من قبل 15 يوم رحت تايلند انا وكم واحد من اهلي للعلاج وهاذي اول مره اروح فيها هالبلد واللي شفته للحين ما قادر اصدقه!!!!!!!ومن اللي شفته ان هناك 3 اطفال لم يتجاوز الواحد منهم 16 سنه وكل واحد منهم حاط ولا 20 حلق وشي يشبه الخرز الحديد في شفايفه وحواجبه وفي لسانه وشعرهم كنه ظارب شلق فيه!!!! وجاني فضول اسالهم وقلت الهم اهلكم وين قالولي انهم جايين روحهم؟؟؟؟؟؟؟؟ والسالفه الثانيه بخصوص بعض البنات !!!!! كل اربع وثلاث راكبات التكتك وفل ميك اب بدون عبي ولاشيل ولابسات لبس اعوذ بالله ويتمشن ويصارخن على الشباب !!!!! وشبابنا الله يخليهم كل واحد مربي له عضلات ولابس قميص راص ويلووح المبايل ويراكض من سكه لسكه يدور يفر الرقم على حد؟؟؟؟ شو اللي قاعد يصير بالله عليكم وين اهلهم وين التربيه وين الالتزام والاخلاق وين هذا كله!!!!! فيا اخواني هل هذا يجوز؟؟ وارجو من كل واحد او وحده او ولي امر ينتبه لموضوع السفر لهذا البلد………. وطبعا مش الجميع بهاذي الاخلاق والله اني شفت عوائل تستحي تطالعهم من احتشامهم وادبهم لكن الاكثريه الفاسده مغطيه على الوضع اهناك والله يعينا ويعينهم والله يهديهم
قال رسول الله صلى الله عليه وسلم في وصفه للمسؤوليه : ((كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راع في مال أبيه ومسؤول عن رعيته، والخادم راع في مال سيده ومسؤول عن رعيته، وكلكم راع وكلكم مسؤول عن رعيته)).
تسلم اخوي (شيوركي 2009) على غيرتك على ابناء الوطن والله يكثر من امثالك
الغالي انت ما شفت شي . وين المرقص وين …. وين ……وين …… الغالي عادي جنك ما شفت شي ….
وين البنات يالي يسافرون بروحهم والله بانه شي يعور القلب بس شو نسوي هذي الدنيا والدنيا هب على كيفنا و وربي بيسر الامور ومشكور على هذا الموضوع
يت على بانكوك دش مراكزنا وبتلاقي الخير وايد
الله يهديهم ويصلحهم
مانقول غير الله يهدي الجميع
تسلم اخوي على الطرح والتنبيه
بالفعل البعض من يسافر ينسى اصله وعاداته
والفئه اللي تكلمت عنهم اللي محطين سلاسل وحديد واكيد يربطون كف الايد سواء ايد وحده ولا اثنتين وحد منهم يصبغ طرف شعره
ويثقبون ويوههم ويحطون حلق حديد شرات الثيران
هذي الفئه من الناس اسمهم الايمو
واقروا عنهم ترى وايدين من اهلكم يقلدونهم بدون مايدرون
لان في اشياء فالاسواق تنباع خاصه بهالناس والناس على نياتهم يشترونهن …. ما اظن فيها شي بس لازم تعرفون هالاشياء
السموحه اخوك راعي التاهو