السلام عليكم ورحمة الله
مشكلتي بكل بساطه عن الخدامات الفلبينيات
لين الحين صرت يايبه 4 خدامات فلبينيات والوحده ما اتكمل عندي شهرين واتقولي ما ابا اشتغل
انزين ليش الحين وشو السبب ؟؟؟
اول شي انا يالسه فشقه غرفتين وصاله ومطبخ يعني على قدي انا وعائلتي وعندي بنت وولد الحمدلله .
والله والله والله انه لا اخليها تطبخ ولا اخليها تغسل ولا اخليها اتنشف ولا اخليها ادق العيال من اكل ولبس وشرب وسبوح وحتى ريلي ما يطلب منها شي واصلا هو ما يحب ياخد شي من الشغالات بس اخليها اتنظف وتكوي الثياب وانتو تعرفون الشقه صغيره وما فيها شغل وايد وحتى طبعا يوم اطلع ما اخلي العيال وياها هذا من سابع المستحيلات .
اخلي الشغاله اتنش سبع الصبح والله الريوق واغراض عيالي حق المدرسه والثياب والشنط انا احضرهم وترقد من الساعه ثمان او تسع فالليل .
انزين الحين شغاله ودافعه عليها دم قلبي وانتو عارفين كم تكلف وما عندها شي وايد تشتغله ويوم اسألها ليش ما تبين تشتغلين اتقول ما ابا !!!!
انا ما اقدر اغصبها اوديها المكتب وعقب كمن يوم اتقولي انا برد خلاص وطبعا ريلي ما يرضى لانه من اول يقول اللي تطلع ما اترد يمكن سبحان الله المكتب يغصبها اترد وعقب اطلع حرتها بالعيال لا ما نبا وانا اصلا اييب فلبينيه عشان الانجليزي وهم نظاف اكثر من غيرهم .
الحين هل انا الوحيده اللي عندي المشكله وياهم او اشو السالفه ما ادري ؟
الحين بييب اثيوبيه وبشوف انتو شو رايكم فيهم ؟؟
بيسوون نفس الشي ام انا حظي تشي ؟؟ مع العلم انها الصبح اتم بروحها لانه نحن انداوم والعيال فبيت اختي يعني تاخد راحتها ولا والله حد يزعجهم او يقولهم كلمه تشي او تشي والله شاهد على كلامي
ليش ليش ليش ما ادري 
لا اخليها تطبخ ولا اخليها تغسل ولا اخليها اتنشف ولا اخليها ادق العيال من اكل ولبس وشرب وسبوح وحتى ريلي ما يطلب منها شي واصلا هو ما يحب ياخد شي من الشغالات
اختي ممكن سوال اذا انتي قايمه بالشغل كله حق شو خدامه بعد هههههه
يمكن هي تفكر بنفس تفكيري
تقول حق شو يايه انا اشتغل يوم ان ربة البيت قايمه بالشغل كله ههههه
تدرين شو من باجر فري الشغل عليها .يمكن هي مال كراف مب مال يلسه ههههه
عندي الوالده الله يطول بعمرها كله تصارخ على الخدامه
اقولها امييييييي مايستوي تكلمينها شوي شوي تقولي لا مايستوي . اجلب ويهك انته !!ّ!
يضمن حقوق الشغاله ويضمن حقوق الي يايب الشغاله
لو هيه توقع على عقد وانها قالت انها ماتبي تشتغل
فهناك بيكون عليها عقوبات مثل تدفع للشخص الي جايبها كامل مصاريفهاا الي دفعها عشان يجيبها
فهني مابتستوي اللعبه منهم بس للاسف مافي عقد يضمن حق المواطن
واهم شي المعاملة
عامليها زين واحترميها كانها اختج والبسيها من لبسج وعطيها خصوصيتها ولا تطلبين منها اكثر من طاقتها
وادعي في كل صلاتج الله يحفظ لج ريلج وبيتج وعيالج
يمكن من الضيجة والملل
ترى يوم ماشي شغل يضيجن الشغالات
ظهريهن وياج خليهن يشوفن الدنيا الشقق أصلا حكرة
خليها تيلس ويا اليهال اذاكرلهم اتعلمهم انجليزي وخصوصا الفلبينيات يموتن على اليهال
حطيلها تلفزيون في الحجره خليها تطبخ تتسلى ما بتمل بتنشغل شوي
والله يوفقج يارب
هذه المشكله بالخليج كله وليس لها حل ,,
لان بعض العاملات يذهبون الى السياحه المنزليه ولاهامهم العمل داخل البيت عنوان التمرد هو رايتهم اذا ما اشركنا
والله اعلم بعض اصحاب المكاتب الي يترزقون وري هذا التنقل من بيت الى آخر للعموله بعد ماضمن جلبها للبلد ,,,,
عندي نصيحه لاي واحد منكم ان لا يكتب تلفون البيت على طلب التأشيره لان بعضهم يتعرفون على بعض بالطياره
ويخربون بعض في التمرد من خلال التواصل بالتلفون لان كل وحده تعرف مكان الثانيه وتقارن الشغل مع نفسها ,,,,,,,,
لذلك حطوا رقم تلفون العمل ؟؟؟؟
الله يعينك واقنعي زوجك بالتنازل اشويه لان رمضان على الأبواب وبورصة العاملات قد اشتعلت مع حرارة الصيف ؟؟