سلام عليكم
اولا اليوم الصراحة كنت مستانس من جميع النواحي ولله الحمد
لكن انقلب الحال بعد الساعة 4 عصرا
ساير مع الاهل مركز وافي والصغارية فرحانين
لكن المفاجأة كانت في المركز
اتصدقون امسوين اكبر شجر لعيد راس السنة يمكن فالامارات قصد الصناعي فالمركز
وامسوين بلاوي والله يمكن امكلفنهم اكثر من 100000 الف درهم
وبمناسبة يوم الاتحاد والله ما كلفهم شي مايتقارن بعيد راس السنة
والله شي يقهر حبيت اعرف وين دور مسؤول المراكز؟
الي اعرفه انه رجل عربي وحتى لو ماكان عربي المفروض يكون العكس
يا جماعة عيالي سالوني بابا اليوم عيد وطني ولا شي ثاني ؟
ما عرفت ارد عليه
اتصدقون ما كملت 5 دقايق وطلعت خربوا طلعتنا
حبيت اعرف تعليقكم على الموضوع
37 thoughts on “والله عيب على مركز وافي”
Comments are closed.
هي والله خلها على الله
لو تتحرطم من اليوم لين باجر ما بيتغير شي
عيل اذا كريسمس جيه
اتريا الفالنتاين(عيد الحب مالهم) شو بيصير
المراكز كلها حمرا ، اخس عن الكرسمس
شو بنقول ننطم ونسكت احسن
احس بالقهر ،ارضنا ارض المسلمين ايوون يحتفلون علني ، يلتعنون في بيوتهم ، لكن علني؟؟؟؟؟؟؟؟
منو اللي ايده اعلى الحين ؟؟؟ هم وله نحن؟؟؟ شو صاير على بلادنا؟؟؟
سلام عليكم
والله شو بنقول وشو انسوي لكن الله المستعان
عالعموم مشكورين لتجاوبكم مع الموضوع والله يعطيكم الصحة والعافية
مناسبه ثانيه مثلا رمضان عيد الاتحاد الاعيااد
بداية اشكركم اخوي بوعبدالرحمن لطرحك هالموضوع …
شفت الشجرة ئلي تقول عنها اتخيل انهم ابتدوا في تجهيزها تقريباً من 20-11 يعني تقريباً قبل شهر من عيد الكفار …
اليوم ظهرت والله ان جاستني غصه تصدق بلادنا ولا كأننا في يوم الاتحاد … اتذكرت عيد الاتحاد قبل 5سنوات كنا نحس فيه وحتى الزوار والسياح يحسون فيه كانت دبي عباره عن ثريا كبيره كلها فرحه وانوار واشكال … بس السنه مافي اي شي .. ما ادري ليش يمكن الولاء والوطنيه ما لهم معني عند التجار أو ………………. حد يقدر يرد على سؤالي ؟؟؟؟؟؟؟!!!!!!!!!!!!!!!!!!!!
والبارحه اسمع F.m في شخص مسؤول يتكلم عن ترتيباتهم لمهرجان دبي للتسوق
معقوله يااخوان اني المهرجان صار عندهم اهم من يوم الاتحاد …
والله اني متغصصه ومعصبة
…