس الحمدلله امس انحلت المشكلة

المشكلة والحل في هذا الموضوع

“”اقتباس من الموضوع الاولي””

بسم الله الرحمن الرحيم

يا اخواني بطرح الموضوع واتمنى من اصحاب الخبرة المشاركة

عندي لكزس آي اس 300 موديل 2009 .. اشتريتها

شهر 10/2008 … والحمدلله اوديها الوكالة كل تجييكة

في حدود ال30 الف كم حسيت ان الموتر ياخذ يمين عالخطوط

يعني اذا سرعت فوق ال100 الموتر يسحب يمين

ولازم اقبض السكان بقوة علشان اثبت الموتر في الشارع

عال 35 الف كم.. مازالت المشكلة موجودة

كلمت الفطيم… اونهم ضبطو وعدولو البوشات

ونفس المشكلة مستمرة…

عال40الف كم… عدلو ميزانية الرودات

ونفس المشكلة

عال45 الف نصحوني ابدل التواير لنه عمرهم الافتراضي

خلص …. عالرغم انه المحلات قالولي التواير سليمه

عال50 الف كم…. طفح الكيل ورحت …..

التكملة في هالرابط

“”انتهاء الاقتباس””

أبشركم ياجماعة الخير المشكلة انحلت بفضل الله وبفضل الاخوان اعضاء المنتدى الطيب

الشكر موصول للكل الي شاركوني بقتراحاتهم عامة ولبني حمادي وعاليين المقام خاصة

لنهم وصووني بميزان الوطني في مصفح

صج انه سعرهم غالي مقارنة مع الميازيين الثانية في بوظبي ولكن المعدات المستخدمة مب موجودة في السوق

لا تستعيلون علي … بخبركم شو صار

وديت لهم السيارة عقب صلاة العصر … بينت لهم تفاصيل المشكلة … خبرتهم كل شي سويته في الوكالة

استغربت لما حسيتهم مش مهتمين باي من التفاصيل … حسيت بثقتهم الكبيرة انهم مب محتاجين لأي تفاصيل او معلومات عن المشكلة… وهذا لنهم قادرين باي حال من الاحوال انهم يعرفون السبب

وفعلا قلتلهم اذا حليتو المشكلة بينا الحساب و اذا ماحليتو المشكلة مب بينا اي حساب او فلوس

خذت تاكسي ورحت كارفور شارع المطار

ييتهم عقب الفطور

شكيت في لحظة ان المشكلة مازالت موجودة

المهم عطيتهم 600 درهم

خذت السيارة وطلعت عالخط ودعست لين ماشبعت

الصدمة ياخواني

الصدمة

ان الموتر مشى في خط مستقيم وماشي أحسن عنه

اتصلت بالريال الي عطاني رقمه علشان اتصل به في حال اي مشكلة في الميزانية

وسالته عن الموضوع … شو سويتو بالسيارة

تعرفون شو قالي

الموضوع كله انه التاير الامامي اليمين… راجع لورا كذا مليمتر

يعني التواير الامامية مب متوازية على خط واحد

المهم عدلولي التاير وعطوني تقرير مفصل بالارقام الاولية وبعد التصليح

والموتر مافيه حيلة ولله الحمد

اتصلت بالوكالة اتشمت فيهم شوي على طول على الفترة الي مضت وهم مب قادرين يعرفون السبب

ورا المشكلة هذي

أهم شي عندي اوصل رسالة شكر لكل الاخوان الي ساعدوني بنصايحهم

والسلام ختام