السلام عليكم..شباب .. انا مش فاهم شغلة.. من أيام سرت معارض العوير أدور سيارات.. و يوم كنت اكلم راعي المعرض ..يا واحد عنده جيب SRT8 2008حالة الوكالة ماشي 26000 خليجي لونه رمادي غامج على اسود جذاب..المهم.. السيارة على الضمان..و لافيها شمخ..!كم تتوقعون عطوه في الموتر..؟؟؟ قسم بالله عطوه 70000! سبعين ألف درهم.. و قاله على الفحص و السعر قابل للنزول في حال ان الموتر فيه شي..!!!
انا استغربت.. قلت يمكن راعي المعرض نصاب و قصاب.. رحت عند غيرة اعاين موتر و إلا نيسان بترول سوبر سفاري 2008 فول اوبشن.ارقام ابوظبي ياي يبيع الموت..بصراحة حالة الوكالة… عطوه 80 ألف و باع على طول…للعلم السيارة حالة الوكاله و ماسية 19000 كيلو و على الضمان.
في المنتدى الي يعرض سيارة للبيع يعرضها و هيه مستعملة بسعر ينافس فية سعر السيارات اليديدة و الي أيدد منها بسنة بعد..
شو السالفة.. من وين نشتري.. انا مع الحملة ضد الوكالات…يس الاسعار صايرة ارقام خرافية..
ييت المنتدى و حطيت مطلوب جيب srt8 لقيت ال ينافس سعر ال 2007 2008 2009… يا جماعة حد يفهمني شو الي صاير…..
و السموحة طولت عليكم.. و انا ما اقصد اي حد من اعضاء المنتدى الطيب..و لا اجرح بالكلام..
و السموحة طالت عماركم….
اخوكم الصغير
المعارض ما شيه مع الازمه العالميه يعني اي سياره في العالم ادخل على مواقعهم في النت وشوف اسعارهم الجديده نازله الاسعار من 40%الى 50% وبعض المصانع اغلقت افرعها وشوف شو صاير في منطقه اليورو وشرق اسيا بتعرف اكثر اما بالنسبه لامريكا الاسعار من 50%الى 60% مع العلم ان تكدس السيارات مسوي لهم وجع راس ماله اخر تابع cnbc وبتشوف وبتسمع اخبارهم
فعلا المعرض بيرد وبيبع السياره بسعر أعلى
لأنه وهو يشتري أي سياره لازم يحسب هامش الربح
جان شي جيب اس ار تي ب 80 انا شرااااي
عادي ..السعر الي بيشتريه عنك المعرض غير عن السعر الي بيبيعلك اياه …
المعرض اذا ما يحصل فايده و ضامن انه يحصل فايده فوق ال 20 الف ما بيشتري السياره عنك …
ربيعي عنده بي ام 745 اي ال في المعارض دفعوله 80 الف .باعه برع عن طريق الجريده ب 115 ..
و طبعا منو الي بيبيع سياره على معرض غير الي محتاي فلوس و يبا يخلص بسرعه …؟؟
المعرض اقرب و اسهل وسيله ..
عش رجبا ترى عجبا