السلااام عليكم والرحمه،،
وأبتدأ موسم الربيع والشتاء…
وبدأت الناس تخرج من صومعتها ومن هواء المكيفات إلى الهواء الطبيعي..
إلى البر والبحر والحدايق..
ولكن..
للأسف الشديد هذا الهواء بدأ بالتلوث والأختناق لمرتاديه من خلال دخان الشيشة..
حرية شخصية….. برايكم يا رياييل…!!!!
لكن ….
المنظر المقرف صراحة لما يكون المدوخ من الجنس الآخر..(الحريم والبنات)
والقهر يكون الزوج والأخ وإلا ما أدري منو..يالس معاها ويشاركها بالشيشة…
مناظر تشمأز منها النفس الإنسانية….
وين الحياء..والله عيب على الطرفين الصراحة…
واللي يقهر زيادة..أن الأبن والأبنه هي اللي تجهز لهم الشيشة…
(حسبي الله ونعم الوكيل)
والله يا أخوان مناظر نشهدها في كل مكان عام نقصده للأستجمام…..
على الأقل يا حريم ويا بنات أسترن على أعماركن..وسون منكركن بالخفاء…ليش المجاهرة..!!!!
والله عيب..عليك أنت كريال ..وعليج أنت كحرمة أو بنت…!!
أخواني وأخواتي..
جف قلمي عن الكتابة..وتعبت أصابعي عن الدق على لوحة المفاتيح..
يا حبذا بكلمة منكم لهذه الفئة…عل وعسى تكون رادعة لهم..
وصحوة لضميرهم الميت..وإيقاظ الوازع الأيماني والديني الميت..
وسلامتكم..
أختكم،،،
يا ليت
ويعاملوها مثل الزقارة
او حتى اشد لانها اشهد في الاثر
بالفعل منظر البنت وهي تشيش مقرف و مؤذي .. ماعرف ليش هالتصرف .. هل هو استرجال ؟ ام تقليد اعمى للغير ؟
يزاج الله خير اختي على الموضوع
ليتهم يمنعون الشيشه ويرفعون سعرهاااا
ويحاربونها وين ما كانت
في مجتمعات عندهم هالشي عادي وما احب اني اذكرهم احتراما للفئة الاخرى منهم .. ولكن ماهي الصورة لما تشيش او ادخن وهي محجبه وكأنها تهين الحجاب الذي يمثل العفة والحشمه للمرأة المسلمة ..
والله يهديهم
السلامـ عليكمـ و رحمـــة الله ،،
أشكرج يالظبيانية على الموضوع ،، و بالنسبة للشيشة ،، في رأيي اللي يسمح لأخته أو أمه أو زوجته إنها تدخن الشيشة جدامه الصراحة انعدمت عنده الغيرة ،، كيف يسمح لنفسه يكون في هالموقف؟
و من صوب الحرمة أو البنية ترا عيب تقتلين انوثتج و تضيعين صحتج و تنزلين من نظر الناس لمجرد أنفاس دخان تدخل و تطلع ،،
نسأل الله العفو و العافيـــة ،، و ربي يهديهن ،،