وادري بعوقي ما يشافيه رازي .. قزرته الا بـ يارك الله ومحروز

يا ليل نيل الساحل التركوازي=زمرّدي النحر والجيد فيروز
.=.
لا دمعتي حفّت ولا القلب جازي=والوجد رمح ٍ بين ألاضلاع مركوز
.=.
وأدري بعوقي مايشافيه رازي=قزّرته إلا بـ يارك ألله ومحروز
.=.
مانيب من خطو الريوم النوازي=إللي إذا مال الدهر يضربن بوز
.=.
طرزي يصنف من رفيع الطرازي=وأرقى الطوال بشامخ العز واهوز
.=.
ولا حدّتنيه حاجة واعتيازي=من جيت للدنيا كريم ٍ ومعزوز
.=.
ويوم العرب تسكن سيوح المفازي=رقيت برج (هلال) عن عرش وينوز
.=.
خذت النعوم وجبتها بامتيازي=واجتزتها بالعقل والثقل والروز
.=.
ناموس راسي ماتهّيد ويازي=تقول مهر ٍ ف السباقات مهموز
.=.
إن عّين الطولات للمجد هازي=لا تاخذه رهبه ولا يانس حفوز
.=.
حرمه وداعي فخريه واعتزازي=أقلط بحق ولا تعدّى عن الحوز
.=.
قدني على الركن العتيد ارتكازي=لانيب مرعوع ٍ ولا نيب مهزوز
.=.
مبخوت لي حظ ٍ مشّنص وفازي=متعّود أسبق ف البطولات وافوز
.=.
أدرسع بقيفان طرق الحجازي=واحل لغز الشيخ وافكك رموز
.=.
سبع صنايع ماخشرهن نشازي=حطّيتهن للجيد والساعد حروز
.=.
واللي بقى لي في العمر مايوازي=باللي مضى يوم العمرجوري وروز
.=.
حزت الشراغه والهنا يوم حازي=روضٍ ينع بالتين وتنعنع بجوز
.=.
ماغاب يوم ٍ عن خيالي وخازي=وطر ٍ تقضى كنّه أعياد نيروز
.=.
عمري ثلاثين ٍ مضن باحترازي=فيهن تجارب عمري حروز وكنوز
.=.
والله ماخليت بيزه وغازي!=لو المرض يبرا بالاموال ويخوز
.=.
ويا نيل جيتك وامشط الشيب غازي=من عقب ماقد جيتك (غريّبة لوز!)
.=.
ما جيت طربه .. جيت أركب جهازي=جهاز(ليزر!) بين الاضلاع مغروز
.=.
بألحق على الدكتورعصمت نيازي=معطينيه موعد خمستعش تموز
.=.
هذي تذاكريه ،،، وهذا جوازي=لا نيب مطلوب ولا نيب محجوز
.=.
الباز يبقى لأبرق الريش بازي=وعن نوشة الطولات لا اهدا ولا اجوز