السلام عليكم ورحمة الله
مشكلتي بكل بساطه عن الخدامات الفلبينيات
لين الحين صرت يايبه 4 خدامات فلبينيات والوحده ما اتكمل عندي شهرين واتقولي ما ابا اشتغل
انزين ليش الحين وشو السبب ؟؟؟
اول شي انا يالسه فشقه غرفتين وصاله ومطبخ يعني على قدي انا وعائلتي وعندي بنت وولد الحمدلله .
والله والله والله انه لا اخليها تطبخ ولا اخليها تغسل ولا اخليها اتنشف ولا اخليها ادق العيال من اكل ولبس وشرب وسبوح وحتى ريلي ما يطلب منها شي واصلا هو ما يحب ياخد شي من الشغالات بس اخليها اتنظف وتكوي الثياب وانتو تعرفون الشقه صغيره وما فيها شغل وايد وحتى طبعا يوم اطلع ما اخلي العيال وياها هذا من سابع المستحيلات .
اخلي الشغاله اتنش سبع الصبح والله الريوق واغراض عيالي حق المدرسه والثياب والشنط انا احضرهم وترقد من الساعه ثمان او تسع فالليل .
انزين الحين شغاله ودافعه عليها دم قلبي وانتو عارفين كم تكلف وما عندها شي وايد تشتغله ويوم اسألها ليش ما تبين تشتغلين اتقول ما ابا !!!!
انا ما اقدر اغصبها اوديها المكتب وعقب كمن يوم اتقولي انا برد خلاص وطبعا ريلي ما يرضى لانه من اول يقول اللي تطلع ما اترد يمكن سبحان الله المكتب يغصبها اترد وعقب اطلع حرتها بالعيال لا ما نبا وانا اصلا اييب فلبينيه عشان الانجليزي وهم نظاف اكثر من غيرهم .
الحين هل انا الوحيده اللي عندي المشكله وياهم او اشو السالفه ما ادري ؟
الحين بييب اثيوبيه وبشوف انتو شو رايكم فيهم ؟؟
بيسوون نفس الشي ام انا حظي تشي ؟؟ مع العلم انها الصبح اتم بروحها لانه نحن انداوم والعيال فبيت اختي يعني تاخد راحتها ولا والله حد يزعجهم او يقولهم كلمه تشي او تشي والله شاهد على كلامي
ليش ليش ليش ما ادري 
انا مرت اخويه ساكنة في شقة ببوظبي وتشتغل وكانت اتودي عيالها الحضانة
وشغالتها تضايج يوم اتوديهم الحضانة اتقوللها خليهم عندي انا امل يوم محد عندي
واحس بالوحدة قالت لها يوم انج اضيجين خلاص بوديج الحضانة وياهم واستانست
الشغالة لازم نشغلها ما نعطيها فرصة اتفكر في اهلها واتم بروحها بتيها حالة نفسية
في مجال انها تمسك العيال وتطبخ لكن تحت اشراف ومراقبة الاهل
نحن عندنا مشكلة البشاكير بعد !
يبنا وحدة من شهر ماشالله عاملتها احسن مما اعامل اختي
وكنت اسويلها مسابقات اونه شو اسرع وقت اتخلص فيه تنظيف الغرفة لانها بطييييئة !
واقولها نحن هني اصدقاء اذا في خاطرج شي عادي تعالي وقولي حتى لو مب مرتاحة قولي بنردج المكتب
وقالت ابا ارد وقلت لها استخيري واستخارت واخر شي امي ما عيبها الدلع اللي تدلعه علينا قالت والله ما اتم ليلة زيادة براااااااع هههههه زين ما سفرتنا نحن بعد
وما شي يختي بيتج غرفتين وصالة بيتنا ماشاء الله مركض خيل متخيلة كمية الغبار اللي لازم ينمسج والزرع اللي لازم ينسقى و الغرف والغسيل والكوي
قصص ! بس طلعت بفايدة الحمدلله عرفت كيف يستخدمون الغسالة
انا ارحمهن لانهن في غربة واكيد الشخص يحس بالوحشة بس تصدقين اتكتشفت انهم وحوش بعيد عنج ولا يغرج مسكتنهم يشترون ويبيعونج وانتي اخر من يعلم
استخيري قبل لا اتيبين اي خدامة وان كان فيه خير لج بتم واذا لا تراها راحت بشرها
اولاً: قبل مااا تقدمين على الشغاله المفروض اتصلين الاستخاااره
والله انج بتحسين براااحه نفسيه على الاخر والامور بتتيسر لج
ثاني شئ: بعد ماااا توصل الشغاله في المكتب واول مره اتشوفينهااا اتقولييين هذا الدعاء
“اللهم إني أسألك خيرها ، وخير ما فيها، وأعوذ بك من شرها وشر ما فيها”
بصرااااحه اناااا دائماا اردد هذا الدعاء لكل الاشياء اللي اكون اناااا خايفه منهااا واحياااناا اكون متردده فيهااا (وخاااصة للشغالات اليداد لاهلي)
سبحااان الله بقدرة قااادر احسن بعد مااا اقول هذا الدعااء ارتاااااح نفسياً
وثالث شئ: يمكن يكون حسد او عين والله اعلم
احساس الشارجه
المشكله اني محتاجه وحده حق التنظيف والكوي هذا اللي ما اروم عليه لاني اداوم وانا من النوع اللي يحب يطبخ حق عياله واهل بيته واقول ما بثقل على الشغاله يمكن تعب عليها واذا ما ثقلت عليهم ايحبون يشتغلون وبعد بالنسبه للعيال اخاف عليهم والله من كثر ما نسمع عنهم شو يسوون باليهال لان مهما كان العيال عيال وما حد يتحمل الياهل الا امه او ابوه وهذا راي الخاص ما ادري
والله اني اعاملها احسن معامله ولا اقولها شي اقول يمكن اثقل عليها ووايد ناس قالولي الشغاله لازم تكرفينها كراف ولا تعطيها ويه بس اخاف من سوء المعامله عشان هم اتم معاملتهم زين ويانا
عرفت شو قصدي .
الله المستعان
والله انت اسم على مسمى ..
اسمك احساس وتحس بالناس
بخبرك وانت شو دخلك بشغل الحريم … الله يقوي امك عليك ان شاء الله